انا بس اللى بفهم و طظ فى كل الناس

**Chicco** · 22-10-2008 06:15 PM

عن غرائب و عجائب الشارع المصري حدث و لا حرج

أغرب ما رأيت في زيارتي الأخيرة ديه ....معركة بتحصل في مصر اسكندرية الصحراوي عند منطقة الفنادق قرب ميدان الرماية

القادمين نحو ميدان الرماية اكتشفوا تخريمة من خلف الفنادق ترحمهم من لعنة ميدان الرماية و توصلهم لشارع فيصل ......عشان يوصلوا ليها لازم يقطعوا الطريق عرضيا على القادمين في اتجاه الأسكندرية

أي شوية زحمة و الموضوع بيقلب بتعشيقة زجزاجية من بتوع كل عربية واقفة في اتجاه شكل و العربيات اللي حواليها كل واحدة في اتجاه تاني خالص ....أكيد عارفين أنا باتكلم على إيه

الجميل بقى إن الباشاوات السوبر اياهم لما يلاقوا التعشيقة ديه بدل ما يستنوا عليها تنفك .....يدخلوا قبليها و يمشوا عكس الأتجاه عشان يدخلوا الفتحة قبل الناس اللي ماشيين في الاتجاه المضاد ما يوصلوا .....طبعا النتيجة إن أول ما التعشيقة تفك شوية بتلقي نفسك وجه لوجه مع ناس جايين قدامك عكس الأتجاه و منهم مقطورات و نقل و ميكروباصات و اوتوبيسات و ملاكي .......تعمل إيه لو كنت مكاني

**aif** · 22-10-2008 07:45 PM

المشاركة الأصلية كتبت بواسطة Chicco

طبعا النتيجة إن أول ما التعشيقة تفك شوية بتلقي نفسك وجه لوجه مع ناس جايين قدامك عكس الأتجاه و منهم مقطورات و نقل و ميكروباصات و اوتوبيسات و ملاكي .......تعمل إيه لو كنت مكاني

بسيطة اوي اوي .....
اطلع على تورونتو ..... يا عدوله

**Karim_Mohy** · 22-10-2008 11:32 PM

w el fekra en fe nas akher ma btezha2 bta5od elet el adab wel baltaga wenta saye2 el hal el waheeed ...we el zooo2 rah feen ?

**tarekkasaby** · 23-10-2008 12:33 PM

فعلا معاك حق اللفه دى مشكله والشارع الخلفى ده اسمه شارع حدائق الاهرام "ده اسم الشارع مش المنطقه"
المصيبه بقى ان الناس بتعمل الحكايه دى بليل و طبعا الطريق ضلمه
وربنا يستر علينا

**Ahmed Selim** · 23-10-2008 09:41 PM

ده الللى بقابله كل يوم......

الأسهم باللون الأحمر دى الناس اللى ماشية عكسى أو ماشية أقصى اليمين وهى داخلة شمال

فى حد عنده تفسير ؟

**Ahmed Selim** · 23-10-2008 10:10 PM

المشاركة الأصلية كتبت بواسطة Chicco

ما فيش تفسير عقلاني يا أحمد باشا ......استهبال على فهلوة على بلطجة على فوضي .......الكوكتيل اللي سائد في الشارع المصري ....للاسف الشديد

المهم أنهم كده بيوقفو الشارع زيادة.....وبيحصل الكلام ده كل يوم لدرجة انى قربت أحفظ اشكال الناس و عربياتهم :D

الجديد بقى أن النهاردة كان فى 2 عساكر واقفين فى الحتة اللى على يمين الصورة عشان يمنعو الناس اللى جاية على اليمين أنها تدخل شمال.........بس على مين.....أتخانقو مع العساكر وكانو تقريباً هيدوسوهم عشان يعدو عكسى !!!!!!!!!

حسبى الله ونعم الوكيل

**Ahmed Selim** · 23-10-2008 11:31 PM

ربنا يرحمنا منهم

الموضوع: انا بس اللى بفهم و طظ فى كل الناس

LinkBack

أدوات الموضوع

عرض

-

-

-

-

-

المواضيع المتشابهه

من اللى بتعملوه في الناس ...!!!

هو فين الناس اللى معاها i30 !!!!!!!

الناس اللى سهرانه زي حالاتى

الناس اللى بتفهم بس

الناس اللى بتسال ليه الناس لسه بتنزل التحرير , هما فاضيين و لا ايه

الكلمات الدلالية لهذا الموضوع

المفضلات

المفضلات

ضوابط المشاركة