اقتباس المشاركة الأصلية كتبت بواسطة land_cruiser مشاهدة المشاركة
الموضوع حتي ممكن يبدأ بسيط يعني مش لازم الحكومه تدخل بنفسها إنما ممكن شركات تدير الموضوع و تتولي عمليه الحسابات يعني انتجت قد ايه و استهلكت منهم كام. طبعا الأفضل تبقي الحكومه علشان يبقي نظام واحد مجمع عليه الكهربا العاديه مع الطاقه الشمسيه إنما في ظل الظروف اللي احنا عارفينها زي ما حضرتك ذكرت ممكن الموضوع يبقي قطاع خاص برضه كخدمه من الخدمات فيبدأ الموضوع ب حي مثلا تبقي نصف او حتي ربع استهلاكه من الطاقه الشمسيه و بعد كده يحصل تطور و تزيد النسبه تبقي النصف ثم الحي كله ثم مدينه ثم محافظه ثم البلد كلها. الفكره ان الواحد هيدفع فلوس بس هترجع له تاني قدام شويه و كمان عليها أرباح لما يبدأ يصدر كهربا و الموضوع ممكن يتغطي بتمويل بنوك كأنه سلعه معمره او نشاط تجاري. ده كمان بالاضافة الي انه هيساعد في حل مشكله الكهربا ممكن نعتبره مشروع قومي كله بيشترك فيه من اول ربه المنزل الي اصحاب الشركات و يحل ازمه الطاقه و يخللي الدوله تقدر تشيل الدعم عن الطاقه و هي مطمئنه. من فتره قصيره كانت ألمانيا لسه بتحتفل ان ٥٠٪ من طاقتها مصدرها الطاقه الشمسيه بالفكره دي. طبعا في ناس هتقولي انت عايز تقارن مصر بألمانيا و الكلام ده ؟ معاك ان في اختلاف ثقافات إنما احنا الشمس عندنا اكتر منهم بكتير و موجوده طول العام و بعدين ألمانيا دي طلعت من الحرب العالمية مدمره تماماً و كان رد فعل الناس انهم بدأوا يكتبوا علي الجدران هنعيد بناء المانيا تاني و كانوا بيتبرعوا بحلل المطابخ بتاعتهم للمصانع و قدروا فعلا يحققوا حلمهم. دي نماذج حيه فاللي عايز يبقي كويس بيشتغل و يجتهد و حتي لو بدأ بفكره بسيطه معاها اراده و ثقه في الله بيوصل للي هو عايزه طالما وضع خطه و بيلتزم بتنفيذ مراحلها و هو ده المطلوب اننا نبدأ ب ٢٠٪ او حتي ٣٠٪ و بمجرد تحقيق الهدف بيبقي الزياده عليها سهله و متوقعه
بالنسبة للدول المطبقة لإستخدام الطاقة الشمسية مثل ألمانيا:

1: الكهرباء غالية جداااا مما يدفع الناس للإستثمار في الحلول البديلة.

2: تصمم المنازل قبل البناء لإستيعاب الطاقة الشمسية من وضعية البيت في مواجهة الشمس. وتجهيز أماكن لوضع ألواح الطاقة الشمسية. ووصلات الألواح. وحجيرات لتخزين البطاريات. وبها عزل كهروستاتيك وحراري. وأجهزة ذكية لفصل التيار الثابت لدخول التيار المتغير والعكس. وأيضا الشبكة الحكومية مجهزة لإستقبال الفائض في الطاقة لديك.

3: أهم نقطة وهي المقيدة لدينا أن أسعار الألواح الشمسية هناك من 50 إلي 200 دولار . أي ما يعادل أجر يوم لأي واحد ميعرفش يقرأ أسمه هناك. وأسعار البطاريات أيضا لا تذكر.

4: حتى لو أسعار وأمكانيات البنية متاحة لدينا، فمين حيسمحلك لو ساكن في شقة إنك تحط 10 أو 20 لوح شمسي في السطح مثلا؟