الموضوع: تقرير عن مميزات وعيوب اللوجان الشكل الجديد 2015

المشاركة الأصلية كتبت بواسطة ahmed hosny

شكرا جدا جدا جدا يا باشا على الرد
انا خلاص قررت اجيب اللوجان بس لحد دلوقتى مش عارف اجيب الفقه الاوله منين مع العلم انى لزم جدا يكون التسليم فورى وانا ها خلصها ان شاء الله كاش فا ياريت تفدونى اجيب الفائه الاوله منين

الفئة الاولي صعبه جدا انك تلاقيها ولو لقيتها هتلاقي الاستغلال علي اصوله اللي هيقولك 87 والل هيقولك 88 الاوفر برايس بتاعها عالي جدا بيعدي ال 5000 جنيه نصيحة حاول تزود شوية وتشوف الفئة التانية لان لسه نازل من المينا من كام يوم عربيات كتير الفئة التانية وهتستلمها فوري كمان من عند سمير ريان او الطارق او الليثي وسعرها مش هيعمل 90 الف وانتا اولي بفرق الاوبشن وجودة الفرش

المشاركة الأصلية كتبت بواسطة mas.soliman

السلام عليكم ورحمة الله وبركاته

وعليكم السلام ورحمة الله وبركاته

لو تكرمت أنا عندى بعض الاستفسارات علشان بفكر جديا فى السيارة دى ( خاصة الفئة الثالثة الكمفورت ) زى عربية حضرتك إن شاء الله

فكنت آمل ان حضرتك تجاوبنى عليها corsair

أولاً : المرايات الجانبية هل فعلا التحكم بها كهربائيا من الداخل فقط يميناً أو يساراً فقط ؟

التحكم من الداخل يتم في جميع الاتجاهات يمين ويسار واسفل واعلي

ثانياً : هل ذراع التحكم بالصوت منفصل عن ذراع المساحات وإن كان نعم فأين مكانه ؟

نعم منفصل عن ذراع المساحات ومكانه اسفل ذراع المساحات

ثالثاً : هل فعلا تنك البنزين يفتح من الداخل فقط ؟ وإن كان نعم فهل يوجد طريقة لتعديله ليفتح من الداخل ؟

لا تنك البنزين يتم فتحه من الخارج بمفتاح السيارة الرئيسي وده للعلم أأمن لك في دول اوروبا تقوم انت بتموين سياراتك وليس مسئول البنزينه وده كويس علشان تبقي عارف الراجل بيحط البنزين صح وميغشكش في عدد الليترات علشان الغش بقا علي ودنه اليومين دول ونصيحه متعملش تعديلات وسيبها علي وضعها

رابعاً : ما هى وظائف ( الزراير ) الموجوده بالطارة ؟ والموجودة أسفل فاتحة التكييف اليسرى ؟

ده نظام اسمه ليميت اسبيد وكروس اسبيد والتحكم فيهم يتم عن طريق الدريكسيون بزيادة او نقص السرعة المحددة وكذلك هناك زرار لايقاف النظام مؤقت وزرار اخر لاسترجاعه وهم كالتالي + - r o

الليميت اسبيد بيحددلك سرعة لا يمكن تخطيها مهما كبست علي دواسة البنزين

الكروس سبيد انتا اللي بتحدد السرعة للسيارة ويقوم النظام بالضغط علي دواسة البنزين وفصلها من طرفك للوصول للسرعة التي قمت بتحديدها للنظام

خامساً : هل فى هذه الفئة ( الثالثة ) يتم ربط الموبايل مع الكاسيت بالبلوتوث وذلك لإجراء واستقبال المكالمات ؟

فعلا هناك ربط بين الكاسيت والموبايل ويتم استقبال المكالمات وظهور اسم المتصل علي شاشة الكاسيت بوضوح وهناك زرار اسفل زراع المساحات للرد وغلق المكالمات وايضا يمكنك استخدام البلوتوث لعرض الميديا المتواجده علي الموبايل علي الكاسيت بدون اي وصلات او اسلاك

سادساً : هل بعد تشغيل السنتر لوك تفتح الأبواب من الداخل ؟ وإن كان نعم فهل هناك طريقة لعدم فتحها من الداخل ؟

لما بتفتح السيارة بالسنتر لوك الابواب جميعها مع الشنطه تفتح وعند التحرك ووصول السيارة لسرعة 10 كيلو في الساعه يتم غلق جميع الابواب والشنطه اتوماتيك بدون تدخل منك ولفتحها هناك زرار اسفل الانتظار تضغط عليه فتقوم بفتح جميع الابواب والشنطه وعند التحرك يقفل اتوماتيك

سابعاً : هل فعلا يوجد اضاءة بدرج التابلوه ؟ وهل يوجد حامل أكواب بالخلف ؟

لا توجد اضائة بدرج التابلوه ولا يوجد حامل اكواب بالخلف

وياريت لو ينفع حضرتك ترفع صورة لمكان زراير التحكم بالصوت ولوصعبة مش مشكلة يكفى سعة صدرك للإجابة على استفساراتى



ده شكله ومكانه اسفل زراع المساحات والدريكسيون واعلي مفتاح الكونتاكت

أعتذر عن الإطالة :zb_sor1[1]: ولسيادتكم جزيل الشكر :b4_388:

الشكر لله وتحت امرك في اي وقت واسف علي التاخير في الرد نظرا لظروف العمل ونصيحة اخ لاخوه انزل اي معرض واتفرج عليها بنفسك وجربها بجد الكلام حاجه والمشاهده علي الطبيعة حاجه تانيه خالص

والسلام ختام
تحياتي

دي صور للسيارة من الداخل وزراع التحكم في الصوت متواجد فيها





دي صورة من غير دريكسيون وزراع التحكم واضح جدا اهو




ودي بقا صورة اخيرة لشكل التابلوه

المشاركة الأصلية كتبت بواسطة mas.soliman

بجد من غير مجامله حضرتك ذوق جدا ولحد دلوقتى كل الأعضاء اللى اتعاملت معاهم محترمين جدا زى حضرتك

وإن شاء الله قبل ما أجيبها هتفرج عليها

ومتشكر جدا مرة تانية لذوق حضرتك وربنا يديم المعروف

الشكر لله يا استاذ سليمان ولو حضرتك احتاجت اي حاجه انا تحت امرك في اي وقت

المشاركة الأصلية كتبت بواسطة member 18

طيب لو هقارن بين اللوجان الفئه التالته والبريليانس كروس ...
علما بان الكروس شكلها الخارجى افضل من وجهة نظرى وبالرغم من انها صينى محدش اشتكى منها ..
الحقيقه محتار جدا ياريت افادة
شكرا

والله انا عن نفسي بحترم ماركة البريليناس جدا بس في اول ما نزلت دلوقتي بقت فعلا تحس انها صيني صيني مش زي ما اول ما نزلت الكل دلوقتي بيدور علي المكسب قبل اي شئ

اللوجان معروفه من سنة 2009 والشكل الجديد هو هو الشكل القديم مع تغيير البودي فقط عربية اعتمادية وهيه اللي تنفع في بلدنا الجميلة ومطباتها

عربية واسعه وعاليه وشنطتها كبيره وتشيل 5 مرتحيين استهلكها للبنزين ممتاز عملت معايا 570 كيلو ب 41 لتر بنزين مع الزحمه وتشغيل التكييف فترات وحمولة 5 افراد بالشنط يعني حوالي 700 كيلو جوا العربية وبسرعة 120 كيلو في الساعه

الاوبشن اللي فيها والامان مش موجود في عربيات سعرها معدي ال 120 الف

وياريت تجربهم الاتنين وتشوفهم علي الطبيعه

وصلي صلاة استخارة واللي ترتحلها هاتها بدون تفكير