الموضوع: انا بس اللى بفهم و طظ فى كل الناس

فعلا الناس دى مستفزة جدا

المشاركة الأصلية كتبت بواسطة SE_coralsea

بتهيألي الضرب مع الجاز الوسخ هايكون اكتر شرا

كده سعر الجاز اللى موش نضيف هيولع (موش عارف المشرف هيزعل من الجاز ال---- ولا ايه نظامه)

المشاركة الأصلية كتبت بواسطة human12

فيه ساعات الشارع بيكون رايح جاى و بيعدى يدوب سكه للى رايح وسكه للى جاى و عربيه راكنه يمين وعريه راكنه شمال
بيكون الوضع مقبول لغايه ماييجى انسان شايف انه اهم من كل الناس و ربنا اصطفاه عن باقى الخلق و يقف صف تانى يقوم طبعا موقف حاره من الشارع و يشتغل الشارع على حاره واحده واحد يعدى اللى رايح وواحد يعدى اللى جاى وهاكذا
يترتب عن ذلك انسداد الشارع فى مرحله ما بسبب حد ضغط فى عنق الزجاجه من اللى جاى قصاد واحد من اللى رايح و طبعا كل واحد وراه عربيات و موش هيعرف يرجع
الوضع ده بيحلو ولاد الحلال ومافهوش موشكله كبيره
الموشكله بقى فى الاستاذ اللى بيكون ماشى فى الطابور ويلاقى الطابور ماشى و يقوم حادف شماله وماشى فى الحاره اللى راجعه مثلا و قافل الطريق قصاد اللى راجع و هوببببههههههههه الشارع قفل تماما عشان هو اول ما يعدى موش فى حارته سرقه يعنى بقيه القطيع بيعدى وراه
انا اول ماشوف المنظر ده ببطل العربيه وافكر انزل اديله كلمتين ولا ايه عشان النوعيه ديه من الناس فى العموم موش شايفه ان فيه ناس تانيه عايشه فى كوكب الارض المفروض يحترموهم

ده برضه زى فى الاشاره لما يكون فيه تفريعه مثلا شمال او يمين قبل الاشاره على طول و تلاقى سبع الفلا و جهبز الجهابيز و مكتشف الحضارات يجرى جنب الناس اللى واقفه عشان يروح من ناحيه السكه اللى الناس سايباها عشان اللى داخل شمال او يمين و موش مكمل مع الاشاره و يكون النتيجه انه قفل الفتحه ووقف وراه ناس ماكانش ليها انها تقف عشان دماغ سعدته اللى هى بتفكر احسن من الناس كلها

ارحمنا يا رب

*****
لا أجد تعليق أبلغ مما كتبتة في توفيعك ((لكل داء دواء الا الحماقه اعيت من يداويها ))

المشاركة الأصلية كتبت بواسطة gemino

انسان يحمل نفس الجنسية و مولود فى نفس المكان اللى اتولدنا فيه .....بس هو فى فردة جزمة فى راسه و احنا الحمد لله عندنا مخ

طب والحل ايه؟
هنفضل سايبين ابو جزمه فى مخه تاعبنا كده على طول ولا ايه

المشاركة الأصلية كتبت بواسطة karim_monir

سيادتك انا نص خناقاتي في الشارع بسبب الحركة دي
بس اكتشفت حركة ظريفة جدا جدا
واحنا ماشيين في الطابور ده لو لمحت واحد منهم جاي بالمنظر ده اقوم كاسر قافل الحارة دي بنص العربية وحاجز مكاني في الطابور بتاعي بالنص التاني
يجي البية عمال يكلكس ويزمر ويخبط ويرزع ويقلب نور اقولوة انت مش احسن من عشان تعدي قبلي وكمان هاتدخل في الدور قبلي لان واحد غلبان هايوسلعك تدخل قدامة عشان الشارع يمشي
لو كتر في الكلام هانزل افلق دماغه
او اقفل الازاز واشغل التكييف واسيبة يولع بجاز

ده الناس كلها شايله من الحكايه ديه
فمره كنت فى الاشاره اللى قبل روكسى و جه واحد كبير بميرسيدس عمل الحركه ديه وانا داخل على نادى هليوبليس
الراجل كان شاكله محترم ماكنتش عارف اعمله ايه زمرتله و هو بصلى ولا اكنى موجود قمت لما الاشاره فتحت جيت جمبه ابل ماخوش و سقفتله بايدى برافو
الراجل قعد يتشال و يتحط و يشتم فتحت الازاز وقلتله العيب على اللى سابك توصل السن ده من غير ماتتعلم زوق السواقه او الادب
هو تقريبا وشه احمر انا مشيت بس هو فى المرايه كان عمال يتنطط و بيشتم اكيد

موش كل مره بعرف ابقى هادى كده