العريبه بتاكل زيت ؟؟؟؟

**Sprint king** · 12-08-2014 12:57 PM

السلام عليكم حميعا انا عندى مشكله العريبه عندى مش عارف بتاكل زيت ولا ايه يعنى لما اشوف الزيت فى الصبح القيه مره على ال max ومره القيه فى النص ومره القيه على ال max تانى وكمان عاوز اعرف التكيهات ازاى اطظبطت اصل العريبه بتسخن جامد اوى الميه بتغى كسبب يعنى لسخونة الماتور وكمان العداد بخرف ولا ايه الميه بتغلى فى الخراطيم بتاعت الرداتير والقربه االعداد مبيعديش النص والمشاوير الصغيره بتخلى العربيه بتولع زى ماتكون جيه من سفر اسف على الاطاله فيه حاجه تانيه انا مشيت 2500 كيلو على زيت 2000 كيلو فيه خطر وكمان هل لو حطيت زيت على زيت غلط لحد ماغير زيت يومين كده

**ahmedfouad** · 12-08-2014 01:36 PM

من الواضح انك محتاج تعيد هيكلة العربية :)
انا بهزر ما تزعلش

خلط الزيوت طبعاً غلط
وخصوصاً الزيوت اللى عليها اضافات
لان الاضافات دى ممكن تتفاعل مع بعض
وينتج عنها مادة ضارة ليس لها علاقة بالاضافات النافعة
اللى فى الزيت .. وده اكيد هيضر الموتور والاجزاء المتحركه بداخله ..

بالنسبة لحرارة المياه الزائدة جداً
زى ما حضرتك بتقول
ممكن يكون السبب الرئيسى فيها
صمام كوعة المياه فى دورة التبريد

اللى المفروض يفتح بعد ما الموتور يسخن
وبالتالى يتمكن سائل التبريد من اداء مهمته
فى حمل الحرارة من المحرك ونقلها للرياداتير للتخلص منها

ومهمة هذا الصمام
حجز جزء من سائل التبريد
داخل دورة اصغرمن دورة التبريد الرئيسية
لسرعة تسخين المحرك وخصوصاً فى البلاد الباردة جداً

فمع الصداء ممكن جداً ينحشر ولا يفتح
وبالتالى يستمر المحرك فى العمل
على دورة التبريد الصغيرة
مسبب الحرارة اللى حضرتك بتشتكى منها

والحل الكشف علي صمام الكوعة وتغييره اذا لزم الامر ..
واستخدام سائل تبريد مناسب
بعد التاكد من عدم وجود تسريب بدورة المياه
حتى لا تضطر لاضافة ماء عادى والدنيا تبوظ تانى
واخيراً الصيانة الدورية مهمة جداً

**Mecha** · 12-08-2014 02:11 PM

لما تقيس الزيت ,طلع المقاس و امسحه و حطو تاني
طلع و اقرا
لو المشكله اكررت يبا نفس الموتور مكتوم ال pcv valve
سيب ٢ او ٥ دقليق قبل ماتقيس لما الموتور كان داير
عشان الزيت ينزل الكارتيره
خد بالك الزيت ميقلش عن العلامه السفلي حتي لو خلطت
زيت للطوارئ . بدل ما تحرق الموتور

**Mecha** · 12-08-2014 02:18 PM

العربيات الجديده طبيعي تسخن بسرعه
ال rpm تعلي لحد الميه ف حدود ٨٠
شيك علي سىر الروحه و طرمبه الميه الاول
اغسل الرديتير م التراب وورق الشجر بخرطوم ميه هاديه

**Sprint king** · 12-08-2014 02:54 PM

المشاركة الأصلية كتبت بواسطة mecha

لما تقيس الزيت ,طلع المقاس و امسحه و حطو تاني
طلع و اقرا
لو المشكله اكررت يبا نفس الموتور مكتوم ال pcv valve
سيب ٢ او ٥ دقليق قبل ماتقيس لما الموتور كان داير
عشان الزيت ينزل الكارتيره
خد بالك الزيت ميقلش عن العلامه السفلي حتي لو خلطت
زيت للطوارئ . بدل ما تحرق الموتور

الف شكر على الرد والاهتمام بس انا مش فاهم الحته بتاعت سيب 2 او 5 دقايق دى وكمان ازيت للطوارئ ازاى يعنى انا هازود كيلو مثلا كتير ولا حلو كده

**Sprint king** · 12-08-2014 02:57 PM

ياجدعان الله يباركلو كلكم متشكر جدا على الاهتمام بس محدش رد على فى موضوع التكيهات وكمان ال 500 كيلو دول اللى انا مشيتهم على ال 2000 كيلو كتير ولا مش فارقه اوى طلما الزيت فيه لزوجه

**Sprint king** · 12-08-2014 03:01 PM

المشاركة الأصلية كتبت بواسطة ahmedfouad

من الواضح انك محتاج تعيد هيكلة العربية :)
انا بهزر ما تزعلش

خلط الزيوت طبعاً غلط
وخصوصاً الزيوت اللى عليها اضافات
لان الاضافات دى ممكن تتفاعل مع بعض
وينتج عنها مادة ضارة ليس لها علاقة بالاضافات النافعة
اللى فى الزيت .. وده اكيد هيضر الموتور والاجزاء المتحركه بداخله ..

بالنسبة لحرارة المياه الزائدة جداً
زى ما حضرتك بتقول
ممكن يكون السبب الرئيسى فيها
صمام كوعة المياه فى دورة التبريد

اللى المفروض يفتح بعد ما الموتور يسخن
وبالتالى يتمكن سائل التبريد من اداء مهمته
فى حمل الحرارة من المحرك ونقلها للرياداتير للتخلص منها

ومهمة هذا الصمام
حجز جزء من سائل التبريد
داخل دورة اصغرمن دورة التبريد الرئيسية
لسرعة تسخين المحرك وخصوصاً فى البلاد الباردة جداً

فمع الصداء ممكن جداً ينحشر ولا يفتح
وبالتالى يستمر المحرك فى العمل
على دورة التبريد الصغيرة
مسبب الحرارة اللى حضرتك بتشتكى منها

والحل الكشف علي صمام الكوعة وتغييره اذا لزم الامر ..
واستخدام سائل تبريد مناسب
بعد التاكد من عدم وجود تسريب بدورة المياه
حتى لا تضطر لاضافة ماء عادى والدنيا تبوظ تانى
واخيراً الصيانة الدورية مهمة جداً

ياكبير الف شكر على الرد فعلا الرداتير نضفته تمام وبعد شويه الميه بتصفر مع انى غسلت الرداتير والماتور من جوه والميه يتعمل رغاوى وريم اصفر فى القربه مش عارف كده الرداتير كده جاب اخره ولا ايه

**ahmed12ea** · 12-08-2014 04:58 PM

المشاركة الأصلية كتبت بواسطة sprint king

ياكبير الف شكر على الرد فعلا الرداتير نضفته تمام وبعد شويه الميه بتصفر مع انى غسلت الرداتير والماتور من جوه والميه يتعمل رغاوى وريم اصفر فى القربه مش عارف كده الرداتير كده جاب اخره ولا ايه

للاسف ياغالي كده العربيه جابت جوان
وش سلندر لازم تروح لميكانكي
والي حصل ان ان الزيت بقي بيخطلط مع الميه
وده هو سبب ارتفاع درجه حراره الموتور

**Sprint king** · 12-08-2014 06:57 PM

المشاركة الأصلية كتبت بواسطة ahmed12ea

للاسف ياغالي كده العربيه جابت جوان
وش سلندر لازم تروح لميكانكي
والي حصل ان ان الزيت بقي بيخطلط مع الميه
وده هو سبب ارتفاع درجه حراره الموتور

طيب مش العربيه لما تجيب جوان المفروض تعمل طحينه مش ريم اصفر ده صدا باين مش عارف يعنى الموضوع ده جوان بس ولا اخش فى حاجات تانيه اتقل وكمان انا لسه مغيره اصل العربيه كان فيها صباب بوجيه مكانش شغال ومازال ضعيف جدا انا قولت هو ده السبب بس مفيش فايده وغيرت الجوان برضه يعنى لسه جديد

**ahmed12ea** · 12-08-2014 07:16 PM

المشاركة الأصلية كتبت بواسطة sprint king

طيب مش العربيه لما تجيب جوان المفروض تعمل طحينه مش ريم اصفر ده صدا باين مش عارف يعنى الموضوع ده جوان بس ولا اخش فى حاجات تانيه اتقل وكمان انا لسه مغيره اصل العربيه كان فيها صباب بوجيه مكانش شغال ومازال ضعيف جدا انا قولت هو ده السبب بس مفيش فايده وغيرت الجوان برضه يعنى لسه جديد

مش شرط ياغالي انها تعمل طحينه في الزيت
ممكن العكس زي الحاله الي عندك
وبما انك لسه مغير جوان يبقي كده فيه تفقيع
في وش السلندر ولازم يتخرط او يتغير بواحد استيراد