تقرير عن مميزات وعيوب اللوجان الشكل الجديد 2015

**tamer61** · 25-08-2014 11:37 AM

المشاركة الأصلية كتبت بواسطة corsair

والله انا اول مره اركب لوجان الفيرنا عندي كان فيها صيانة ال 1000 كيلو علشان كدا مش مستغربها في اللوجان

واي استفسار اخر انا تحت امرك

العربية مفيهاش تعويم خالص الحمد لله وثابته وفعلا الكاوتش سئ وان شاء الله هغيره بعد ما اهلكه شوية

الله ينور عليك ..... أنجزت وأوجزت

**corsair** · 25-08-2014 03:56 PM

المشاركة الأصلية كتبت بواسطة tamer61

الله ينور عليك ..... أنجزت وأوجزت

تسلم يا غالي وجزاك الله كل خير

**داليا** · 11-09-2014 03:01 PM

انا حاجزة الفئة التانية من ايام ومعروض عليا 2014 اتوماتيك عاملة 2000 كيلو مين افضل فى رأيكم؟

**sayed al adawy** · 11-09-2014 05:13 PM

السلام عليكم كنت حابب اعرف اللوجان احسن ولا الافيو لانى محتار بينهم هما الاتنين وناس كتير حذرتنى من اللوجان ياريت حد يفيدنى

**zaza_lanos** · 11-09-2014 06:23 PM

العربية ظريفة
بس عندى شوية ملاحظات
الفرامل الخلفية لسه طوابير
الباور لسه هيدروليك
الزجاج مش فاميه

**محمودمحمدخطاب** · 13-09-2014 11:15 AM

بسم الله ما شاء الله

السيارة شفتها و عجبتني و ربنا يسهل و أشتريها بإذن الله و البركة في الموضوع ده و بعد ما شفتها في المعرض اقتنعت بيها أكتر

**Eng.M_Mousa** · 13-09-2014 09:50 PM

المشاركة الأصلية كتبت بواسطة داليا

انا حاجزة الفئة التانية من ايام ومعروض عليا 2014 اتوماتيك عاملة 2000 كيلو مين افضل فى رأيكم؟

انا شايف الشكل الجديد اجمل لو مش هيفرق معاكي المانيوال لكن بصراحة الاوتو اريح بكتيييير في السواقة لو الشكل القديم شيفاه كويس دوسي

**corsair** · 18-09-2014 10:54 PM

المشاركة الأصلية كتبت بواسطة داليا

انا حاجزة الفئة التانية من ايام ومعروض عليا 2014 اتوماتيك عاملة 2000 كيلو مين افضل فى رأيكم؟

معلش يا استاذ داليا للتأخير في الرد
حضرتك الفرق بين اللوجان القديمة والجديدة في الشكل الخارجي فقط
لكن الاتنين واحد في اغلب الاجزاء الداخلية
لو مش هيفرق معاكي المانيوال في بلدنا هاتي الشكل الجديد علي الاقل هتفضلي مستمتعه بيها مش اقل من سنتين ل 3 سنين قدام علي ما تنتشر الانتشار المتوقع

ممكن حضرتك تصبري لحد نصف العام الجديد 2015 هيكون ان شاء الله نزل الاتوماتيك من الشكل الجديد بس علي ما اعتقد سعرها ساعتها مش هيقل عن 110 الف جنيه

وانتي وراحتك بردك

اللوجان المعروضه علي حضرتك لو تخلص في 85 الف جنيه هاتيها بس اكشفي عليها في التوكيل الاول قبل ما تدفعي فيها جنيه

**corsair** · 18-09-2014 10:58 PM

المشاركة الأصلية كتبت بواسطة sayed al adawy

السلام عليكم كنت حابب اعرف اللوجان احسن ولا الافيو لانى محتار بينهم هما الاتنين وناس كتير حذرتنى من اللوجان ياريت حد يفيدنى

سيبك من كلام الناس مش هتخلص يا استاذ سيد

انا هحط نفسي مكانك لاني كنت قصاد الاختيار ده بين الافيو الاتوماتيك واللوجان الفئة التالته

من الاخر الافيو مدفعش فيها اكتر من 80 الف جنيه حرام ادفع فيها جنيه تاني وانا فعلا مركبتهاش بس الافيو مش اعتمادية ولا بتاعت شغل شديد من الاخر عايزه استخدام خفيف علشان تعييش معاك

اللوجان فيها ايرباج وفرامل abs وتكييف تاتش وطاره مالتي وواسعه من الداخل وعاليه عن الافيو وشنطتها اكبر وشكلها من الخارج من وجهة نظري احلي من الافيو وكمان توكيلها احسن من توكيل منصور بكتيررررررررررر

نصيحة ليك روح لاي معرض واركب دي واركب دي وشوف بنفسك انتا مرتاح لايه وربنا يوفقك للي فيه الخير

**corsair** · 18-09-2014 11:01 PM

المشاركة الأصلية كتبت بواسطة zaza_lanos

العربية ظريفة
بس عندى شوية ملاحظات
الفرامل الخلفية لسه طوابير
الباور لسه هيدروليك
الزجاج مش فاميه

موضوع الفرامل ده انا مش شايف فيه اي مشاكل الصراحه العربية فراملها ممتازة ونظام ال abs عامل شغل عالي اوي وانقذني بعد ربنا في كذا موقف الحمد لله وبالنسبة للدريكسيون انا مش شايفه تقيل للدرجه وحاسه زي الدريكسيون بتاع الفيرنا اللي كانت معايا قبلها واخف من دريكسيون النيسان الشكل القديم 2012 لانها معايا بردك وموضوع الزجاج فاميه ولا مش فاميه انا عن نفسي مبحبش الفاميه خالص وممكن تجيب ستاير كبس تغنيك عن الفاميه ومشاكله مع المرور وتقبل تحياتي

المشاركة الأصلية كتبت بواسطة محمودمحمدخطاب

بسم الله ما شاء الله

السيارة شفتها و عجبتني و ربنا يسهل و أشتريها بإذن الله و البركة في الموضوع ده و بعد ما شفتها في المعرض اقتنعت بيها أكتر

ربنا يباركلك واختيار موفق بأذن الله وان شاء الله نبارك لحضرتك قريب

الموضوع: تقرير عن مميزات وعيوب اللوجان الشكل الجديد 2015

LinkBack

أدوات الموضوع

عرض

-

-

-

-

-

المواضيع المتشابهه

مميزات وعيوب i 30

مميزات وعيوب

مميزات وعيوب

تقرير صيانة ال1000 لبروتون واجا مميزات وعيوب

مميزات وعيوب اللوجان

الكلمات الدلالية لهذا الموضوع

المفضلات

المفضلات

ضوابط المشاركة