الموضوع: تقرير عن مميزات وعيوب اللوجان الشكل الجديد 2015

المشاركة الأصلية كتبت بواسطة corsair

السيارة يا استاذ روان عملية جدا وعائليه من الدرجة الاولي واسعار قطع غيارها اقل من اسعار قطع غيار الافيو وتقريبا قريبة جدا لاسعار قطع غيار الفيرنا في التوكيل لان قطع غيارها مفيش منها مضروب ولا تقليد زي الفيرنا يعني هتبقي ماشي مطمن وحاطط في بطنك بطيخه صيفي

الرينو الكليو موجوده بقالها اكثر من 14 سنة وتحس انها عربية موديل السنة الجديدة لسه ماشيه علي الارض

الصاح باعها فعلا مش قوي وده مش في الرينو بس ده في كل العربيات علشان يخفف وزن العربية واستهلاك البنزين

بس احب اطمنك ان اللوجان فيها اقوي شاسيه موجود في العالم وهو انتاج شركة داتشيا رائدة صناعة الشاسيهات في العالم

والكبالن بتاعتها انتاج شركة رينو اول من اخترعت نظام الكبالن في العالم

عربية تركبها وانتا مطمن عليك وعلي اسرتك

تحياتي لك

حجزت العربية وان شاء الله هستلم بكره بس فيه ملحوظه فعلاً شفتها في اكتر من عربية اليومين اللي فاتوا ومش عارف دي صدفة والا ايه شفت اكتر من عربية الباب اليمين متطبق بشكل غريب و اخويا قالي انه شاف واحده الباب الشمال كذلك ف هل دي صدفة و لا في مشكلة في الصاج فعلاً ؟

المشاركة الأصلية كتبت بواسطة corsair

معلش انا مش فاهم حضرتك يا دكتور يعني ايه الباب مطبق لان عندي الباب الحمد لله سليم مفيش فيه اي تطبيق ومعايا اصدقاء كتير جدا علي الجروب وبنتقابل ومحدش اتكلم نهائي علي تطبيق في الباب

وان شاء الله تستلم علي خير وربنا يديك خيرها ويكفيك شرها وشر طريقها

اولاً شكراً لحضرتك علي الرد و علي الموضوع لانه كان سبب رئيسي في اني رجحت كفت اللوجان علي حاجات تانيه
لا اللي اقصده ان العربيه تحس انها مخبوطه بس مفيش خربشه في الباب بس اللي استغربتله انه نفس المكان في اكتر من عربيه فخوفت ان العربيه فعلاً يكون صاجها خفيف زي ما البعض بيقول و اقل خبطه بتظهر لكن ممكن تكون صدفة ان نفس العربيات اتخبطت في نفس المكان و الله اعلم
علي العموم انا استلمت العربيه و العربيه مبدئياً ما شاء الله جميلة بس لسه هنجرب و نشوف اخبارها ايه وشكراً لحضرتك مره تانيه

المشاركة الأصلية كتبت بواسطة مروان المصري

انا مرتاح للوجان جدا بس الي مخوفني 1 ان دي اول عربية ليا انا 19 سنه فخايف تتبهدل مني انا اعرف ان الرينو اسعار قطع الغيار غالية جدا 2 سمعت ان الصاج ورق فمعلش طمني انا حاسس اني داخل امتحان الثانويه تاني حاجه اخيرة معلش العربية دي لو هستعملها استعمال عدل تعيش معايا ولا هتفتح بقاها معلش مصدعك و شكرا علي الرد

خوفك من الصاج فى محله ... صاج اللوجان ضعيف فعلاً .... هقولك كمان على معلومة ان اللوجان القديمة كانت ماكينة درفلة شيت الصاج فيها مشكلة مخليه سمك الصاج اقل شوية فى حتة و زيادة فى حتة عشان كدة هتلاقى عربيات رينو كتير -الشكل القديم- فيها انبعاجة عند جانب الشنطة الايسر فوق الكاوتش الايسر منطقة الشنطة.. و دا بسبب سمك الصاج القليل بالاضافة لمشكلة فى الدرفلة خلت الشيت كله مش متجانس فى السمك... المهم صاج اللوجان ضعيف..

قطع الغيار مش غالية قوى بالمقارنة بباقى العربيات فى فئتها سواء صينى او كورى

لو هتشترى العربية دى هتعيش مرتاح جدا لأنها استهلاك بنزين مش عالى و مش بتحتاج غير الصيانة الدورية ... بس عيوبها الصاج الضعيف و الرعشة فى الفتيس المانوال و مش بتاعة غرز و مناورات انما هى عائلية

استاذنا الفاضل انا متابع الموضوع من اوله ........ مبروك عليك الفئة الثالثة ربنا يكفيك شرها ويحافظلك عليها ......
انا اشتريت الفئة الاولى من حوالى 4 ايام فقط ..... بصراحة العربية ناعمة وسهلة ومش شايف فيها اى عيوب وكان عندى هيواندى اكسنت خليجي جيابها معايا من بره موديل 2000 ....
طبعا الفئة الاولى مفهاش فوانيس الضباب الامامية وبالتالى نظام الداى لايت اللى زهقنى موجود في الفوانيس الاصلية (واخد بالك انت ؟ ) ........
وطول ما انا ماشى بالعربية اطفى النور اطفى النور ......
وقفت بالعربية ونزلت منها واديت المفتاح لواحد بيقولى اطفى النور وقلت له لو طفته هديلك 100جنيه !!!!!
مفيش حل يا استاذنا لموضوع ده ؟واسف للاطالة