الموضوع: بلف التاكيهات و وش تاكيهات و صوت تنفيس جامد

المشاركة الأصلية كتبت بواسطة haisam ali

راجع نفسك ياعبده قبل التضحيه وصدقنى اللى يركب المانى مش هيعرف يركب غيره .... وبالامانه سافتقدك جدا ... وخالى بالك كل العربيات كده والله ياعبده انا بخلص حاجه فى العربيه وأقول دى اخر حاجه شويه ويطلعلى عفريت جديد واخلص العفريت وأقول باذن الله اخر حاجه شويه وتطلعلى موال طويل فصدقنى كل العربيات بالطريقه دى

و الله هى الخطوة دية مش دلوقتي و ممكن معملهاش بس ممكن تحصل لو الايزي ترونك عمل حركة مش كويسة و اتكلف جامد فبكده هراجع نفسي تاني فعلا ، و انا عارف ان الالماني متعرفش تركب بعده حاجة كويسة و انا عارف و مجرب بين عربية ليها هيبة و عربية عادية يعني انا اكمني لسة مطلع رخصة سافرت بالعربية مرتين طبعا اول مرة اطلع على طريق سريع مش عايز اقلك مدى الثقة و اللي اخدتها و انا باخد الملفات و العربية ثابتة ما شاء الله انا من تاني مرة كنت ماشي 140 لكن لو راكب عربية كوري او ياباني هبقى ماشي متنشن جدا و خايف بعد ال 100 ، انا العربية عجباني و تكيفها كويس و كله بس في حاجات كده بتنكد عليك يعني عندي ببقى ماشي العربية لما بتنزل من الثاني للاول بسمع صوت تكة او خبطة كده و الاقي العربية اتهبدت فبيبقى نفسي العربية تبقى ماشية عادي .

يمكن شعور النكد ده حاسه لأني النهاردة اول مرة الاقي موتور العربية بيتفتح قدامي و انا اللي دفعت فلوس تصليحها

بس صوتها كان عامل زي ال supercharger كده او طائرة نفاثة داخلة عليا قبل ما تتصلح
الحمدلله على كل شيء

بس انت يا استاذ هيثم شايف ان طبيعي عربية عاملة 140 الف تبدأ تصرف و لا كده بدري عليها ؟


على فكرة حتى لو بعت العربية عمري ما هسيب قسم اوبل ابدا و عمري ما هسيب الناس المحترمة الجميلة اللي في القسم ، و كمان لأن الاوبل عربيات محترمة بجد بس سعات كده بتعمل حاجات مش في وقتها خاااااااالص