رابطة المظلومة اكسنت ار بى الجديدة
بصراحة ان مش فاهم عربية زى الاكسنت ار بى مظلومة ومشس واخدة حقها

هبدأ بنفسى عربيتى موديل 2012 عداد الكيلو متر 93000 عمرها ما زعلتنى فى اى مشوار
اغلب مشاويرى سفر من البحر الاحمر للقاهرة للغربية المسافة المقطوعة كل مرة 750 كيلو

انا متابع صيانتها فى التوكيل

كل اللى غيرتة دراع نور واعتقد كان بسبب ابنى الصغير اربع سنيين (ربنا يخلية ويكسر ) بيحب يلعب فى الدراع قوى
علبة الدركسيون بتخبط شويه وللامانة عندى الطرق كانت متبهدلة يعنى يوميا بمشى على طوب وحجارة زقرف لكن الحمد لله المدينة اللى انا فيها اتظبطت على الاخر

طوال الفترة اللى فاتت من تاريخ شراء العربية 10/211 مغيرتش اى حاجة غير زيوت وفلاتر وسيور وبوجيهات فى التوكيل

عيب العربية الوحيد الحكة لو محمل جامد ورا

مصاريف تشغيل العربية بسيطة الحمد لله
وانا مسافر 750 كيلو العربية بتاخد تانك ونصف حوالى من 60 الى 65 لتر بمتوسط كويس جدا

سحب العربية كويس جدا حتى مع التكييف

احيانا بفتح على 180 فترة بسيطة علشان افوق العربية

محتاج تفاعل الملاك واللى جرب العربية فترة
ياريت كل الملاك يقولوا تجاربهم عن العربية

لو نويت اغير هركب اوروبى مش يابانى ان شاء الله بتمنى عربية عالية suv او حاجة سيدان زى اسكودا اوكتافيا