اقتباس المشاركة الأصلية كتبت بواسطة mnon_mahmoud مشاهدة المشاركة
الله يبارك فيك
---------------
اما بخصوص التقرير الل حضرتك وصفتو بانه وافي ..دي حاجه بسيطه جدا من التقارير ال حضرتك بتعملها وكمان ردودك الل بجد بتفيد ..وصدقني ..اتعلمت كتير منك وكلامك هو الل شجعني اجيب النيواالتوو ..عشان انا متابعه مشاركات حضرتك من زمان..وزي ما استفدت من مشاركات وموضوعات حضرتك قولت افيد انا كمان علي ادي يعني....
-----------------------------------------
وبخصوص الملحوظه -من واقع الفواتير عشان كلامك... خلاني اراجع تاني عليهم مكتوب ان الصيانه الالف مجانا وفي السطر الل اودامها مكتوب مصنعيه100 جنيه ومكتبوش موضوع الولاعه في الفاتورة يعني ...ممكن يكون حسبوا ان تركيب الولاعه 80 و20 جنيه ضريبه اوفعلا مخدوش ال100 جنيه لصيانه الالف وخدوها حق تركيب الولاعه عشان مش مكتوب كلمه تركيب ولاعه في الفاتورة.
----------------------------------------------------------------------
واما بخصوص السؤال -
-------------------------------
عن مكان الولاعه هو اسفل الفتيس وانا اشتريتها من التوفيقيه ب15 جنيه واشتريت عليها حاجه تانيه بتوصل عشان شاحن السيارة وسعرها بردو 15 جنيه ...
بصراحه انا مسئلتش عندهم ولا لاء ولاعات انا اشتريتها عشان قولت يمكن متكنش عندهم ...
عشان بفكر اشتري جي بي اس فلما سالت احدي الشركات اتقالي بنركبيه علي مكان الولاعه عشان كدا عملتو...
فلما عرفتهم في التوكيل وانا بعمل صيانه الالف اني عاوزة اركب الولاعه قالوا هاتيها ونشوف وفعلا اتركبت....
وشكرا لاني استفدت من مشاركاتك وموضوعاتك كتير جدا والله ...ومش مصدقه ان حضرتك بتعلق علي موضوعاتي وتقاريري وكمان بتسئلني ...تحياتي
على ايه بس ده واجب اى حد انه يوصل المعلومة ... وبعدين عمر الموضوع ده ماكان هايكبر كده ويلم المعلومات دى كلها بدون كل الناس اللى شاركت فيه واللى انا بشكرها جدا على مساهماتها بالمعلومات ... فشكرا مرة تانية
بخصوص الولاعة لو افضل يبقى فيه صورة لمكان الولاعة فعلا لانى مش فاهم يعنى ايه تحت الفتيس ؟؟ تقصدى تحت زرار الانتظار ولا فين بالظبط ؟؟
تقبلى تحياتى