اقتباس المشاركة الأصلية كتبت بواسطة ibrahimahmed مشاهدة المشاركة
ده حقيقى ... اغلب البنوك الخاصة بتعمل فايدة 10% فى السنة ( هما بيقولو 8% و8.5% على سبيل جر الرجل ... انما هى بتصفصف على 10 % فى الاخر ... واحيانا 10.5% كمان )
وكلمة 10% فى السنة دى يعنى فى الخمس سنين تبقى الفايدة على مبلغ القرض 50%
يعنى لو العربية ب 60 الف مثلا ... وانا دفت 20 الف مقدم ... يبقى مبلغ القرض هايبقى 40 الف جنيه
ال 40 الف جنيه دول لما يكون عليهم فايدة 50 % فى الخمس سنين يعنى ال40 الف عليهم فايدة 20 الف
يبقى اجمالى قيمة القرض بعد الفايدة 60 الف جنيه ... اقسمى بقى ال60 الف جنيه على 60 شهر ( اللى هما 5 سنين ) هايطلع القسط الشهرى 1000 جنيه
وهايبقى اجمالى تمن العربية = المقدم + قيمة القرض + الفائدة = 20 + 40 + 20 = 80 الف جنيه
طبعا كل ما هتزودى المقدم القسط هايقل بالتبعية
مثال : لو دفعتى 30 الف مقدم ... يبقى القرض هو اللى فاضل من ثمن العربية يعنى هايبقى 30 الف جنيه ... اضربى ال 30 الف جنيه فى 50% فائدة ... هيبقى المبلغ بالفائدة 45 الف جنيه
اقسمى بقى ال 45000 دول على 60 شهر هايطلع فى الشهر 750 جنيه فقط
وهيبقى المبلغ الكلى للعربية 30 الف مقدم + 30 الف القرض + 15 الف الفائدة الكلية = 75 الف جنيه ... يعنى الفائدة قلت والمبلغ الكلى قل ... لان المقدم زاد
حضرتك قسطت مع بنك ايه وايه اجراءات التقسيط لو سمحت