الموضوع: بلف التاكيهات و وش تاكيهات و صوت تنفيس جامد

المشاركة الأصلية كتبت بواسطة haisam ali

والله ياعبده ١٤٠ الف كيلو بره مصر ولا حاجه .... لكن انت عارف الطرق عندنا عامله اذاى ؟؟؟؟ تقضى على اى عربيه فى ٥٠ الف كيلو .... انت بس خليك محافظ على صيانتها و القطع الاصليه على قد ماتقدر وانا متأكد انها باذن الله هتفضل حاله كويسه لحد مليون كيلو معاك .... ياعبده ده انت عندك بتاع ١٨ سنه تقريبا وفهمان وحافظ اوبل أومال اما تكبر كده وتبقى هندسه زى الفل هتعمل ايه ؟؟؟؟ وصدقنى مشكله الاوبل انها لعنه على أصحابها لو بعتها والله ما هتعرف تركب تانى ... وحبيبى ياريس وشد حيلك ودائما عرفنى جديدك

هو المشكلة ان قطع الغيار الاصلي مش هتلاقيها الا في التوكيل و اسعارها فلكيييييية و المصنعية هناك غالية و مفيش حاجة تصلبح كله غير غير ، و المشكلة التانية انها العربية الوحيدة اللي في البيت و انت عارف متطلبات الاسرة المصرية ، والدي بيروح بيها شغله ، انزل روح هات طلبات بيت ، نزل المدرسة الصبح و العربية مبتلحقش يدوب دور و امشي ، ودي اخواتك الدروس و انا اخويا ثانوية عامة السنة الجاية فطبعا هبرم معاه في الدروس بالليل و غير بقى القرايب اللي بترحلهم و المشاوير و و و و ....... يعني العربية كل الحمل عليها و هلكانة ، ده غير جو البلد و الزحمة ووجع الدماغ و الحر ، فهى الحمدلله متحملة بس عارف لما بتعطل بقى اصلا مبتبقاش عارف تفكر ايه المشكلة طب هتتكلف قد ايه ايه اللي ممكن يحصل بعد كده ، الدنيا بالنسبة لك هتطعطل و لأسرتك فعشان كده الواحد حامل الهم فعلا لأن العربية استهلكت جامد مننا فبتخاف بقى مشاكل تطلع و المشكلة انها بتطلع مش في الوقت الغير المناسب خالص ، و اديني بحاول اتعلم زيادة عن العربية و بسأل و الناهردة مش عايز اقلك ، واقفله على المسمار ده بتاع ايه ده مكانه لأيه و اقله راجع عليها و هكذا لأن انت عارف الحاجة في الاوبل لازم تبقى perfect عشان العربية متعملش مشاكل بعد

انا عارف يعني ايه لعنة الاوبل انا مش بحاول افهم بس عن الفيكترا سي ، ده عن الاسترا و الانسجنيا خصوصا لأنهم اجدد حاجة في مصر و انواع الاوبل الاخرى ، لأن انا حبيت العربيات دي فعلاً

ادعيلي يا استاذ هيثم ربنا يصلح الحال و ييسر و بجد انت من اكثر الناس احتراما اللي عرفتهم في المنتدى ده و نفسي اقابلك و اشوفك بجد