الموضوع: اجيب فيرنا جديد والا حرام فيها الفلوس ؟

المشاركة الأصلية كتبت بواسطة hesham fawzy h

شكرا لاهتمام حضرتك

بس انا شايف ان حضرتك معاك فيرنا 2014 ممكن تقولى اية مشاكلها؟

اسف علي التاخير في الرد
بس لسه داخل والله
بص يا سيدي هقولك علي المشاكل اللي قابلتني وهقولك علي رأيي في العربيه
انا استلمت العربيه شهر ١٢ اللي فات
مبدائيا العربيه شاريها من التوكيل مباشر
استلمتها بتحدف وترعش والمشكله باختصار الا لما رحت التوكيل ٧ مرات ( ايوه زي ما شفت ) سبع مرات اروح توكيل ابو رواش ومش عارفين يحلوا المشكله ومن الاول في مهندس قال ان العيب في الكاوتش وهما مقتنعوش الا لما ظبطوا زوايا ٦ مرات ورصصوا حوالي ٥ مرات وغيرولي الجنوط كله بدون داعي وفي الاخر غيروا الكاوتش اللي قدام والمشكله اتحلت الحمد لله
العربيه مشاكلها باختصار
خفيفه بس مش الخفه اللي بتتكلم عليها الناس طبعا انا الناس هنا حسستني قبل ما اشتريها انها هتتقلب بيا وانا واقف في الاشاره ( يعني انا كنت باخد ملفات بتاعه طريق السويس علي ١٤٠ عادي اه كنت ببقي قلقان بس ساعتها كنت شادد مع سيات ليون واخدت اكتر من ملف علي ١٤٠ ومقالتش لا بس الكلام ده مينفيش انها خفيفه بعض الشئ
فراملها متوسطه بس برضه مش ضعيفه زي ما الناس بتقول هنا اللي يقولك مش بتقف واللي يقولك فراملها اضعف من ال ٢٨ وكلام غريب من الاخر فراملها زي اي عربيه مفيهاش اي بي اس وفرامل اماميه فقط
التقفيل السئ بعض الشئ للتابلوه وده سببلي صوت تزييق في التابلوه مش بيبان الا لما اركز معاه وده ظهر تقريبا في ال ٥٠٠ كيلو بس مظهرش حاجه تانيه الحمد لله
في حاجه كمان الناس بتبالغ فيها
اللي هو تكييف العربيه
العربيه تكيفها جيد بس مش تلاجه
والهوايه بتاعه السواق اللي علي الشمال تكاد تكون معدومه هواها ضعيف جدا
سحب العربيه : العربيه سحبها حلو منكرش بس مش زي برضه الناس ما بتقول هنا
انا بشوف ناس بتقول انها عادي تشد مع بي ام ومرسيدس وكانها صاروخ طبعا الكلام ده سيبك منه اي كلام
العربيه
يعني
العربيه
خفيفه بعض الشئ
فرامل متوسطه
تكييف جيد
عفشه ناعمه جدا احسن حاجه فيها
موتور جيد
واسف علي الاطاله
ده شرح مني لتجربتي بكل صراحه وده ملوش دعوه باختيارك

هى طبعا الفيرنا عربية محترمة بس الفلوس عليها كتير حضرتك زود شوية وهات هيونداى ماتريكس او الانترا او الاحسن من الاتنين دول سكودا اوكتافيا a5 عربية بسم الله ماشاء الله

السلام عليكم
بداية الموضوع ممتاز جداو انا عندي نفس المشكله
انا كان معايا فيات سينا 2001 و مراتي معاها فليشيا
و حمايا معاه لانوس 2004
وانا بعت السينا وكان معايا فلوس وقررت اجيب زيرو
اولا عشان تحط كل فلوسك في عربيه مستعمله و نوع غالي دي مخطره كبيره جدا قطع غيار اللانسر ولا الصني مش ببلاش ولازم مهما كانت حلتها هتحتاج تغيرلها حاجه علي الاقل طقم سرفييس ونتا ونصيبك بعد كدا
انا معايا 85000 و كنت عاوز اجيب زيرو عشان السينا كرهتني في المستعمل مع انها كانت كويسه جدااا
ونا كنت مش ببخل عليها خالص بس علي الله كل شهر 100-300 كام شهر و 200-300 و في الاخر مبتحسش باي فرق
انا سوقت الانوس كتير عربيه بسيطه بس وطيه بحس اني قاعد علي الارض ولما حمايا كان عندو مشكله في ركبته مكانش بيعرف يركبها و بعدين تشغل التكيف العربيه تقلب بطه واستهلاك البنزيين بيضرب في اتنيين ولما رحت عند معرض كان عندو توكيل هينداي و شيفورليه قلي انا عندي العربيتين بس خد الفيرنا عشان بتمسك سعر احسن و توكيل شيفورليه زباله
رحت شفت اللوجان في الوكيل لقيتها خمس فأات ارخصهم شكلها من بره حلو بس ومفهاش حاجه تاني يعني تكييف و بور بس و ب81.500 الي ينفع يتقال عليها كويسه بتبتدي من 92000 و ايه الكلكس في دراع الاشاره ولما فتحت الكبووت اشوفت قدامي السينا بالظبط كارته و سنسوررات كتير وفي كل حته والفنوس الي قدام ب 850 من غير الضريبه و الشعار بتاع اللوجان الي قدام ب 250
رحت صلات كتير اشوف كسر زيرو مش اكتر من 15000 كيلو لقيت بالظبط من خلال 11 مكتب لقييت 9 عربيات شيفورليه لانوس 2013 و واحده بس فيرنا 2012 صحبتها ماتت و ولدها بيبعوها
فا صلييت صلاة استخاره و هروح احجز فيرنا كامله مانيول وهأمن عليها اول سنه ونشا الله انسها 5-6 سنيين

المشاركة الأصلية كتبت بواسطة ahmed.ameen

السلام عليكم
بداية الموضوع ممتاز جداو انا عندي نفس المشكله

رحت شفت اللوجان في الوكيل لقيتها خمس فأات ارخصهم شكلها من بره حلو بس ومفهاش حاجه تاني يعني تكييف و بور بس و ب81.500 الي ينفع يتقال عليها كويسه بتبتدي من 92000 و ايه الكلكس في دراع الاشاره ولما فتحت الكبووت اشوفت قدامي السينا بالظبط كارته و سنسوررات كتير وفي كل حته والفنوس الي قدام ب 850 من غير الضريبه و الشعار بتاع اللوجان الي قدام ب 250

في البداية سيدي الفاضل في تقييمك للوجان وان مافيهاش حاجه غير شكل خارجي وتكييف وبور وبس ... ارى من وجهة نظري بعض التقصيير
اناكنت حاجز فيرنا 2014 فول اوبشن فاميه 81750 ولكن قبل استلامها باسبوع شوفت اللوجان وغير رايي على طول نظرا للفرق الكبيير بين نيو لوجان وفيرنا خاصتا بعد السمعة السيئة للموديلات الجديدة من فيرنا وعدم تطابقها تمتما مع الموديلات الاولى لها
اما بالنسبة للوجان فخد عندك (وده بالنسبه لاقل فئة اللي ب82000 يعني تمن الفيرنا فول)
1 شكل جديد ... يعني مش عربيه بقالها اكتر من 8 سنين بنفس الكل
2 عوامل امان .. 2 ايرباج .. ثبات اعلى ... جنوط 15 ... ايروديناميك(يعني شكل العربيه هندسي بطريقة تحافظ على ثباتها رغم ارتفاعها)
3 طارة قيادة مالتي فانكشن للتحكم في الكاسيت سي دي والرد على المكالمات عبر البلوتوث من السيارة
4 نظام صوتي نقي ومحترم
5 عاليه عن الارض ... انسى المطبات
6 صالون واسع ومريح وفخم وشنطه مافيش اكبر من كده
7 قطع غيار فرنساوي (يعني عمر اطول) وتقفيل محترم
8 تفادي لمشكلات الشكل القديم (يعني معدل) مش زي الفيرنا بيقيت اسوء
9 توكيل محترم ومتعاون
10 موفرة في استهلاك البنزيين
11 ايموبلايزر (نظام سنتر لوك مانع للسرقة)
12 شكل العربية مصمم بحيث لا قدر الله عند وقوع حادثة .. يمتص اكبر قدر من الصدمة دون التاثير على الداخل
13 العربيه هاتنتشر وتمسك سعر الفترة القادمة نظرا للتعديلات والكماليات المضافة لها وتحسين الشكل الخارجي عن الشكل القديم (اللي اصلا برده كان انتشر واخد ثقه كبيره من السوق) وكمان قطع غيارها مسئلة وقت وتنتشر
اما بقى لو طلعت للفئات الاعلى هاتلاقي نظام فرامل abs ومثبت السرعة ومرايات كهربا وكمبيوتر رحلات وتكييف اتوماتيك ونافيجيشن
اما حكاية قطع الغيار ... فمحدش بيغير في عربية زيرو اللا بعد 3 سنين على الاقل وان كان لازم فعندك الضمان ونظام التامين
بالنسبة للموتور هو هو بتاع الشكل القديم وكذلك العفشه يعني كل الميكانيك تعتبر هي هي اما مشكلة الكلكس فدي تعود واللي جربها ماشتكاش منها
يكفي سيدي الفاضل ان موقع هايونداي الرسمي نفسه لم يعد يتعامل مع فيرنا كسيارة ضمن كتالوج السيارات بالموقع في حين ان اللوجان تتصدر المعارض الدولية والمقارنات الفنية على كثير من المواقع مع قريناتها مثل بيجو 301 وستروين وسكودا رابيد وفولكس ... وانت تعرف جيدا سيدي الفاضل حجم هذه الشركات عالميا
اللوجان حلال فيها فلوسك

المشاركة الأصلية كتبت بواسطة تامر.محمد

احسن من اللوجان في نسبة قوة الموتور لوزن العربية و بالتالي التسارع بس
و في اعادة البيع , يعني فرق كام الف بعد 5 سنين مثلأ ؟ , و في اسعار و انتشار قطع الغيار
بس في المقابل هاتركب الكام سنة عربية لا وسع ولا ثبات ولا عزل ولا كماليات ولا وسائل امان

اما عن الbyd فانا شايفها ثبتت نفسها كتاكسي وسط اللانوس و الفيرنا و انتشرت اكتر منهم , او على الاقل زيهم , صيني فعلا لكن الفيصل الحقيقي هو مواصفات و اداء العربية , و هي متفوقة على الاتنين خصوصا في الثبات و الفرامل مثلا

انا عموما حددت اللوجان و الbyd عشان انا شايف ان سعرهم فيهم و مافيهمش مشاكل , الفيرنا لو ارخص 10 مثلا هي و اللانوس كنت اعتبرت سعرهم فيهم برده بس سعرهم مبالغ فيه اوي على امكانياتهم الاتنين

اللوجان تحفه والفل اوبشن سمعت انها حاجة عاليه ومحترمه جدا ال 2015 لكن اختلف معاك في حاجة مع احترامي لكلام حضرتك وخبرتك .. ال byd و الجيلي اسوء حاجة ممكن تشتريها وكلمه عربيه حرام فيها بسبب عدم الامان وال بي واي دي علي عيني بيلف علي سرعه مش عاليه والعربيه كانت هتتقلب بيه شبه اترفعت ونزلت تاني ..

المشاركة الأصلية كتبت بواسطة ميلو

في البداية سيدي الفاضل في تقييمك للوجان وان مافيهاش حاجه غير شكل خارجي وتكييف وبور وبس ... ارى من وجهة نظري بعض التقصيير
اناكنت حاجز فيرنا 2014 فول اوبشن فاميه 81750 ولكن قبل استلامها باسبوع شوفت اللوجان وغير رايي على طول نظرا للفرق الكبيير بين نيو لوجان وفيرنا خاصتا بعد السمعة السيئة للموديلات الجديدة من فيرنا وعدم تطابقها تمتما مع الموديلات الاولى لها
اما بالنسبة للوجان فخد عندك (وده بالنسبه لاقل فئة اللي ب82000 يعني تمن الفيرنا فول)
1 شكل جديد ... يعني مش عربيه بقالها اكتر من 8 سنين بنفس الكل
2 عوامل امان .. 2 ايرباج .. ثبات اعلى ... جنوط 15 ... ايروديناميك(يعني شكل العربيه هندسي بطريقة تحافظ على ثباتها رغم ارتفاعها)
3 طارة قيادة مالتي فانكشن للتحكم في الكاسيت سي دي والرد على المكالمات عبر البلوتوث من السيارة
4 نظام صوتي نقي ومحترم
5 عاليه عن الارض ... انسى المطبات
6 صالون واسع ومريح وفخم وشنطه مافيش اكبر من كده
7 قطع غيار فرنساوي (يعني عمر اطول) وتقفيل محترم
8 تفادي لمشكلات الشكل القديم (يعني معدل) مش زي الفيرنا بيقيت اسوء
9 توكيل محترم ومتعاون
10 موفرة في استهلاك البنزيين
11 ايموبلايزر (نظام سنتر لوك مانع للسرقة)
12 شكل العربية مصمم بحيث لا قدر الله عند وقوع حادثة .. يمتص اكبر قدر من الصدمة دون التاثير على الداخل
13 العربيه هاتنتشر وتمسك سعر الفترة القادمة نظرا للتعديلات والكماليات المضافة لها وتحسين الشكل الخارجي عن الشكل القديم (اللي اصلا برده كان انتشر واخد ثقه كبيره من السوق) وكمان قطع غيارها مسئلة وقت وتنتشر
اما بقى لو طلعت للفئات الاعلى هاتلاقي نظام فرامل abs ومثبت السرعة ومرايات كهربا وكمبيوتر رحلات وتكييف اتوماتيك ونافيجيشن
اما حكاية قطع الغيار ... فمحدش بيغير في عربية زيرو اللا بعد 3 سنين على الاقل وان كان لازم فعندك الضمان ونظام التامين
بالنسبة للموتور هو هو بتاع الشكل القديم وكذلك العفشه يعني كل الميكانيك تعتبر هي هي اما مشكلة الكلكس فدي تعود واللي جربها ماشتكاش منها
يكفي سيدي الفاضل ان موقع هايونداي الرسمي نفسه لم يعد يتعامل مع فيرنا كسيارة ضمن كتالوج السيارات بالموقع في حين ان اللوجان تتصدر المعارض الدولية والمقارنات الفنية على كثير من المواقع مع قريناتها مثل بيجو 301 وستروين وسكودا رابيد وفولكس ... وانت تعرف جيدا سيدي الفاضل حجم هذه الشركات عالميا
اللوجان حلال فيها فلوسك

اولا الف مبروك علي عربيتك الجديده وربنا يدييك خيرها ويكفيك شرها
ثانيا انا رحت التوكيل ولقيت الي حكيتو بالضبط يعني الكسيت شرايط مش cd, وفيه اوفر بريس حوالي 3500 جنيه عشان متستناش 3 شهور حجز زي مابيعملو في النيسان
وناكنت مبهور بالوجان وكنت هغير رئي لغاية ما فتحت الكبوت ولقيتها نسخه من السينا الي كانت معايا
بحسساستها بكرتاتها بضفيرتها الي محدش بيعرف فيها حاجه
حضرتك تخيل اني مره العربيه اتغسلت و دخلها ميه في الكبوت دفعت 1500 كرته و 350 حساس كرنك و 250 حساس سفتي استوب و 400 حساس اوفر فلو
السيارت الاوربيه رائعه وجميله و شكلها حلو وعامل الامان فيها ممتاز بس الي يقدر علي مصرفها
من اول البيجو لغاية الأودي