المروحة بتفصل بعد 8 دقائق والعربية واقفة

**tamer0101** · 10-08-2014 03:14 PM

الموضوع انه من كام اسبوع بفتح الكبوت الصبح واشيك على المياة والزيت لقيت قربة المياة ناشفة ومفيهاش ولا نقطة والمهم مليت القربة وروحت للميكانيكى شاف كل حاجة خراطيم واتاكد ان القربة مش مخرومة قالي مافيش حاجة انا بقى كنت حتجن طيب الماية راحت فيين المهم ركنتها وتانى يوم قلت اسخن العربية المهم بعد 5 دفائق ببص تحت العربية لقيتها بتجيب ماية من ناحية الطرمبة تانى يوم روحت للميكانيكى وشاف قالى الطرمبة سليمة المشكلة كانت فى الخرطوم ال بيبرد الفرن مشقق من ناحية الافيز قطع الجزء البايظ وكل حاجة بقت تمام مافيش تسريب ماية ........

لغاية كده الموضوع عادى بس الحصل بيعديها ان المروحة ماكنتش بتفصل خالص شغالة على طول الترمستات الراكب عندى 82-68 الميكانيكى قالى نغير الترموستات غيرته وانا كان عندى ريتاتير كنت جايبة استعمال من فترة المهم مافيش مافيدة المروحة بتشتغل ومش بتفصل ودرجة الحرارة مش بتعدى 85 قالى يبقى الترمستات مضروب المهم ما اقتنعتش بكلامى ورحت للميكانيى التانى هو بعيد شوية بس برحله على طول فى الامور ال زى دي قولتلوا على الحوار كله وقلتله انا مش عارف انا مشيت بالعربية قد ايه من غير مية بس انا عندى الماية مش مطحنة المهم فك خرطوم الماية شاف تقليب الماية ضعيف قالى الطرمبة تقلبها ضعيف هات واحدة تانية المهم انا كده كده كنت ناوى اغيرها على شان القاعدة بتاعة الطرمبة كانت متأكلة المهم غيرتها والمروحة دلوقتى بتفصل بس بعد 5 الى 8 دفائق والعربية واقفة مع ان انا اعرف ان المرحة العادى بتاعها دقيقتان على اقصى تقدير

الموضوع التانى فى الحوارات ال حصلت ديه لقيت شداد الدينمو اتشرخ مع العلم الدينامو ال راكب عندى مش بتاع العربية ولا الشداد بتاع الدينامو على شان العربية كان فيها تكيف وانا شلته المهم لحمت الشداد بس طبعا مبقاش زى الاول الكهربائى ركب الديناموا والسير مش مظبوط قالى الاحسن هات الدينمو الاصلى بتاع العربيىة والشداد بتاعة والقاعدة كده كده عندى المهم رحت الفراهده وجبت دينمو محلول من نص فيفوريت وكله تمام فيه سؤال انا الدنمو القديم كنت اول ما العربية بدور كانت لمة البطارية بتطفى على طول بس ال انا جبته بتقعد كامة ثانية فهل ده طبيعى والشحن 13.6 ده كده كويس

**tamer0101** · 10-08-2014 07:43 PM

دلوقتى والعربية وقفة وبسخنها اول ما المروحة بتشتغل اول مرة بتقعد تشتغل 4 دقايق ونص وبعد كده تفصل دقيقتان وبعدة تشتغل وتفضل دايرة 9 دقائق ونص وبعد كده تفصل دقيقتان وبعده تشتغل فضلت لغاية 20 دقيقة ومفصلتش شغالة على طول الحوار ده بقى ايه وش السلندر ولا ايه

**sakr_skoda** · 10-08-2014 08:54 PM

المشكلة عندك فى التيرموستات لأن لو فى مشكلة وش سلندر حيظهر على الزيت او الميه حتنقص وانتا تلافيت موضوع المية واصبحت مظبوطة مبتنقصش يبقى التيرموستات اللى انتا مركبة بايظ غيرة لأن اول مرة اسمع عن مروحة تشتغل والعربية واقفة خاصة الفليشيا اه ان شفت دا فى لانس وابل والعربية واقفه فى الشمس المروحة بتشتغل وتفصل لاكن فليشتنا دا عرارض جديد**

بالنسبة للدينمو ممكن تركب كتاوت الشحن بتاعة الدينمو القديم عادى لأنها هى المسؤله عن ضبط الشحن**

**tamer0101** · 11-08-2014 12:15 AM

المشاركة الأصلية كتبت بواسطة sakr_skoda

المشكلة عندك فى التيرموستات لأن لو فى مشكلة وش سلندر حيظهر على الزيت او الميه حتنقص وانتا تلافيت موضوع المية واصبحت مظبوطة مبتنقصش يبقى التيرموستات اللى انتا مركبة بايظ غيرة لأن اول مرة اسمع عن مروحة تشتغل والعربية واقفة خاصة الفليشيا اه ان شفت دا فى لانس وابل والعربية واقفه فى الشمس المروحة بتشتغل وتفصل لاكن فليشتنا دا عرارض جديد** انا قصدى وهيه واقفة مكانها يعنى الماتور شغال سلانسية بس مش مدى غيار

بالنسبة للدينمو ممكن تركب كتاوت الشحن بتاعة الدينمو القديم عادى لأنها هى المسؤله عن ضبط الشحن**

والله ياعم صبحى انا مغير الترموستات اكتر من مرة وبجيب النوع الاسبانى الاسود والابيض وده اغلى نوع فى اسكندرية لان الايطالى بيكون مضروب والتركى معرفش حد جرية وحوار ان فترة عمل المرحة بيضاعف كل مرة من 4 دقائق وتفصل الى 9 دقائق وتفصل وبعد كده بتفضل دائرة على طول فلو الترموستات بايظ مش كان من الاول ماتفصلش

انا على العموم رايح للميكانيكى يومالجمعة الجاية ان شاء الله ومقلق اخش فى حوار وش سلندر لان قبل ما يغير الطرمبة الماية سالته هولو المشكلة فى الماتور مش بيظهر فى الماية زيت قالى مش شرط

الدينامو القديم مش بتاع الفليشيا ده تقريبا يا بتاع رينو او بيجو فا مش عارف الكتاوت تمش على دينمو الفليشا ولا لا وهل الشحن 13.6 ده طبيعى ولا قليل

**sakr_skoda** · 11-08-2014 07:19 AM

المشاركة الأصلية كتبت بواسطة ahmedvaio

[justify]مساء الفل يا استاذ صبحى[/justify]

مش ممكن تكون المشكلة بسبب وجود هواء فى دورة التبريد !!!
انا كان عندى مشكلة مشابهه و نصحتونى بتفريغ الهواء من الدورة و كان فعلا العيب منها

وجود الهواء بدورة التبريد يمنع تشغيل المروحة وبالتالى العربية حتسخن لاكن ما دام المروحة بتشتغل يبقى موضوع الهواء دا مش هو السبب ثم موضوع الهواء دا انا اكتشفته بخ اى كلام فى كلام لأن لو غطاء القربة يعمل بكفائة هى دى مسؤليته تفريغ الهواء الزائد فى دورة التبريد عن طريق البلوف اللى فى الغطاء ولو فيه مشكله فى الغطاء استحالة تتخلص من الهواء اللى فى الدورة لنه بيتولد بكريقة طبيعية عن طريق تسخين الماء***

**أحمد جودة** · 11-08-2014 08:32 AM

اقطع الشك باليقين هات ثيرموستات إيطالي 92 - 87 من مكان معروف
وراجع علي دورة التبريد واحدة واحدة ولو مشكلة الثيرموستات إ، شاء الله تتحل لان الجديد بيشتغل عند 92 وبيفصل عند 87 وبكدة هتقل فترة تشغيل المروحة وتحافظ اكتر على درحة حرارة مناسبة للحرق ا

وعاوز أضيف كام حاجة بسيطة احتمال تبقي المشكلة منهم

الاول اتاكد ان الردياتير فيش قدامة أى عوائق يعني احتمال ورقة او حاجة دخلت قدامة أو الريش متنية وانتا م واخد بالك
والكهربا عندك أخبارها اية ياتري مظبوطة ولا عالية
وكمان اتاكد ان المروحة نفسها سليمة يعني ممكن سرعتها قلت وبالتالي كفائتها تقل

حبيت اشارك ولو بالقليل .... تقبل تحياتي

**المنسي** · 11-08-2014 09:59 AM

قريت المشكلة وقريت الردود
تعليقى وملاحظاتى
1- الردياتير لو مش سالك بيؤدى لزيادة سخونة المية وبالتالى زيادة تبريد من خلال المروحة حتى لو الترموستات كام على كام
2- الترموستات الواطى مدة تشغيله للمروحة فى الايام الحر مش بيخلى المروحة تفصل حتى وانت ماشى على الطوالى
3- الدينامو ولمبة البطارية المهم انها بتطفى بعد فترة بسيطة ومش بتفضل منورة
الحلول من وجهة نظرى
1- راجع على الردياتير خلى حد يفكه ويسلك المواسير بتاعته مش بس يغسله لا هيفك الجنب اللى فالردياتير ويسلك المواسير
2- هتجيب ترموستات 90/80 او 90/85 ايطالى والاصلى بيبقى محفور على الحتة النحاس بلد المنشأ
3- تتاكد ان الخراطيم كلها سليمة (مية خط تحت الجملة دى)
4- طرمبة المية لازم تكون شغالة عشرة على عشرة
5- غطا القربة يكون سليم لانه بيعمل مشاكل لو بايظ منها نقصان المية + سخونة اعلى
6- تسحب الهوا من دورة التبريد
تقبل تحياتى

الموضوع: المروحة بتفصل بعد 8 دقائق والعربية واقفة

LinkBack

أدوات الموضوع

عرض

-

-

-

-

المواضيع المتشابهه

طوارئ ( المروحة وقفت والعربية بتسخن)

صوت الموتور بيوطى والعربية واقفة لدرجة انه هيبطل

اسباب اهتزاز الدريكسيون والعربية واقفة!!!!!!!!

مؤشر الـ rpm عمال نازل طالع والعربية واقفة

رجة جامدة والعربية واقفة

الكلمات الدلالية لهذا الموضوع

المفضلات

المفضلات

ضوابط المشاركة