الموضوع: مشكله كهرباء في ابيزا 94

طريقة أختبار وجود أحمال ( تسريب كهرباء او بيسموها العربيه مسريه بلغة السوق ) على البطاريه والعربيه غير ديره

قبل البدء فى التجربه يجب التأكد من أنه لايوجد شيء كهربى فى السياره شغال

- هتجيب لمبة صغيرة حوالي 5 وات
- تركب سلكين على أطراف اللمبه لتشغيلها
- هتخلع طرف البطاريه السالب ( الارضى ) (-)
-هتوصل أحدى أطرف سلك اللمبه بقطب البطارية السالب و الطرف التاني لسلك اللمبه بالكابل السالب الى خلعناه
لو نورت يبقى فيه تسريب أو أحمال ونبدأ بالبحث والمراجعه على جميع الاجزاء الكهربائيه

المشاركة الأصلية كتبت بواسطة amrmostafa44

طيب سؤال اخير ممكن اواطيش البطاريه تكون مش كويسه و بتهرب ارضي ولا لو الاوطاش بيهرب هيبان في اختبار اللمبه ؟

لا علاقه بين اختبار التحميل وقواتيش البطاريه
بالبلدى كده مافيش علاقه بين اختبار اللمبه وعدم ثبات القواطيش الاختبار ده بنعرف منه اذا كان هناك تسريب أو تحميل كهرباء والعربيه مغلقه كهربائيا بالكامل يعنى فى حاجه لسى شغاله وبتسحب من قدرة طاقة البطاريه ولا لا

عدم ثبات قوطيش البطاريه بيسبب مشكله اثناء التدوير الاولى للماتور فممكن يطول او تفصل
وكمان بتسبب تهريب فى الشحن بعد دوارة الماتور وعدم استطاعة الدينمو أنه يشحن البطاريه بشكل صحيح

علاجه أنك تجيب قواطيش جديده او لو القدميه حالتها كويسه تربط المسمار كويس عشان يكون القطاش ثابت وقبل الربط تنضف القواطيش كويس من اى أملاح باستخدام فرشه وماء ساخن وبعد الربط يتم وضع الشحم الابيض لمنع ظهور التمليح