نصيحه بخصوص بيجو 407

**TOOLA** · 20-12-2014 05:13 PM

متابع،، من العربيات الكنت عاوز اركبها و مقلق

**تامر.محمد** · 30-12-2014 02:28 AM

ماحدش جاوبني يا جماعة الخير
فيها فئات ولا ايه ؟

المشاركة الأصلية كتبت بواسطة تامر.محمد

معلش انا عندي سؤال اضافي يا رجالة بيجو
العربية فيها فئات ؟
يعني ممكن الواحد يشتري عربية مستعملة و يتفاجيء مثلا ان مافيهاش مثبت سرعة او مافيهاش مرايات ضم او مافيهاش كراسي كهربا لو هي فيها اصلا او او او ... ؟
لو كده الواحد يفرقها ازاي او يبص على ايه و هو بيشتري ؟
و بالنسبة للأسعار , انا شايف على كونتاكت عربيتين 2008 ب100 الف و عربية 2009 ب145 الف , ايه النظام بالظبط ؟ :d

المشاركة الأصلية كتبت بواسطة minicooper20

طيب و ايه المانع فى ده

يا عم الحاج و الله ماقصد خالص اشكك في كلامك , ما تزعلش بقى :))

**تامر.محمد** · 05-01-2015 09:33 AM

المشاركة الأصلية كتبت بواسطة hossam99

طبعاً فيها فئات أول فئة ديزل هاتلاقي أسعارها هزيلة علشان ردائة الديزل بتاعنا بيعمل مشاكل مع العربيه ... و كمان مانيوال و متنفضه من حبة كماليات
البنزين فيه اكثر من فئة أول فئة من غير فتحة سقف و كماليات مصاحبة ليها
و في فئة فتحة سقف و فرش أستوفة (قطيفة مش قماش ) أو فرش جلد
و في فئة الـsw كانت الأغلي
معلش بتأخر عليك في الرد أ-تامرلو محتاج حاجه تاني كلمني لو أتأخرت عليك

ربنا يبارك لحضرتك يا استاذ حسام و الله

و ايه الفرق في الكماليات بين الفئتين البنزين بالتفصيل لو تعرف ؟ غير الفرش و فتحة السقف ؟