الموضوع: مقارنه بين هوندا سيفك واوبترا ومحتاج مساعدتكم

ازيكوا يا اخونا .. ان شاء الله تكونوا بخير

ام هند .. انا في قدامي اوبترا 2010 كامله اوتوماتك راشه بره نظافه فقط عشان عليها استيكرات والكلام ده ودي بيتكلم في 75 الف نهاااائي

ام هند التانيه بقي ... هوندا سيفك ( عشقي الاول والاخير ) موديل 94 كامله اوتوماتك ولسه متسقط عليها مكنه فيتك 1500 راشه دواخل من الجانب الأيمن بس علي خفيف كدا والسمكري اللي عملها بهيم والحمد لله .. بس مش مأثره علي اي حااااااجه نهااااائي وفيها فتحة سقف كهربا مرايات ضم صالون جلد بصراحه العربيه الله اكبر عليها تحفه ومطلوب فيها 52 الف نهائي بردوا

انا رحت وشوفت العربيتين والعربيتين الله اكبر عليهم ولا كلمه .. بس بصراحه محتار جداً بين الاتنين

ملحوظه اللي خلاني اقارن الاوبترا معاها بالنسبالي عشان الموديل مش اكتر .. وبصراحه ارائكوا هي اللي هتخليي اكرر
ف انتوا شايفين انهي عمليه وشبابيه وهتنفعني وتستحمل اكتر
اوبترا 2010 ولا هوندا 94 ؛)

الاكثر عملية ومش هتتعبك اوبترا 2010

المشاركة الأصلية كتبت بواسطة max13

الاكثر عملية ومش هتتعبك اوبترا 2010

الف شكر علي سرعة ردك يا حاج max يعني انت شايف مثلاً ان قطع الغيار بتعة الاوبترا متوفره وان سعرها كده حلو ولا مش حلو اي عيوبها مثلاً ؟

هوندا 94 طبعا و أكيد و لازم. متقارنش الفالسو بالأصلي أوبتر أيه الزباله دي . الورده لو دبلت ريحتها فيها و الزف و لو عطرته بالورد ريحته غلبها عليها.

المشاركة الأصلية كتبت بواسطة ramadan kader

هوندا 94 طبعا و أكيد و لازم. متقارنش الفالسو بالأصلي أوبتر أيه الزباله دي . الورده لو دبلت ريحتها فيها و الزف و لو عطرته بالورد ريحته غلبها عليها.

تسلم علي ردك .. والله انا بعشق حاجه اسمها هوندا وبالذات الموديل ده

بس انتوا ايه رأيكوا في السعر بتاع العربيتين
يعني بردوا في فرق 25 الف بين العربيتين
وايه عيوب العربيتين دول
وايه ممكن يكون في الرنج ده مثلاً من 45 لــ 75 الف
لو في حاجه احسن يعني

المشاركة الأصلية كتبت بواسطة j a g u a r

سعر الهوندا كويس لو حالتها كويسه وشوف برضه رأي باقى الاعضاء
الاوبترا ماشيه قد ايه ..

انا معايا الاوبترا واقدر اقول عيوبها ..

1 - انعدام وسائل الامان رغم ان فراملها ممتازه والله
2 - صاج السقف والكبوت ضعيف وخصوصا السقف بحس انى لو ضربته بالبوكس ممكن يتخرم
3 - شكلها من المقدمه مش عاجبنى وبقى قديم

غير كده والله مفيش اى مشاكل والعربيه زى الفل

العيوب اللى انا فاكرها فى الموديل ده من السيفيك ..

1 - اعتماديتها ضعيفه شويه
2 - واطيه على الارض

الف شكر علي ردك يا معلم ... وانا ان شاء الله هخلص في الأوبترا انهارده .. بما انها معاك بقي
قوللي ايه الحاجه اللي اركز عليها وانا بشوفها تاني وهل سعرها ده كويس ولا عالي ولا واطي والف شكر ليك يا باشا وان شاء الله هنزل صورها

المشاركة الأصلية كتبت بواسطة merosss

فى الحقيقية لا دى ولا دى هوندا سيفيك ومغيرة موتور ورشة دواخل......اوبترا وكان عليها استيكرات واضح ان العربيتين بتوع شباب صغير من الى غاوى لعب والكلام دة ... وغالبا فية مشاكل مش باينة

أنا عموما لا أفضل المستعمل إلا من حد معروووووووووف جداااااااااااا وموثوووووووق جداااااااا بالنسبالي كمشتري