مشكلة فى فرامل الانسر

**shehab ahmed** · 08-08-2014 08:34 PM

السلام عليكم ورحمة الله وبركاته

انا معايا لانسر سوبر أكشن 2008 و عايز أستفسر عن صوت بيصدر من العربية لما بكون دايس ع الفرامل وبشيل رجلى براحة من على دواسة الفرامل لما أجى أتحرك من أشارة أو لما بكون هركن العربية وبيبقى صوت مزعج وغير كده لما دوست فرامل مفاجئ قبل كده حسيت بدواسة الفرامل بتترعش رعشة غريبة لدرجة أن رجلى أتشالت من عالدواسة كأن فى مقاومة مع صدور نفس الصوت اللى حكيت عنه ف بقية المواقف اللى قولتها بس االمرة دى كان عالى ......أرجو منكم الافادة ومع العلم أنا لسه مغير كل القواعد ومركب القواعد الاصلية وجزاكم الله كل خير

**mhassan9** · 08-08-2014 08:47 PM

لو عربيتك اوتوماتيك والصوت اللي بتقول عليه دا صوت تزييق كدا فدا عادي وجاي من احتكاك التيل مع الطنابير
اما الهزة لو بتبقي علي السرعة ومش بتحس بيها في البطئ فدي غالبا طنابير مريجة دا المفروض يحصل لو العﻻبية عاملة كيلومتري كبير او مايه جات علي الطنابير وهي سخنة

**shehab ahmed** · 09-08-2014 03:15 AM

المشاركة الأصلية كتبت بواسطة mhassan9

لو عربيتك اوتوماتيك والصوت اللي بتقول عليه دا صوت تزييق كدا فدا عادي وجاي من احتكاك التيل مع الطنابير
اما الهزة لو بتبقي علي السرعة ومش بتحس بيها في البطئ فدي غالبا طنابير مريجة دا المفروض يحصل لو العﻻبية عاملة كيلومتري كبير او مايه جات علي الطنابير وهي سخنة

شكرا لرد حضرتك ......وبالسنبة للهزة فهى بتحصل لما بدوس فرامل مفاجئ وبيصاحب الهزة زى صوت تزيق وف نفس الوقت بيبقى فيه مقاومة من الدواسة (هى الفرامل abs ) بس مفتكرش ان ال abs تأثيره أنى أحس بيه ف الدواسة قوى كده مع العلم اانها اول عربية اركبها وفيها abs .......... غير كده العربية ماشية 74 ألف كيلو