مقارنه بين هوندا سيفك واوبترا ومحتاج مساعدتكم

**mo3tsem** · 13-08-2014 05:26 PM

المشاركة الأصلية كتبت بواسطة ramadan kader

هوندا 94 طبعا و أكيد و لازم. متقارنش الفالسو بالأصلي أوبتر أيه الزباله دي . الورده لو دبلت ريحتها فيها و الزف و لو عطرته بالورد ريحته غلبها عليها.

تسلم علي ردك .. والله انا بعشق حاجه اسمها هوندا وبالذات الموديل ده

**mo3tsem** · 13-08-2014 05:30 PM

المشاركة الأصلية كتبت بواسطة merosss

فى الحقيقية لا دى ولا دى هوندا سيفيك ومغيرة موتور ورشة دواخل......اوبترا وكان عليها استيكرات واضح ان العربيتين بتوع شباب صغير من الى غاوى لعب والكلام دة ... وغالبا فية مشاكل مش باينة

بص هو اول حاجه .. الهوندا حالتها نضيييييف جداً جداً خصوصاً اني ودتها لكذا واحد وكلهم اجمعوا ان العربيه محترمه ونضيفه جداً وصاحبها مهتم بيها بس عيبها اانها اتخبتط من الجمب وهي واقفه كمان بس الخابطه مجتش في اي حاجه اصلاً يعني مش مأثره خالص غير كده صاحبها مهتم بيها جداً
وبالنسبه للأوبترا ف دي كانت مع شاب اه لمده سنه واحده وكان لازق عليها ستيكر وكان راكنها فالجراج فـ اللي اشتراها بعده شال الحاجه دي واداها وش نضافه .. وحالتها نضيفه جداً وفي 2 كشفوا عليها واجمعوا علي كده .. واتمني ان ميكونش فيها اي مشاكل :d

**mo3tsem** · 13-08-2014 05:38 PM

المشاركة الأصلية كتبت بواسطة far!d

خليك في الأوبترا
عربيه احدث و زياراتك للميكانيكي حتخف

ده اللي انا بفكر فيه بصراحه عشان الموديل مش اكتر وبعدين لما سألت صاحب الهوندا اصلاً انت هتبيعها ليه .. قالي انه هيشتري اوبترا

بس لو انت تعرف للأوبترا اي عيوب ياريت تقوللي عليها وهل سعرها ده كو

يس عليها ..

**mo3tsem** · 13-08-2014 05:40 PM

المشاركة الأصلية كتبت بواسطة omar mahmoud

اكيد سيفيك بس شكلها متهانة شوية
الاوبترا لو هتكون احسن في حاجة هتكون انها موديل جديد عن الهوندا

بالعكس الهوندا نضيفه جداً وهو مهتم بيها جداً .. بس انا بفكر في الأوبترا .. بردوا مش عاوز احس اني برمي الفلوس في الأرض

**mo3tsem** · 13-08-2014 05:44 PM

المشاركة الأصلية كتبت بواسطة j a g u a r

الموديل ده فى الهوندا كويس جدا وشكله شيك وشبابى بس قليل لو لقيت حاله كويسه
والاوبترا دى سعرها قليل عليها وشكلها فيها حاجه

فى المجمل لو السيفيك حالتها كويسه يبقى هيا اكيد بس هاتزهقك شويه فى قطع الغيار والتصليح
لو العكس يبقى اوبترا ووفر على نفسك وجع الدماغ

الأوبتر نضيفه بصراحه ومفيهاش حاجه .. غير كده اللي انا هستقر عليها هروح اكشف عليها تاني .. انا اصلاً كاشف عليها مرتين :d

**mo3tsem** · 13-08-2014 05:47 PM

بس انتوا ايه رأيكوا في السعر بتاع العربيتين
يعني بردوا في فرق 25 الف بين العربيتين
وايه عيوب العربيتين دول
وايه ممكن يكون في الرنج ده مثلاً من 45 لــ 75 الف
لو في حاجه احسن يعني

**J A G U A R** · 13-08-2014 06:09 PM

المشاركة الأصلية كتبت بواسطة mo3tsem

بس انتوا ايه رأيكوا في السعر بتاع العربيتين
يعني بردوا في فرق 25 الف بين العربيتين
وايه عيوب العربيتين دول
وايه ممكن يكون في الرنج ده مثلاً من 45 لــ 75 الف
لو في حاجه احسن يعني

سعر الهوندا كويس لو حالتها كويسه وشوف برضه رأي باقى الاعضاء
الاوبترا ماشيه قد ايه ..

انا معايا الاوبترا واقدر اقول عيوبها ..

1 - انعدام وسائل الامان رغم ان فراملها ممتازه والله
2 - صاج السقف والكبوت ضعيف وخصوصا السقف بحس انى لو ضربته بالبوكس ممكن يتخرم
3 - شكلها من المقدمه مش عاجبنى وبقى قديم

غير كده والله مفيش اى مشاكل والعربيه زى الفل

العيوب اللى انا فاكرها فى الموديل ده من السيفيك ..

1 - اعتماديتها ضعيفه شويه
2 - واطيه على الارض

**mo3tsem** · 14-08-2014 04:14 PM

المشاركة الأصلية كتبت بواسطة j a g u a r

سعر الهوندا كويس لو حالتها كويسه وشوف برضه رأي باقى الاعضاء
الاوبترا ماشيه قد ايه ..

انا معايا الاوبترا واقدر اقول عيوبها ..

1 - انعدام وسائل الامان رغم ان فراملها ممتازه والله
2 - صاج السقف والكبوت ضعيف وخصوصا السقف بحس انى لو ضربته بالبوكس ممكن يتخرم
3 - شكلها من المقدمه مش عاجبنى وبقى قديم

غير كده والله مفيش اى مشاكل والعربيه زى الفل

العيوب اللى انا فاكرها فى الموديل ده من السيفيك ..

1 - اعتماديتها ضعيفه شويه
2 - واطيه على الارض

الف شكر علي ردك يا معلم ... وانا ان شاء الله هخلص في الأوبترا انهارده .. بما انها معاك بقي
قوللي ايه الحاجه اللي اركز عليها وانا بشوفها تاني وهل سعرها ده كويس ولا عالي ولا واطي والف شكر ليك يا باشا وان شاء الله هنزل صورها

**J A G U A R** · 14-08-2014 05:31 PM

المشاركة الأصلية كتبت بواسطة mo3tsem

الف شكر علي ردك يا معلم ... وانا ان شاء الله هخلص في الأوبترا انهارده .. بما انها معاك بقي
قوللي ايه الحاجه اللي اركز عليها وانا بشوفها تاني وهل سعرها ده كويس ولا عالي ولا واطي والف شكر ليك يا باشا وان شاء الله هنزل صورها

تحت امرك يا كبير ..
هو من الافضل تكشف عليها فى مركز خدمه او بنزينه كويسين وهايطلعولك تقرير بكل حاجه فى العربيه
او ممكن تاخد معاك سمكرى وميكانيكى بيفهمو كويس ويشوفو العربيه
وعلى العموم الاوبترا مفيهاش مشاكل كبيره تقلق اللى بيشترى منها .. ركز بقى على الصاج من الخارج وحاله الدهان المرشوش ايه والسقف والشنطه مرشوشين ولا لا .. وافتح الكبوت وشوف الشاسيه والحوض والشنب .. وشوفها من الصالون متبهدله ولا لا وجرب العربيه وشوف الماتور فى الشد والجرى عامل ايه .. ولف الدريكسيون فى الناحيتين والعربيه واقفه فى اصوات ولا لا .. وارفع العربيه من الرفرف ونزل فيها وشوف بتنزل وتطلع معاك كويس ولا فى خشونه فى الطلوع والنزول .. وحاله الكاوتش ......... دى اهم حاجات تكشف عليها .

بالنسبه للسعر كويس جدا لو حالتها كويسه
بس مقولتش برضه العداد عامل قد ايه ..