الموضوع: بنك فيصل الأسلامى فقط الى بيقسط بطريقه اسلاميه 100%

المشاركة الأصلية كتبت بواسطة dody_nany

انا الحمد للة اشتريت عربية من بنك فيصل و البيع بيتم على حسب الشروط الى وضعها علماء فى التعاملات الاسلامية علشان نضمن ان عملية البيع بالاجل دة حلال 100%

اولا :
انت لازم تكون هتشترى عربية جديدة والبنك بيحسب ثمن العربية بعد عدد السنين الى هتكون فى القسط ويقسطهالك بسعر جديد هتقولى ازاى ؟
يعنى انا اشتريت النترا ب 110 الف دفعت 50 الف مقدم وهقسط على سنتين
البنك بيزود على ثمن العربية 7% على كل سنة يبقى هيبعللك العربية بكام ؟
124 الف تقريبا و بتكتب شيكات على نفسك بقيمة كل قسط انا كتبت 24 شيك ب 3500 جنيه وكل شهر بتسدد شيك من مرتبك لحد ما تخلص ثمن العربية باذن الله كدة عملية البيع بالاجل حلال زى ما بتروح تشترى ثلاجة مثلا ويقوللك لو جبتها كاش هتاخدها ب 5000 و جبتها بالقسط هتبقى 6000 و دة اسمه بيع بالأجل
وبنك فيصل بيحرص على انة يشترى العربية بكامل ثمانها من التوكيل او المعرض اقبل ما يبعهاللك علشان عملية البيع لا يدخل فيها غير طرفين بس بائع و مشترى فقط

ثانيا :
1- بالنسبة لتأمين دة شيئ ضروروى جدا بس طبعا بشكل حلال هتقولى ازاى ؟
2- فى شركة تأمين جديدة اسمها بيت التامين التكافلى الاسلامى يعنى اية تكافلى اسلامى ؟

هقوللك الشركة دة مفروض اخر كل سنه بتشوف هية صرفت اد اية على حوادث العربيات عندها وبتخصم من الربح 40% مكسب وترجع الباقى للمشتركين فيها وهوة دة النظام الاسلامى وكدة تضمن ان شاء الله ان لو عربيتك حصلها اى حاجة هتتصلح بمبلغ بتدفعة كل سنه فى حالتى انا كنت بدفع 3500 جنيه كل سنه و التامين ضرورى علشان لو العربية اتقلبت مثلا فى حادث وانت امتنعت عن الدفع شركة التامين تجبللك عربية جديدة او تصلحها وترجعهاللك زى الجديدة

لو فى اى استفسار ان تحت امركم ان شاء الله ....

سؤال صغير هى الفايدة ال 7% هل هى نسبة واحدة على كل المقدمات ولا كل ما المقدم يقل الفايدة تزيد وكمان هما رقم خدمة العملاء كام ؟

واضح ان النقاش هايدور فى حلقه مفرغه بسبب التمسك بالنصوص كما هو معتاد هذه الأيام

لما البنك بيقترض ويقرض والسلام.. العالم المحترم بيعتمد عليه ليه!! والمشروعات دى بتتعمل بأى اموال!!
ماهو طبيعى ان الأستثمار يشتمل على اقراض!! اقراض المستثمرين! مش دول هما اللى بيعملوا المشروعات!!

كون ان بلدك مليانه فساد وسوء اداره ونهب وجهل, ده مش معناه ان البنوك مالهاش دور اساسى فى التنميه, بل هى عصب التنميه

اما بقى ان فى بنك استثمارى وبنك عادى, فده فارق تطبيقى وليس حرفى

المشاركة الأصلية كتبت بواسطة ahmed1981

واضح إن بتتكلم عن نفسك

لأن قولك كلمة أن البنك يستثمر في مشروع يدل على جهلك بقانون البنوك وهو من أساس بناء الدول اللي بتتهم غيرك بجهله بها

راجع قانون البنوك وهتلاقي فيه مادة تمنع على البنك أن يستثمر مباشرة وتمنعه من التملك (مادة 59 قانون البنوك)
وكل ما على البنك هو الإقتراض بفائدة والإقراض بفائدة أعلى (فكرة اليهودي بمسرحية شكسبير)

يا ريت تقرأ قانون البنوك قبل إتهام الناس بالجهل

موضوع قانون البنوك ده انا اول مره اسمع عنه بس عموما ليا سؤال
حادى مثال:
بنك التعمير والإسكان خد الفلوس المودعه عنده وعند غيره من البنوك واستثمرها فى بناء مجمعات سكنيه واراضى (استثمار مباشر) وانا فعلا اشتريت شقه منه من 15 سنه ودفعت مقدمها وقسطها اللى هوا دلؤتى 60 جنيه شهريا وده كان مبلغ كبير ايامها ودلؤت مبلغ زى مانتو عارفين

الفوائد اللى بيديها البنك من ريع المشروعات دى ازاى تبقى حرام خصوصا انها متغيره وماجاتش بالإقراض المباشر بالربا؟

حاجة تانيه اخيره فيه قاعده شرعيه بتقول لا ضرر ولا ضرار ودفع الضرر مقدم على جلب المنفعه سؤالى هو: لو احنا صحينا الصبح لقينا كل المودعين فى البنوك قرروا انهم يسحبوا فلوسهم حد يقدر يتخيل ايه اللى ممكن يحصل؟ انهيار اقتصاى شامل للبلد وافلاس جماعى للبنوك ولو احنا عدينا المصيبه دى بسلام حانجيب تمويل داخلى للمشروعات القوميه منين؟ قارنوا بين موقف مصر لما استدانت عشان تحفر قناة السويس والوضع اللى الت اليه مصر بسبب الإستدانه من الخارج ولما طلعت حرب عمل بنك مصر ازاى قدرت مصر من القروض الوطنيه تسد جزء من التمويل

يا جماعه الموضوع له كذا بعد سواء كان بعد دينى او سياسى او اقتصادى او امن قومى

اللى حايفتى فى الموضوع ده لازم يكون فاهم وحاسس بده كله ممكن نكون احنا ماشيين غلط بس نشوف كل سكه حاتوصلنا لفين؟
ماتنسوش ان مصر خاضت حروب مريره بسبب حاجة زى دى

حاجه اخيره: للأعضاء اللى عماله تغلط فى بعض بدون تمييز
"
وحدثني عن مالك عن يحيى بن سعيد انه قال بلغني :ان المرء ليدرك بحسن خلقه درجة القائم بالليل الظامي بالهواجر
"
"

حدثنا قتيبة بن سعيد ثنا يعقوب يعني الإسكندراني عن عمرو عن المطلب عن عائشة رحمها الله قالت

: سمعت رسول الله صلى الله عليه وسلم يقول " إن المؤمن ليدرك بحسن خلقه درجة الصاائم القائم"

لقد اختلف الأئمه فيمن لا يصلى ايكفر ام يبقى مسلما عاصيا ولنا فى اختلافهم درس وفى حوارهم فى موضوع اخطر مما نتكلم فيه

حد يا جماعة شاف موضوع بنك التمويل المصرى السعودى ,,, انا كلمتهم بس برده مش قادر احكم على الطريقة اذا كانت صح ولا لا ,,, هما قالوا بيشتروا العربية وبعدين يبيعوهالى ,,, بس افتكر قالى انى بادفع عربون قبل ما يخرج امر الشراء للعربية يعنى دخلت فى بيع ما لا يملك برده ,,, لو حد يعرف تفاصيل بالظبط يقولنا يا ريت لانى معايا عربية مستعملة ونفسى فى زيرو بصراحة