فابيــــا 2001 بتنتش

**mohamed elkady** · 20-08-2014 12:44 AM

صراحة معرفش موضوع جوان واحد ولا اتنين دى ... الفكرة كلها انه بعد ما ظبط الوش السيارة مشيت شوية ولما رجعلته قالى تاكيهات واكتشفت انه ركبلها بوجيهات سيارة كامرى وقالى امشى بيها عادى ... وبرده بتقطع ... هرجعله بيها تانى ان شاء الله اما اشوف اخرتها معاه ... المشكلة الاكبر انه انا فى الرياض والعربية مش منتشرة نهائيا وعلشان تجيب قطعة غيار الموضوع مكلف وصعب جدا ... الله المستعان ..البشمهندس احمد شكله حاسس بيا .. شكرا ليك يا احمد البنا وشكرا للهندسة

**EngAhmedSayed** · 20-08-2014 12:48 AM

المشاركة الأصلية كتبت بواسطة mohamed elkady

صراحة معرفش موضوع جوان واحد ولا اتنين دى ... الفكرة كلها انه بعد ما ظبط الوش السيارة مشيت شوية ولما رجعلته قالى تاكيهات واكتشفت انه ركبلها بوجيهات سيارة كامرى وقالى امشى بيها عادى ... وبرده بتقطع ... هرجعله بيها تانى ان شاء الله اما اشوف اخرتها معاه ... المشكلة الاكبر انه انا فى الرياض والعربية مش منتشرة نهائيا وعلشان تجيب قطعة غيار الموضوع مكلف وصعب جدا ... الله المستعان ..البشمهندس احمد شكله حاسس بيا .. شكرا ليك يا احمد البنا وشكرا للهندسة

يا حبيبى و له يهمك
انا بس عاوز اعرف الموضوع هو الموتور جاب وش سليندر من عيب سخونة صح
طيب ممكن تشرحلنا اية اللى حصل
و غير كدة لو احتاجة حاجة فى قطع الغيار
ممكن تقولى و اشتريهالك واشحنهالك للحد عنوانك
انا كنت ساعت بعمل كدة مع صحابى اللى كان ساكن فى الوادى الجديد
كان يقولى و انا اجيبهالو و ابعتهلو مع سواق سوبر جيت
ربك المستعان

**EngAhmedSayed** · 21-08-2014 05:57 PM

المشاركة الأصلية كتبت بواسطة mohamed elkady

طيب تمام يا هندسة ... يعنى كدة قربنا نحل موضوع قطع الغيار ان شاء الله .. بس هل شحنت الرياض قبل كدة ولا نفس العملية الشحن اى مكان سهل ؟؟؟

ما علينا انت عارف انه الموتور لما جاب وش سليندر جابه بسبب السخونية وبعدين الميكانيكى ظبط الوش وخرط اللى مش عارف ايه وسيخ الريدياتير وامن على دورة المياه والحمد له ظبطها بعد ما لدع 1500 ريال
مشيت من عنده بعدها بكام يوم وانا ماشى الاقى لمبة الزيت بتنور لوحدها وتشتغل شوية وبعدين تفصل قولت مش مشكلة ... امنت على الزيت تانى يوم لقيته تمام !!!!!! بعدها لقيت العربية بتنتش منى وانا طالع بيها مش عاوزة تنجز خالص ولا اولانى ولا تانى وسحبها زى الزفت مش راضية تمشى ولا بسرعة الغيار ولا بغيره رجعتله تانى قالى السيارة عاوزة ديسك وهتلاقيها بتجرى لوحدها ولا هتنتش معاك بعد ما ظبط التاكيهات والامور تمام مشيت بالعربية شوية وبعدين رجعت تنتش تانى ... قولت مش مشكلة بقى اركب الديسك وخلاص ويبقى كدة خلصت من الجزء بتاع الماكينة مؤقتا وهتبقى اخر حاجة اصرف فيها على السيارة لو مظبطتش رميها فى التشليح وخلاص هوا انا ناقص كل يوم 1500 - 1200 المهم الميكانيكى اخد العربية يومين وركب الديسك وظبط الدبرياش ...
دلوقتى دواسة الدبرياش بقت اسهل والعربية وهيا بتطلع تحس انها عاوزة تجرى بس برده بتنتش !!!!!!!!!!!!! وهيا ماشية. بتطلع الكوبرى بالعافية ويا سلام لو مشغل التكييف وقعتك سودا ومش هتطلع

.. كمان مؤشر البنزين فى العداد بيرقص وبيدى قراية مش صح .. مش عارف ده من ايه ده كمان ؟؟؟!!!!!!!! وهوا المفروض اغير زيت الجير بوكس ولا اعمل ايه .. للاسف خبرتى محدودة ومش عارف اتصرف بمعلمة ... بس ان شاء الله هتعلم برده

صديقى العزيز بخصوص الشحن dhl مخلتش حاجة و نفسك فيها فا متقلقش
تروحلك فى اى مكان