مشكلة فى تركيب ماتور 1400 لابيزا 2006

**megahome** · 20-08-2014 10:09 PM

الف شكر على اﻻهتمام
بس انا مغير من مانيوال ﻻتوماتيك هل الريﻻى ده مكانه ثابت فى علبه الفيوزات
على فكره انا اخدت جهاز الفحص معايه فتره كبيره وبعد ما الكهربائى عمل ارضى الضفيره كويس عيب التورك كنفيرتر راح وظهر عيب حساس السرعه وهو فعﻻ لو سجنل وكمان عيب حساس ااشكمان اﻻكسجين او اللمبادا مع انى متاكد انه سليم بالقياس باخر سليم
ما هو تغسيرك بعد كل ما سبق
واعتذر عن اﻻطاله واﻻزعاج

**Karim Ibiza** · 20-08-2014 10:17 PM

المشاركة الأصلية كتبت بواسطة megahome

الف شكر على اﻻهتمام
بس انا مغير من مانيوال ﻻتوماتيك هل الريﻻى ده مكانه ثابت فى علبه الفيوزات
على فكره انا اخدت جهاز الفحص معايه فتره كبيره وبعد ما الكهربائى عمل ارضى الضفيره كويس عيب التورك كنفيرتر راح وظهر عيب حساس السرعه وهو فعﻻ لو سجنل وكمان عيب حساس ااشكمان اﻻكسجين او اللمبادا مع انى متاكد انه سليم بالقياس باخر سليم
ما هو تغسيرك بعد كل ما سبق
واعتذر عن اﻻطاله واﻻزعاج

الكلام اللى بتقوله ده بيأكد انه relay الكونترول وهو مكانه ثابت لأن ده كونترول العربية مش كونترول الفتيس

**megahome** · 08-09-2014 03:38 AM

السﻻم عليكم
انا غيرت الموتور بالفتيس بالكنترول وبالضفيره bby اتوماتيك 1400 من الميناء الى السياره مباشر
بصراحه صوته ناعم جدا وتجميع معقول لغايه 100
بس برده 120 سرعه قصوى واستجابه دواسه البنزين حاسس انها مش مظبوطه بفكر انى ابيع العربيه او اولع فيها احسن بدل ما تقرف حد تانى
ولو حد عنده حل يدلنى عليه انا تعبت والله ولو حد يعرف رقم او كود دواسه تالبنزين الكهرباء ﻻنى حاسس انها مش بتاعه الموتور ده
اعتذر عن الصداع اللى انا مسببه لكم

**ehab_mansour** · 08-09-2014 10:25 PM

المشاركة الأصلية كتبت بواسطة megahome

السﻻم عليكم
انا غيرت الموتور بالفتيس بالكنترول وبالضفيره bby اتوماتيك 1400 من الميناء الى السياره مباشر
بصراحه صوته ناعم جدا وتجميع معقول لغايه 100
بس برده 120 سرعه قصوى واستجابه دواسه البنزين حاسس انها مش مظبوطه بفكر انى ابيع العربيه او اولع فيها احسن بدل ما تقرف حد تانى
ولو حد عنده حل يدلنى عليه انا تعبت والله ولو حد يعرف رقم او كود دواسه تالبنزين الكهرباء ﻻنى حاسس انها مش بتاعه الموتور ده
اعتذر عن الصداع اللى انا مسببه لكم

و عليكم السلام
أداء العربية عامل ايه في نطاق السرعه اللي بتمشي فيه ... لحد 120 ؟
يعني أداء مرضي و تسارع كويس و استهلاك بنزين كويس ؟؟؟
العربية و هي دايره سلانسيه أخبارها ايه ؟؟؟
لو كل اجاباتك السابقه انها كويسه و استهلاك مضبوط بشكل كبير و اداء و تساعر مضبوط يبقي حضرتك مافيش قدامك غير النظر للأكسسوارات اللي متغيرتش مع الموتور و الضفيرة بالكنترول ... امثله لذلك :-
1- الدواسة الكهرباء كما قلت انت
2- طلمبة البنزين و ضغطها قدرتها علي مد المحرك طوال فترات عمله بالبنزين المناسب
3- شكمان العربية .. محتمل يكون مكتوم عند علبة البيئة او فيه مشكلة في احدي العلب الاخري
حاليا : العربية بتديك اعطال ايه علي الجهاز ؟؟

و اصبر عليها و ان شاء الله خير او هاتهالي ياعم و خد عربيتي و انا اشفهالك

و متزعلش نفسك كده
ان شاء الله خير

**sala7** · 13-09-2014 11:17 AM

في انتظار رد صاحب الموضوع عن اخر مشاركة لي

.. لحين عمل موضوع كامل سواء (تسقيط / تعمير) الماكينات الالمانية

**megahome** · 26-09-2014 02:17 AM

اسف على التاخير
اوﻻ طبيعي انى اغير الكنترول مع الموتور
ثانيا الموتور الاول كان بوابه واير والموتور الحالى بوابه كهرباء وﻻداءء افضل طبعا بس انا متاكد ان المشكله مشكل توصيﻻت فى الضفيره خصوصا ﻻن الفحص بيقول ان التورك كونفرتر ايرور زى الموتور السابق

**sala7** · 27-09-2014 11:57 AM

المشاركة الأصلية كتبت بواسطة megahome

اسف على التاخير
اوﻻ طبيعي انى اغير الكنترول مع الموتور
ثانيا الموتور الاول كان بوابه واير والموتور الحالى بوابه كهرباء وﻻداءء افضل طبعا بس انا متاكد ان المشكله مشكل توصيﻻت فى الضفيره خصوصا ﻻن الفحص بيقول ان التورك كونفرتر ايرور زى الموتور السابق

ماشي انا هفترض ان الطبيعي ان حضرتك تغير كنترول ع موتور ( مع اني اسف كلامك بنسبة 80% غلط و 20% صح )
لما تيجي تقولي الطبيعي ان حضرتك تغير موتور مع كنترول ( دي اجابة انه سؤال انا سألتهولك؟؟)
انا شايف ان دي اجابة سؤال انا ما سألتوش .
انت ممكن تغير مكنة بس على نفس الكنترول و تشتغل تمام بعد البرمجه .... ده طبيعي بردوا ...

نرجع لموضوعنا .... اللي هو ثانيا :
بوابة كهربا بوابة واير بوابة خشب حتى ... حضرتك بتبرمج بعد التركيب ؟؟؟ ولا الكنترول اللي بتشتريه بيكون مع الماكينة في نفس النص ؟؟؟
لو التاجر بيديلك الكنترول في ايدك و ما بيفكهوش قصادك من نفس العربية الخردة اللي جبت منها حاجتك يبقا لازم تبرمج ....

اقولك على حاجه هتغير تفكيرك خالص ..
فيه عربية جتلي صيانة مركبنا لها فتيس 2000 CC على موتور 1600cc بكنترول 1800 مع كنترول فتيس بتاع عربية رابعة
و بعد ده كله رحت مبرمج على VAs و مافيش اي مشكلة خالص اطلع بقا افحت و اردم براحتك على الطريق لحد ما الموتور يجيب اخره بدون مشكلة ( كلام عملي و تجربه عملية و سليمة)

معلش مع احترامي لحضرتك .. انا اسف .. بس انا عاوز اعرف حساس عزم ايه و محول سرعة مين و الكلام الكبير اللي بنتوه بيه نفسنا
الموضوع ابسط مما تتخيل .. جايز اللي حضرتك عنيت منه و الناس اللي كنت بتروح تصلح عندها و كتر الاراء و الكلام خلاك تتوه .. و الفحصوات و القياسات اللي دخلت فيها نفسك و تهت معاها سبب عدم تركيزك في مشكلتك
حضرتك جربت تسقط مكنة بكنترول و كان اخرها 120
جبتلها كنترول و مكنة ابيزا او كوردبا 1400 و بردوا خرها 120
بعد التسقيط و التركيب كل مره كل جزء في العربية عايز ياخد حقه في الكنترول
- الماكنه بحساستها عاوزه حقها
- الفتيس عاوز حقه
- البدي عاوز حقه
- الكنترول ذات نفسه عاوز حقه بأنه يعرف هو مخزن معلومات عن انه مكنه علشان يعرف يوزع الحقوق و القيم .

انا معرفش حد في مصر يقدر يوصلك لحد بيبرمج و خبير .. انما ممكن الاعضاء تساعدك

ده لو كان اللي اتعمل كله في عملية التسقيط سليم و صح 100%

و ارجو ان حضرتك تقرا موضوع التسقيط المعمول الى جزئين في قسم سيات

علشان نقفل جميع الاحتمالات الخاطئة و نوصل بسرعة لمكان الخلل .

تحياتي لك