مشكلة في كنترول اوبل استرا 1600 مو 2005

**hady.aly** · 17-08-2014 02:20 AM

السلام عليكم

دلوقتي أنا عربيتي ماشية 107600 الف كم و عملت فيها شوية تصليحات، غيرت موبينة و صبابات و جوان و وش سيليندر، العربية اوتوماتيك، غيرت موبينة عشان كانت بتقطع و دلوقتي الحمد لله بقت كويسة، بس لسة فيها مشكلة انها ساعات بتبقي مكتومة اوي و لو دوتست فرامل و بنزين مع بعض الrpm مبيتحركش نهائي و لو شغلت التكييف بتبقي تقيلة جدا، اللي عرفته من خلال المنتدي و الاستاذ احمد عاشور ان كدة المشكلة في الغالب في الكنترول او ممكن حساس كاما، انا اصلا عندي العربية مسمعة حساس كاما و egr و موبيليزر، دلوقتي انا من اسكندرية و عايز لو حد يعرف يشتغل لي في العربية، تاني حاجة سعر الكنترول كام ؟! ثالث حاجة تصليحه هيجيب نتيجة ولا لا مع العلم انني صلحته مرتين؟! رابع سؤال هل الكنترول لما بغيره بحتاج حاجة تانية معاه ولا هو ليركب و خلاص؟!

انا بجد محتاج رد عشان بجد العربية قارفاني و كل المشاكل اللي فيها دي بسبب اني كنت راكنها فترة

و شكرا جدا و اسف علي الإطالة

**Hesham256** · 17-08-2014 02:51 AM

طالما سجلت حساس كامة وEGR يبقي كده أكيد كنترول...دايرة ال5 فولت بتودي ال5 فولت لحساس الكامة والEgr.
الكنترول جديد ممكن متلاقيهوش ولو لقيته ممكن يخشله في 6000 مثلاً.
شوف حاجة إستيراد بقه وانا رأيي ان الكنترول بتاعك كده مات خلاص..يإما تبعته لشركة إسمها AC Tronics بره مصر طبعاً دول بقه بيفكوا الكنترول وبيغيروه من جوه بالكامل ويبعتهولك تاني وده فيديو للبيعملوه...

http://www.youtube.com/watch?v=_qRvf2b7MDM

**hady.aly** · 17-08-2014 05:28 AM

استاذ هشام، طب الاستيراد دة بيعمل له كام و اجيبه منين في اسكندرية و ايه مميزاته و عيوبه؟!!

**Hesham256** · 17-08-2014 08:46 AM

المشاركة الأصلية كتبت بواسطة hady.aly

استاذ هشام، طب الاستيراد دة بيعمل له كام و اجيبه منين في اسكندرية و ايه مميزاته و عيوبه؟!!

والله يا باشا معنديش فكره تجيبه منين من الإسكندرية بس سعره هيبقي بيترواح من 800 ل2000 مثلاً وعيوبه أنه ممكنميعدش معاك كتير وهتضطر تغير طبعاً المفاتيح والفحمةوكل ده.
و ممكن تجيبه من بره وهيجيلك جاهز...يعني هتفك الكنترول القديم وتركب الجديد وتغير الكونتاكت بالجديد وخلاص كده.

ده مثلا ب2400 بدون شحن وجمارك.

VAUXHALL / OPEL ECU ZAFIRA / ASTRA Z16XE FULLY PROGRAMMED ECU KIT 09364499 | eBay

**ashourashour** · 17-08-2014 09:11 AM

المشاركة الأصلية كتبت بواسطة hesham256

والله يا باشا معنديش فكره تجيبه منين من الإسكندرية بس سعره هيبقي بيترواح من 800 ل2000 مثلاً وعيوبه أنه ممكنميعدش معاك كتير وهتضطر تغير طبعاً المفاتيح والفحمةوكل ده.
و ممكن تجيبه من بره وهيجيلك جاهز...يعني هتفك الكنترول القديم وتركب الجديد وتغير الكونتاكت بالجديد وخلاص كده.

ده مثلا ب2400 بدون شحن وجمارك.

vauxhall / opel ecu zafira / astra z16xe fully programmed ecu kit 09364499 | ebay

حلو موضوع ال5 فولت الريفرنس .

مش هتحتاج تغير لا مفاتيح ولا فحمايه ولا ايوبليزر

هتجيب كنترول استيراد و طبعا هيكون عليه سيكيوريتي كود عربيه تانيه

صابر عنده جهاز بيسحب السيكيوريتي من على الكنترول وبكدا هيتعمله ريسيت وتدخله سيكيورتي عربيتك ودور على طول