اجيب فيرنا جديد والا حرام فيها الفلوس ؟

**Hamada hozein** · 07-08-2014 03:49 AM

كل اللي بيقول العربيه خساره فيها الفلوس ولا واحد ركبها اساسا
يا باشا الفيرنا عربيه محترمه وفيها مشاكل مننكرش بس هي اجمالااحسن عربيه في فئتها السعريه
شوف ردود ملاك العربيه وانت تعرف

**hesham fawzy h** · 07-08-2014 07:25 AM

المشاركة الأصلية كتبت بواسطة hamada hozein

كل اللي بيقول العربيه خساره فيها الفلوس ولا واحد ركبها اساسا
يا باشا الفيرنا عربيه محترمه وفيها مشاكل مننكرش بس هي اجمالااحسن عربيه في فئتها السعريه
شوف ردود ملاك العربيه وانت تعرف

شكرا لاهتمام حضرتك

بس انا شايف ان حضرتك معاك فيرنا 2014 ممكن تقولى اية مشاكلها؟

**elking60309** · 07-08-2014 08:12 AM

الكلام المفيد لو سواقتك بتجرى كتير وبتاخد غرز ابعد عن العربية لو سوقتك كويسة اتوكل على الله ومتفكرش واخر حاجه فى مصر تبصلها السعر مفيش حاجه بتتباع اقل من الضعف علشان الوكلاء الغلابة ياكلو عيش

**amrelsaqqa** · 07-08-2014 08:39 AM

حرام فيها الفلوس دى ليها وجهتين نظر :

كعربية نفسها مقابل سعر ، حرام الفلوس اه
اما كحاجة مؤقتة وتبيعها بدون ما تخسر فيها بعد فترة ، يبقى فلوسها حلال جدا جدا !

ملحوظة على جنب : قطع غيار الفيرنا ما بقتش رخيصة ! (عرض وطلب)
وانزل اسأل في السوق بنفسك ما تاخدش بالسمع

الفيرنا مثلا فيها حاجات اغلى من بتاعة الاوبترا مثلا !

**agaty1st** · 07-08-2014 11:05 AM

يا جماعه مع احترامي للجميع
هل الفيرنا هي العربيه الوحيه في مصر اللي غليت ما كلو غلي
هل المرسيدس و البي ام في مصر مش غاليين بالنسبه لأمكانيتهم؟ انتا حضرتك تمن الفيرنا في مصر يركبك مرسيدس في دول خليجيه و أوروبيه
كل العربيات في مصر تمنها حرام و اسعارها مبالغ فيها

الناس اللي بتقول ان الفيرنا فيها مشاكل فراملها و ثباتها وحشين بتفكرني بواحد معاه 10 جنيه و مستغرب انه مش عارف يتعشى كباب

عاوز ثبات و فرامل و سرعه و حاجه أوستيك يبقى تدفع فوق ال 250 ألف
يعني عربيه 1600 ب 80 ألف و عربيه 1600 ب150 ألف و عربيه 1600 ب300 ألف أي منطق يقول أنهم نفس الأمكانيات

**تامر.محمد** · 07-08-2014 11:43 AM

معلش انا مش عايز حد يفهم ان كلامي تحامل على العربية
بس انا لما اتكلمت كنت باقول في فئتها السعرية في مصر
اللانوس (و انا من عشاقها) و الفيرنا , سعرهم مبالغ فيه جدا جدا بالنسبة لامكانياتهم في وسط الفئة السعرية بتاعة الامجراند و اللوجان و الbyd , و لولا المشاكل اللي في الامجراند كنت قلت ان التلاتة افضل منهم , لكن نظرا للمشاكل دي فانا شايف ان فيه نفس الفئة السعرية دي , وهنا في مصر , اللوجان و الbyd امكانياتهم اعلى كتير

**Haitham amir** · 07-08-2014 04:20 PM

فكر كدا فالجيلي ايمي جراند ٧ عربيه كويسه جدا و منتشره فالخليج اللي بينزل في العربيات القويه و سعرها تحفه و مواصفاتها حلوه و منتشره دلوقتي جدا و ابعد عن الفيرنا

**alpoka779** · 07-08-2014 06:49 PM

المشاركة الأصلية كتبت بواسطة eslam75

طبعا حرام و كتير جداا طبعا
بالفلوس دي تجيب حاجات كتير إستعمال و هتكون إستعمال نضيف جداا كمان
حرام تدفع المبلغ ده كله في فيرنا
عربيه ورق .....مفيش ثبات ..... متور أكبر م العربيه ..... فرامل ورق .....و صاج ورق
و في حاجات كتبر موجوده في رينج المبلغ ده

هو كلو ورق طيب احنا راكبنها ازاي -حضرتك بص لعدد سيارات الفيرنا في الشارع يمكن تغير رايك

**midooo_119** · 07-08-2014 07:36 PM

المشاركة الأصلية كتبت بواسطة hesham fawzy h

يا ميدو بية مع كامل احترامى لك

انا شايفك متحمس اوى للعربيات الصينى وبدافع عنها جدا ، بس الصينى كلو مش كويس ..

و لو على التجربة عندى 2 اصحابى ارفانيييين من الصينى . واحد معاه اميجراند و m12

غييييير دة كلو تحس ان العربية الصينى عربية إعادة تصنيع :)

مع احترامى لكلام حضرتك انا حد محايد جدا واقرى تقاريرى عن الامجراند و شوف مقارنتى بينها و بين النوبيرا الى كانت معايا و مش معنى ان وجهه نظرى تختلف مع حضرتك يبقى انا الى بدافع عنها جدا .. مره تانيه نرجع نقول الفيرنا عربيه كويسه اه لكن تستاهل سعرها لأ ... دى وجهه نظرى بعيدا عن العربيه الى ارشحهالك كبديل