شكراااااااااااااااا
شكراااااااااااااااا
واضح إن بتتكلم عن نفسك
لأن قولك كلمة أن البنك يستثمر في مشروع يدل على جهلك بقانون البنوك وهو من أساس بناء الدول اللي بتتهم غيرك بجهله بها
راجع قانون البنوك وهتلاقي فيه مادة تمنع على البنك أن يستثمر مباشرة وتمنعه من التملك (مادة 59 قانون البنوك)
وكل ما على البنك هو الإقتراض بفائدة والإقراض بفائدة أعلى (فكرة اليهودي بمسرحية شكسبير)
يا ريت تقرأ قانون البنوك قبل إتهام الناس بالجهل
واضح ان النقاش هايدور فى حلقه مفرغه بسبب التمسك بالنصوص كما هو معتاد هذه الأيام
لما البنك بيقترض ويقرض والسلام.. العالم المحترم بيعتمد عليه ليه!! والمشروعات دى بتتعمل بأى اموال!!
ماهو طبيعى ان الأستثمار يشتمل على اقراض!! اقراض المستثمرين! مش دول هما اللى بيعملوا المشروعات!!
كون ان بلدك مليانه فساد وسوء اداره ونهب وجهل, ده مش معناه ان البنوك مالهاش دور اساسى فى التنميه, بل هى عصب التنميه
اما بقى ان فى بنك استثمارى وبنك عادى, فده فارق تطبيقى وليس حرفى
موضوع قانون البنوك ده انا اول مره اسمع عنه بس عموما ليا سؤال
حادى مثال:
بنك التعمير والإسكان خد الفلوس المودعه عنده وعند غيره من البنوك واستثمرها فى بناء مجمعات سكنيه واراضى (استثمار مباشر) وانا فعلا اشتريت شقه منه من 15 سنه ودفعت مقدمها وقسطها اللى هوا دلؤتى 60 جنيه شهريا وده كان مبلغ كبير ايامها ودلؤت مبلغ زى مانتو عارفين
الفوائد اللى بيديها البنك من ريع المشروعات دى ازاى تبقى حرام خصوصا انها متغيره وماجاتش بالإقراض المباشر بالربا؟
حاجة تانيه اخيره فيه قاعده شرعيه بتقول لا ضرر ولا ضرار ودفع الضرر مقدم على جلب المنفعه سؤالى هو: لو احنا صحينا الصبح لقينا كل المودعين فى البنوك قرروا انهم يسحبوا فلوسهم حد يقدر يتخيل ايه اللى ممكن يحصل؟ انهيار اقتصاى شامل للبلد وافلاس جماعى للبنوك ولو احنا عدينا المصيبه دى بسلام حانجيب تمويل داخلى للمشروعات القوميه منين؟ قارنوا بين موقف مصر لما استدانت عشان تحفر قناة السويس والوضع اللى الت اليه مصر بسبب الإستدانه من الخارج ولما طلعت حرب عمل بنك مصر ازاى قدرت مصر من القروض الوطنيه تسد جزء من التمويل
يا جماعه الموضوع له كذا بعد سواء كان بعد دينى او سياسى او اقتصادى او امن قومى
اللى حايفتى فى الموضوع ده لازم يكون فاهم وحاسس بده كله ممكن نكون احنا ماشيين غلط بس نشوف كل سكه حاتوصلنا لفين؟
ماتنسوش ان مصر خاضت حروب مريره بسبب حاجة زى دى
حاجه اخيره: للأعضاء اللى عماله تغلط فى بعض بدون تمييز
"
وحدثني عن مالك عن يحيى بن سعيد انه قال بلغني :ان المرء ليدرك بحسن خلقه درجة القائم بالليل الظامي بالهواجر
"
"
حدثنا قتيبة بن سعيد ثنا يعقوب يعني الإسكندراني عن عمرو عن المطلب عن عائشة رحمها الله قالت: سمعت رسول الله صلى الله عليه وسلم يقول " إن المؤمن ليدرك بحسن خلقه درجة الصاائم القائم"
لقد اختلف الأئمه فيمن لا يصلى ايكفر ام يبقى مسلما عاصيا ولنا فى اختلافهم درس وفى حوارهم فى موضوع اخطر مما نتكلم فيه
بعد أذنك يا باشمهندس أحمد.....انا من واقع عملى فى بنك ( مهندس نظم ) أحب بس أوضح لحضرتك أن البنك بيستثمر مباشرة و بيتملك كمان بألأضافة للأقراض........مع العلم أنى لم أقراء قانون البنوك.....بس هوه ده اللى بيحصل.....وأخر حاجة فاكرها تحديداً هو مناقصة الشركة التالتة للمحمول....كنا داخلين شريك فيها مع أتصالات بنسبة ( كانت نسبة بسيطة جداً) وبعد فترة تم بيع حصة البنك لمستثمرين أخرين.....
القانون موضح في المادة 60 من قانون رقم 88 لسنة 2003 بإصدار قانون البنك المركزى والجهاز المصرفى والنقد
وهذا نص القانون:
http://www.cbe.org.eg/public/Law%20No.88%20for%202003.doc
حد يا جماعة شاف موضوع بنك التمويل المصرى السعودى ,,, انا كلمتهم بس برده مش قادر احكم على الطريقة اذا كانت صح ولا لا ,,, هما قالوا بيشتروا العربية وبعدين يبيعوهالى ,,, بس افتكر قالى انى بادفع عربون قبل ما يخرج امر الشراء للعربية يعنى دخلت فى بيع ما لا يملك برده ,,, لو حد يعرف تفاصيل بالظبط يقولنا يا ريت لانى معايا عربية مستعملة ونفسى فى زيرو بصراحة
بص يا باشا....هو أنا مش ضليع فى القانون ولا المصطلحات القانونية بس أنا قريت المادة 60 ولقيت أن مفيهاش ما يمنع الأستثمار ده غير أن فى أخر المادة قال وهو بيتكلم على التملك......" ولمجلس إدارة البنك المركزى مد المدة إذا اقتضت الظروف ذلك . وله استثناء بعض البنوك من هذا الحظر وفقا لطبيعة نشاطها " يعنى ممكن تلاقيها ماشية فى السليم لبعض البنوك وغلط على بعض البنوك التانية....ما أحنا فى مصر أم الدنيا برضه :)
أرجو بس من حضرتك لو أنا كلامى فيه حاجة غلط يا ريت تصححلى و يا سلام لو بشوية شرح :D