الموضوع: عاوز اشترى ساعة يد

المشاركة الأصلية كتبت بواسطة Amr_MO

أولا بالنسبة لساعة سيتيزن
Amazon.com: Citizen Men's AU1060-51E Axiom Analog Display Japanese Quartz Silver Watch: Watches

ثانيا بالنسبة لساعة guess
Amazon.com: GUESS Men's U13009G1 Classic Black Diamond Accented Interchangeable Strap Watch: Guess: Clothing

الساعة دي واضع ان دراعها ستانلستيل ولكن في صورة جنبها انها rubber وده مش بحبه بصراحة لاني بدور على الاستانلس، فعاوز اعرف هي ايه بالظبط لأنهم مش موضحين

بالنسبة لساعات كاسيو ففي كذا واحدة منهم داخلة دماغي
الأولى: Casio MTP-1192A-7ADF for Men (Analog, Casual Watch) للبيع في مصر, الإسكندرية, القاهرة. افضل سعر، مراجعة و تقييم | سوق

الثانية: http://egypt.souq.com/eg-ar/ساعة-كاس...رب-5335821/i

حضرتك ترشحلي اي واحدة فيهم بالنسبة للكاسيو، وسؤال برضه بخصوص العقارب الصغيرة الي في الساعة، واضح ان واحد فيهم بتاع الأيام طيب الاتنين التانيين بتوع ايه بالظبط؟

السؤال بقى بخصوص ساعة سيتزين وال guess هل في موقع مضمون مضمون يا ولدي من حيث انه بيبيع الاصلي فقط لا غير، يشحن الساعة دي مباشرة لمصر بدل مصاريف ارامكس وخلافه؟

وفي رأيك ايه هي سلبيات او عيوب كل ساعة منهم

سيتيزن كويسة جداً، حجمها متوسط 40مم . مش هتحتاج تغير بطارية لأنها ecodrive بتتشحن بالضوء. شكلها شيك و تنفع للمناسبات.
عيبها في نظري إنك هتحتاج تحافظ على الإزاز بتاعها كويس من الخدوش لأنه mineral عادي مش ضد الخدش، و في حالة إنك تحتاج تغيره لكثرة الخدوش أو لكسر مثلاً هتدور شوية لحد ما تلاقي إزاز بتاعها لأن له إطار أسود مطبوع على الإزاز.
و الإزاز بتاعها مسطح flat. الأستيك بتاعها لميع من الجناب و مطفي من النص


Guess لا أفضلها بصراحة، مالهاش تاريخ و بتعتمد على إنها fashion brand، كاتبين على الكريستال اللي فيها عند الساعة 12 إنها ألماس حقيقي Genuine diamond، ممكن.
شكلها كويس لكن بالنسبة لجودة الطلاء الأسود مش مضمون قوي. ممكن يتخدش بسهولة أو مع الوقت و الاحتكاك خاصة لو بتلبس قميص بكم هتلاقي اللون بدأ يبهت و يظهر لو الستانلس ستيل أماكن الاحتكاك. الطلاء الأسود أو الذهبي حالياً بيتعمل بتقنية اختصارها PVD و دي بتفرق في الجودة حسب المصنع. في ماركات بيكون الطلاء ده أكثر مقاومة و صلابة من الستانلس ستيل نفسه :) و فيه أنواع بيكون زي ما قلت لك أي كلام
بالمناسبة بالكلام عن اللون الذهبي نصيحة ما حدش يقول لك "مطلي بمية الذهب" و تصدقه إلا لو لقيت على الساعة دمغة بالكلام ده "فيه صور على المدونة عندي". و يوم ما يكون مكتوب بيذكر العيار و سمك طبقة الطلاء بالميكرون. و الطلاء بيتم بالتحليل الكهربي :) اسمه Gold Electro-plating
في حاجات تانية بتبقى ذهب صب أو ذهب خالص Solid Gold filled دي ذهب و بيبقى عليها دمغة برضه.
المكنة بتاعة ساعة Guess أعتقد بتبقى ياباني عادية أو صيني مش واضح تفاصيل عنها.
حجمها متوسط مكتوب قطرها 38مم و ده مايعتبرش كبير يعني لكن معقول كرجالي
الإزاز منحنى شوية domed و مش ضد الخدش
الأستيك بتاعها فيه لميع و مطفي polished & brushed. و ممكن تخلعه بسهولة من الساعة مش محتاج آلة معينة لأنهم عاملين بروزات في السوستة springbar بتاعتها، هتلاقيها واضحة في الصورة اللي من ظهر الساعة. و جاي معاها في العلبة أستيك جلد أسود عشان تبدل بينهم

الكاسيو ماركة معروفة و المكنة ياباني بيتم تقفيل ساعاتها في الصين. العقرب الثالث اللي سألت عليه هو عقرب 24 ساعة، بيكمل لفة كاملة كل 24 ساعة. يعني الساعة 8 بالليل هتلاقيه واقف على 20.
هو يبقى مميز بقى لو كان ينفع تظبطه بصورة مستقلة عن العقارب الأصلية، كده كان هيبقى عندك توقيتين في ساعة واحدة Dual time zone، يعني تظبط العقارب الرئيسية على توقيت مصر و العقرب ال24 على توقيت جرينيتش :) مثلا يعني لو انت مختاجه في شغلك أو بتسافر بلدان كتير.
لكن ده مش متوفر في الساعة دي، العقرب بيديك نفس توقيت العقارب الرئيسية.
الساعتين فيهم نفس المكنة و بيتم ضبط كل وظايفها من خلال الشاكوش crown بس. الحجم 40مم معقول مش صغير و الإزاز برضه منحنى domed و عادي مش ضد الخدش
المينا بتاع الساعة السيلفر في حركة اسمها sunburst بيظهر زي شعاع الشمس لما تحركه قدام عينك (مش عارف أشرحها ازاي)

بالنسبة لناس بتبيع السيتيزن و الGuess و بتشحن لمصر مباشرة:
Citizen Watch Eco Drive Axiom Black Dial Date Steel Bracelet AU1060 51E New | eBay

Men's Black Guess Diamond Watch U13009G1 | eBay

شخصياً لو مكانك هاشتري و انا مطمئن لعدة أسباب:
- البائع سمعته كويسة
- عارض صور حقيقية للساعة و ملحقاتها مش جايب صور من مصدر تاني مثلاً، و كاتب إن عنده منها اتنين حالياً
- لو طلبت منه صور تانية لأماكن معينة في الساعة غالباً هينفذ طلبك.
- يقبل استرجاع السلع خلال 14 يوم من استلامك لها.
- طالما الشراء عن طريق ebay و انت دافع عن طريق Paypal حقك محفوظ دايما. حتى لو وصل الأمر إنك رجعت الساعة توجد عدة طرق لاستلام فلوسك من غير الpaypal

بالنسبة للضمان، أنا شخصياً لا أهتم به كثيراً، لكن اسأل البائع هل بطاقة الضمان اللي مع الساعة يمكن تفعيلها و كيف؟
هل هو موزع معتمد Authorized dealer؟ لو كده يبقى تقدر تسجل ساعتك لما تستلمها هنا Watch Registration | Citizen Watch - Eco-Drive, Drive - English (CA)

لو هتلحق اشتري قبل ما الخصم اللي البائع عامله يخلص، أو أطلب منه يعمل خصم جديد أو ينزل السعر عشان تشتري. هيرضى

المشاركة الأصلية كتبت بواسطة Amr_MO

الاستاذ الفاضل انا عاجز فعلا عن الشكر

معلش سؤال تاني وبعتذر اذا تقلت عليك

وانا بدعبس في الاي باي لاقيت الساعة التالية
Citizen Men's Eco Drive Steel S/S Atomic Radio Chronograph Watch AT4008-51E

طبعا حاسس ان الساعة فيها امكانيات او وظائف كتيرة، جبتها على اليوتويب بس مفهمتش ايه هي فائدة الخصائص الي فيها وحسيت انها محتاجة حد يكون عنده خبرة وخلفية عن تكنولوجيا الساعات فياريت حضرتك تشرحلي باختصار كدة ايه المميزات الموجودة في الساعة دي


ده لينك يوتويب ليها شارحين فيها كل ال features الخاصة بالساعة بس مفهمتش منه حاجة
https://www.youtube.com/watch?v=VKV43vofWrc

هي فيها حاجات كتير بصراحة. هي زي معظم سيتيزن مش هتحتاج تغير البطارية دي خاصية solar/eco-drive.
+ بتظبط نفسها وقت و تاريخ عن طريق إشارات راديو في خمس مناطق على مستوى العالم(North America, Europe, China, Japan). "مش في مصر لسه" radio-controlled/atomic
+ إزاز ضد الخدش مع طبقة انتي ريفلكشن
+ عداد ٢٤ ساعة على الشمال
+ عداد على اليمين له تلات وظائف بنفس المؤشر: يوم الأسبوع، مشر طاقة البطارية، عداد دقائق أو ثواني
+ عداد تحت بيعرض وظيفة المنبه و المنطقة الزمنية أو المدينة اللي عايز تعرض وقتها
+ فيها تاريخ عند الساعة٤
حركة العقارب فيها ظريفة لما تنقل من منطقة زمنية لأخرى + عقرب الدقائق بينط نطة واضحة كل ربع دقيقة هتلاحظها