اقتباس المشاركة الأصلية كتبت بواسطة tamera مشاهدة المشاركة
بالظبط دا اللي كان هايحصل معايا
بعد اتفاقات عديدة وجلسات والتأكيد على انهم هايشتروا السيارة أولا..
وفي وقت التنفيذ فوجئت انهم بيدوني عقد مكتوب عليه من فوق مرابحة شرعية..
اول بند فيها باع الطرف الأول اللي هو البنك للطرف الثاني اللي هو انا .. كذ ا كذا.. (يعني عقد بيع مش مجرد عقد التزام)
قلت له مش لما تشتري العربية الأول!! قالي ماهو مجرد انك تمضي العقد يبقى احنا كدا بعنا لك العربية..
وهاتاخد شيك تديه للمعرض .. قلت له يعني كمان هاتديني الشيك في ايدي؟ دا كدا يبقى قرض مش بيع.. قالي لو مش عايز تاخد الشيك ممكن يطلع معاك مندوب بالشيك على المعرض !!!!!!!!!
انا بصراحة كنت حاطط خطوات معينه في دماغي وفتاوى مطبوعة خاصة بموضوع المرابحة الشرعية دي وكنت عايز امشي طبقا ليها زي الكتالوج .. فاللي حصل دا لخبطني ودخلت لمدير البنك مع الموظف وقلت له لازم تشتروا العربية الأول.. قالي طب وافرض انك ماخدتهاش..!!
قلت له ممكن نعمل اتفاق ولو مخدتهاش يبقى عليا غرامة.. -بصراحة انا قلت له النقطة دي للأسف وانا معنديش فكرة عند مدى شرعيتها -
قال مينفعش الكلام دا وقالي "مفيش بنك بيعمل اللي انت بتقول عليه دا"!!
وكانت نهاية الموضوع..
وفعلا قرأت تعليق لأحد الزملاء مرة هنا بيقول ان البنك قانونا وظيفته التمويل ولا يدخل في عمليات بيع او شراء..
وبرضه انا ممكن اكون فهمت غلط او اتخلبطت لأني زي ماقلت كنت عايز امشي طبقا للخطوات اللي انا عارفه وجايبها من مواقع موثوق فيها زي الاسلام سؤال وجواب وشبكة الاسلام واللجنة الدائمة للفتوى والكلام دا حصل من حوالي 3 سنوات.. يمكن الوضع اتغير دلوقتي..

من باب النصح أرجو فقط التحري التام من الموضوع قبل القدوم على أي خطوة زي دي يعني محدش يلتزم بكلامي دا وانما يسأل عن خطوات المرابحة الشرعية ويلتزم بها بدون اي تغيير او تبديل..
وغير اجراءات الشراء دي في بنود يجب اخذها في الاعتبار زي ان لو في زيادة على القسط في حالة التأخير.. اعتقد ان دا مخالف ..
واخيرا في تجار سيارات بيقسطوا من نفسهم مباشرة من دون بنك..زي واحد اخدت منه سيارتي.
وفي النهاية لي سؤال لصاحب الموضوع بالنسبة لجواب المرور هل هو باسمك ام باسم البنك؟
او بمعنى ادق في اي خطوة تحقق تملك البنك للسيارة؟؟ عند دفع الموظف الشيك للمعرض ايه اللي حصل؟ المعرض عمل عقد بيع للبنك مثلا ؟ وبعدين في البنك عملوا لك عقد بيع ولا ايه؟ الخطوات دي مهمة جدا
وشكرا
أخي الكريم بارك الله فيك وفي حرصك

اللي بيحصل دلوقتي نفس اللي حصل معاك بالظبط
والكلام اللي انا بقوله ده مش قرأته في حته
ولكن انا روحت بنفسي والكلام اللي قيل لك ده اتقالي بالحرف

والمشكلة التي قد يجهلها كثيرنا
ان المفروض ان التاجر اللي بيقسط سلعه معينه
المفروض انه يكون تاجر فيها ويمتلكها بدون الرجوع اليك اذا كنت هتشتري منه ولا لأ

يعني انت لما بتروح تشتري اي سلعه من اي تاجر

هل مش بتلاقي السلعه دي عنده
يعني لو بتشتري ملابس هل لما بتروح بتلاقي المحل فاضي ومفيش ملابس
ويقولك عاوز ملابس يبقى ادفع وانا هروح اجيبهالك
ده ميبقاش اسمه محل ملابس
ده محل مقاولات

وده اللي بيحصل في البنك
هو ليس تاجر سيارات وبالتالي لا يملك اي سيارة
ولن يملكها الا اذا تأكد تأكد بالأوراق الرسمية انك ستشتريها منه
واذا تأكد انك لن تشتريها منه لن يشتريها هو
وبالتالي لا يجوز اصلا له انه يقسط بالمنظر ده

والله اعلم
اللهم ما اغفر لنا وارحمنا