رابطة إتحاد ملاك الروا 405

**yassinahmed** · 18-06-2015 03:05 PM

تحياتى لكل الاصدقاء مع تمنيانى لهم بدوام الصحه و العافيه و كل عام و انتم بخير

هل فيه مكان تانى بيصلح العربيه الروا فى القاهره و يكون عندو جهاز الضبط - الكمبيوتر - الخاص بها

تم الاتصال بتوكيل بيجو القطاميه منذ اكثر من شهر و الجهاز غير موجود و تم الاتصال اليوم وقالو احنمال يكون موجود كمان اسبوعين فهل يوجد اماكن اخرى للاصلاح ؟؟

المسكله ان العربيه تحس انها مخنوقه و نقل الغيارات مش مضبوط يعنى الرابع على 3000 rpm يكون اخرو فى حدود سبعين و فيه كمان تنتيش وهيا ماشيه تحس انها عامله زى الكربراتير اللى مش مظبوط فى العربيات القديمه فهل حد واجهو المشكله ده قبل كده مع العلم انى لسه مغير بوجيهات و فلتر هوا و بستخدم بنزين 92 ؟؟

و جزاكم الله خير

**makarther** · 21-07-2015 08:57 AM

كلمت م.وائل قالى البرنامج حيجيبوه ما فيش غير توكيل القطامية و الفسطاط "توكيل أحمد عمارة" و يا ريت تتابع مع م.وائل و إن شاء الله يكون جه أو جاى قريب قوى البرنامج بيتدفع فيه مبالغ كبيرة

**makarther** · 29-08-2015 01:40 PM

ضرورة فحص بلى السيارة الأمامى
أنا لسة مغيره فى التوكيل من فترة و لقيت بلية بايشة خالص متفرولة لرداءة الصناعة و أنا لا أستخدم السيارة كتير خدوا بالكم و إحذروا
و ده جه معايا بالصدفة لإن الطنابير كنت بأبعتها تتمسح عند خراط
الميكانيكى و هو بيفك إكتشف الموضوع ده
إحذروا البلى الأمامى

**hossam_nasr** · 03-09-2015 10:49 PM

السلام عليكم
عندي مشكلة في صندوق التروس انه سرب الزيت بسبب تلف الاويلسيل و مشيت عليه فبقى يعمل صوت خشونة في كل النقلات ماعدا الرابع
الميكانيكي حط زيت بس الصوت لسة موجود ف هل ممكن الاقي جير بوكس مستعمل او دة له طقم إصلاح او في جيربوكس تاني يركب عليها
و المشكلة التانية ونة فالكرونة ف عايز كرونة تانية او بديل ليها
شكرًا مقدما

**makarther** · 29-09-2015 01:38 AM

المشاركة الأصلية كتبت بواسطة hossam_nasr

السلام عليكم
عندي مشكلة في صندوق التروس انه سرب الزيت بسبب تلف الاويلسيل و مشيت عليه فبقى يعمل صوت خشونة في كل النقلات ماعدا الرابع
الميكانيكي حط زيت بس الصوت لسة موجود ف هل ممكن الاقي جير بوكس مستعمل او دة له طقم إصلاح او في جيربوكس تاني يركب عليها
و المشكلة التانية ونة فالكرونة ف عايز كرونة تانية او بديل ليها
شكرًا مقدما

hossam_nasr
يا ريت تكلم بيجو أحمد عمارة القطامية او الفسطاط و ده موبايل مهندس وائل مدير الصيانة فى التوكيل و هو حيفيدك
01226365063