الموضوع: بحمد لله استلمت سوزوكي سويفت 2015 هاتشباك

المشاركة الأصلية كتبت بواسطة ahmed_mabroukk

اولا الف مبروك و ربنا يباركلك فيها إن شاء الله
ثانيا : انا دفعت حجز امبارح 5000 جنيه و قالى الاستلام خلال 6 شهور بس فى ف الايصال ملحوظة ان السعر قابل للزيادة او النقص هل ممكن لحد ماجى استلم الاقى سعرها زاااد
و هل معرض القرش منزلها بنفس السعر بدون زيادة و هو 98.500 جنيه
و شكرا

بالنسبة للشرط بتاع زيادة السعر دلوقتي كل التوكيلات بتحط الشرط ده ... لأن قبل كدة كان بيترفع عليهم قضايا إنهم زودوا السعر دون الرجوع للعميل بعد تحديد السعر معه وكان عدم وجود الشرط ده بيعملهم مشاكل لما يحبوا يرفعوا السعر في أي وقت

بس لا أعتقد سعرها ممكن يزيد في الفترة اللى جاية دي إلا لما العربية تسمع في السوق وتعمل معدل انتشار كويس ... ويبقى الناس عايزينها حتى لو سعرها زاد ... لو عمل غير كدة يبقى غبي ... لأنه لو رفع السعر دلوقتي يبقى بيخاطر بخسارة جزء كبير جدا من الناس اللى كانت هاتشتري العربية لمجرد إن سعرها أقل من اللى حواليها لكن هما ولا يعرفوها ولا يعرفوا عنها حاجة ... لأن العربية للأسف لسة في ناس كتير مقلقة منها عشان عدم الانتشار

بالنسبة لسعر العربية في القرش ... معرفش بصراحة بس أعتقد صعب قوي يكون منزلها بنفس سعر الوكيل أكيد بيبيعها بأوفر برايس ... لازم تنزل تسأل عليها عنده عموما عشان تتأكد

المشاركة الأصلية كتبت بواسطة sam_777

مفيش حد سأل عن الكماليات واسعارها اللي ممكن تركب في التوكيل زي الباركنج سنسور ، الكاميرا ، الشاشة ، جهاز الانذار والحاجات دي ؟؟؟

الحساسات الخلفية والإنذار سعرهم في التوكيل حوالي 500 جنيه كل واحد مش فاكر الرقم بدقة ... بس دول الأصليين بتوع السويفت اللى نازلة برة أساسا حسب كلام المبيعات

في كمان مسند اليد في المنتصف (الآرم رست) وده سعره ............ 2300 ............ جنيه مصري فقط لا غير ... أيوة ياجماعة 2300

المشاركة الأصلية كتبت بواسطة ahmed_mabroukk

سالت فى القرش قالى 108.000 و الاستلام خلال اسبوع
انا خايف بعد ما استنى شهوور الاقيها غليت و بقت بنفس السعر دا
ايه رايك اروح اسحب الفلوس و اجبها من القرش ولا اخليها على الل و اخلينى مع مودرن ؟
وشكرا جزيلا

والله أنا رأيي خليك مع الوكيل لأنها صعب تغلى دلوقتي ... إلا لو مستعجل ده موضوع تاني ...

لو مش مستعجل يبقى خليك مع الوكيل حتى لو غليت خلال المدة دي يبقى انت الكسبان (وده صعب زي ما قلت ... وكمان لو غليت استحالة تغلى 10 آلاف مرة واحدة زي ما قال زميلنا الفاضل "شرقاوي") ... على الأقل هاتاخد العربية بإذن الله من غير لعب فيها وانت مطمئن لها وما حدش ساقها غيرك لسة وما تبهدلتش من جوة

أنا لما كنت بتفرج عليها وعلى البيكانتو والأتراج وغيرهم وبقارن لسة كنت كل ما ألاقي معرض كبير زي القرش أو المصرية أو أباظة أو غيره أنزل أتفرج على اللى ألاقيه عندهم من العربيات .. وكل ما أتفرج على حاجة عندهم ألاقيهم مبهدلنها من جوة آخر بهدلة وطين وزبالة وبقايا أكل وحاجة تقرف ... ولما آجي أسألهم ليه البهدلة دي حرام كدة العربيات بتاعة الناس اللى انتو مجرد وسيط عليها .. مندوب المبيعات يقولي "ما احنا هاندخلها كار كير قبل ما نسلمها للعميل عادي يعني" ... هم شايفين إن ده عادي !!!!

عشان كدة المعارض دي لا تلجأ لها إلا لم كنت مستعجل فقط ومش قادر تصبر عربية الوكيل

على فكرة كنت هناك إنهاردة بستلم الورق بتاع العربية ... جايبين الورق كله حتى شهادة البيانات ودبون أي مقابل حتى ... ودي حاجة مش أي توكيل بيعملها

يعني لما استلمت من عز العرب قالي عشان أجيبلك شهادة البيانات تدفع 100 جنيه للمندوب اللى هايروح يجيبهم ودي حاجة التوكيل مالوش دعوة بيها من برة برة يعني

كدة بإذن الله أطلع على المرور على طول بدون أي لف على الإدارة العامة للمرور ولا الكلام ده

وسألت فعلا على الإكصدام الخلفي سعره فعلا حوالي 450 - 500 بالتركيب والرش والمصنعية والضريبة وكل حاجة هو قالي مش متأكد علشان في فرق بسيط بين سعر إكصام الهاتش باك والسيدان وهو مش فاكر ده سعر أنهي واحد بس هو السعر ده شامل كل حاجة