أبدأ اشتغل فى تأسيس الكهربا والسباكه دلوقتي وأجل المحارة
بخصوص أكتر من مفتاح للأضائه بيستهلك أسلاك كتير خد بالك
المطبخ الافضل انه يبقي 6 ملي لو هتجيب افران كهرباء
لو هتركب تكييف لازم تعمل حسابه فى الكهربا من دلوقتي

السباكة حاول تكبر مواسير الصرف على قد ما تقدر وميكونش فيها كيعان زاويه (90) نهائي الكيعان كلها تكون كيعان مفتوحة (زاويتها 120) عشان متنسدش
اعمل حساب لفلتر المايه فى المطبخ وحنفيه سخن لو هتجيب غساله فوق اتوماتيك
السباك والكهربائي أديلهم نص الاتفاق عشان تضمن انهم يجولك وقت التشطيب

المحارة حاول تصبر عليها لحد ما يبقى معاك فلوس النجارة والسيراميك :
السيراميك بيحتاج رمل كتير أكتر من المحاره وبالتالى لو جبت ونش يطلعلك مونة المحارة والسيراميك والسيراميك نفسه مرة واحده هيبقى احسن واريحلك
النجارة مش المفروض انك تركب الحلوق وبعدين تركب الابواب
الصح انك تركب الحلوق والابواب وبعدين تمحر والابواب مقفولة كمان