الموضوع: يافرحة ما تمت ......خدها محلب وطار

المشاركة الأصلية كتبت بواسطة dodge2013

استبعد السيناريو الخيالي الي بتقول عليه على الاقل فتره 5 - 6 سنين ويمكن 10 سنين

و كمان وممكن العكس يحصل الدولار بنهار والجنيه المصري يبقى ليه قيمه اكبر من دلوقتي

اكيد طبعا بتمنى يكون كلامى غلط هو انا عايش فين يعنى كلنا فى مركب واحده

المشاركة الأصلية كتبت بواسطة imhotep

حلوة احلب محلب دى :-)
خلى بالك انهم لما قالوا اسهم و سندات من الاول واضح انها كانت مجرد فكرة عفوية اتقالت الغرض منها تشجيع و تحفيز الناس و شحذ انتماءهم . . . لكن وقت الجد لما تم دراسة كل الاحتمالات و الصعوبات العملية اللى فى الموضوع و انا وضحت بعضها فواضح انهم فضلوا يخلوا الموضوع ابسط و اسهل و كمان اضمن بدون تعقيدات. . . و بعدين يا سيدى هو خلاص قفشت معاك يا السهم ده يا بلاش. . . ما انت عندك 250 شركة تانية فى البورصة تشترى فيها و تكسب زى ما انت عايز و تبقى وارين بافيت الجديد :-)

حضرتك بتقول انها فكرة عفوية
اذاى تكون عفوية فى مشروع ضخم وقومى زى ده
يعنى المفروض تمت دراسات فنية واقتصادية ومالية وعرض على بيوت خبرة عالمية الخ موش يطلع المشروع فجأة
زى العفريت من العلبة وبدل مايبقى مشروع ضد الامن القومى يبقى مشروع قومى فى يوم وليلة

وبعدين يحدث تخبط لانه مافيش تخطيط ودراسة لكل حاجة ويخلي عند الواحد عدم ثقة تجاه الحكومة ورئيس الدولة

وموضوع انه قدامك اكتر من 250 شركة اشترى منها الاسهم اللى تعجبك وموش لازم تقفش دام اسهم القناة
كده حضرتك بتسطح الامور وكان الشعب موش عارف يودى فلوسه فين من كترها وما تفرقش معاه
الموضوع حضرتك انك ضيعت فرحة الشعب ودست على احلامه انه يكون شريك فعلى ومالك لاهم مشروع فى مصر
اى واحد يتشرف بامتلاكه ولو سهم واحد وبعدين يفاجىء انه انضرب على قفاه وكان بيجرى وراء سراب ووهم لاشغاله عن امور اهم ليس الا

المشاركة الأصلية كتبت بواسطة imhotep

اول سؤال تم سؤاله. . . ليه شهادات مش اسهم
الاجابة انه بدائل التمويل الاخرى زى الاسهم و السندات عيبها الاطار الزمنى الطويل نسبيا المطلوب لتنفيذها و الذى لا يسمح به الاطار الزمنى المتسارع المطلوب للمرحلة الاولى لمشروع بهذا الحجم . . . يعنى انشاء شركة قابضة ثم نشرة اكتتاب ثم قيد للشركة فى البورصة ثم طرح عام اولى و غيره من الاجراءات اللى بتاخد حوالى 3 او 4 اشهر. . . كمان قال ان الشهادات حاليا هى لتمويل حفر القناة الجديدة فقط لكن ممكن لاحقا استخدام الاسهم و السندات فى بقية مراحل المشروع اللى هى اقامة المناطق اللوجستية و شركات الخدمات الملاحية و غيره

بالنسبة لموضوع التمويل والاطار الزمنى لانشاء الشركة القابضة والاكتتاب الخ وممكن ياخد اربع شهور
لوحضرتك خدت بالك من كلام السيسى فى خطابه موجها كلامه لشركات المقاولات ان فلوسهم عنده والجيش ضامن لها يعنى مافيش مشكلة ان الاجراءات لاشهار الشركة واصدار الاسهم الخ من اجراءات تاخد عدة شهور خلالها يكون الشعب اشترى الاسهم بالنسبة المحددة له وبالضمانات اللازمة لعدم الاستحواذ عليها باى طريقة يبقى ايه اللى يمنع الشعب من تملك الاسهم والمشاركة الفعلية لمشروع قومى كبير ممكن يضم ويوحد الشعب على هدف واحد بدل الخيبة والتمزق والتناحر اللى احنا فيه...نفسنا فى حاجة واحدة صادقة لاعادة الثقة فيما بيننا موش شعارات جوفاء

بس انا برضو ليا كام سوال للناس البتكلم فى الاسهم
يا جماعه سهم يعنى مساهمه فى حاجه شغاله بتجيب فلوس و تكسب فانتا تكسب
هتشترى سهم لتمويل حفر ده السهم ده هيكسب ازاى ينبيع الرمل الطلع من الحفر مثلا
ثانيا لو سهم انتا كده بتقول لكل الناس اشتركو فى البورصه و اجراءات البرصه و ليله سعادتك و هتلى بقا شركات وساطه و شركات سمسره
و اعمل جمعيه عموميه يشارك فيه ٦ ٧ مليون
و بعدين اصلن المفروض ان ايراد قناه السويس جزء من الموازنه طيب ازاى
انا راى لا تشترى سندات و لا غيرو
لان بمعدل التضخم الحنا ماشين بيه بعد ٥ سنين الفلوس الحضرتك حطتتها بالفايده و لا هيكون ليهم قيمه
يعنى تخيل معيا اشتريت ب ١٠٠ الف جنيه
فايده ١٢٪ على السنه فى ٥ ب ٧٥ الف يعنى ال ١٠٠ باقو ١٧٥ فى ٥ سنين
حسبه خسرانه انتا روح هات شقه اسكان شباب ٧٣ متر و بعد ٥ سنين شوف هتبيعها بكام
ده من وجه نظر البيزنس
لاكن الانتماء للوطن و حب القناه و كده ده وضع تانى :)

احلى حاجة في مصر استحمار الشعب عامة في كل حاجة انا بتكلم عامة حكاية الشهادات دي فكرتني بشهادات البنك الاهلي اللي بتشتريها بالدولار وبتاخد العائد بالجنيه المصري