الموضوع: اكذوبة ضعف تكييف الفيكترا بى

المشاركة الأصلية كتبت بواسطة ayman hamdy

عادى جدا ليه هقول لحضرتك ممكن حضرتك تستغنى عن فلتر التكييف نهائيا وذلك عن طريق تشغيل التكييف وعدم فتح بوابات الهواء الخارجى فيعمل اعادة تدوير الهواء الموجود داخل كبينة السيارة دون الحاجة لفلتر التكييف لان مفيش هواء جاى من برة لتنقيته
فانا رديت على كلامك ان[ الفيرنا مفيهاش فلتر تكييف اساسا] انا استغربت وقولت [ انا شخصيا معرفش انها مفيهاش فلتر تكييف ]فربما يكون لها تصميم تاتى بالنسبة لبوابات الهواء وانا معرفش ! ومفهاش زر فتح بوابات الهواء الخارجى recirculation
اما بالنسبة لموضوع التعقيد دا حاليا موجود فى 90 % من السيارات الحديثة وهتزيد تعقيد فى المستقبل كمان ولازم متخصصين هما اللى يشتغلو فى السيارات الحديثة دى من هنا ورايح ومش اى حد هيقد يحط ايده فيها حضرتك بتتكلم على عربية كورى بتكنولوجيا بسيطة جدا مش عربية المانى فيها كم من التنكولوجيا لا يعد ولا يحصى
اما بالنسبة مين بيعمل صيانه لتكييف الفرنا ؟ طبعا لازم صيانة وان كانت بسيطة بطبيعة الحال لبساطة ضفايرها وتكنولوجياتها
بالنسبة لضفيرة الموتور طبعا لها تأثير على كفائة التكييف لان زى ما حضرتك عارف التربيل سويتش بتاع الضغط متصل اتصال مباشر مع كمبيوتر الموتور ولو فى اى خلل فى التوصيل دة هيخلى الكمروسر ميفصلش خالص ويضعف وويستهلك بسرعة وادائه يقل مع الوقت وهيفضل شغال على بطال سواء الضغط عالى او واطى نتيجة التعديلات اللى بيعملوها فى الضفيرة واحيانا كتير بيلغوه خالص ويعدل فى الضفيرة ويفضل شغال على طول ودا اكبر غلط على اداء الكمبروسر مستقبلا
اما بالنسبة لمروحة السربنتينة مش هى بس اللى بتأثر على اداء التكييف مع العلم انها مرتبطة بسويتش الضغط التانى اللى بيشغلها ودا لو بايظ او متشال ومتعدل فى الضفيرة هيأثر على اداء الكمبروسر ولكن فى حاجات تانية وكلها مرتبطة ببعض بتأثر على اداء التكييف مع الوقت بطريق غير مباشرة مش بس مروحة السربنتينة لانها منظومة واى خلل فيها هيأثر على اداء التكييف
تفتكر ان تكييف الفيكترا اول مانزلت كان ضعيف ؟ اشك لانه مع الفتى اللى اتعمل فيه وصل للحالة المتدنية دى
اما بالنسبة لسويتشات الضغط ازى ملهاش اى دعوة بكفائة التكييف ؟
سويتشات التكييف واحد منهم مسؤول عن تشغيل المروحتين على 3سراعات مختفة حسب كتلة ضغط الفريون داخل ماسورة الضغط العالى و لو ظيفة تانيةخفية وهى انه بينظم درجة حرارة الموتور ودرجة حرارة الفريون عند تشغيل المراوح حسب ضغط الفريون ودا بيزود اداء التكييف وعدم اجهاد الكمبروسر ودا لما بيتشال بيتعدل فى الضفيرة بتاعت المراوح علشان يشغل فقط مع السويتش الرصاصى وبيفقد التكييف الوظيفتين السابقتين
اما السويتش الثانى التريبل سويتش فدا بينظم اوقات تشغيل الكمروسر حسب ضغط الفريون داخل ماسورة الضغط العالى لاعطاء احسن اداء للكمروسر وتريحه والمحافظة عليه من زيادة الضغط او نقص الضغط داخل ماسورة الضغط العالى وكدة بيحافظ على احسن اداء للكمبروسر
اما بالنسبة لمكان مواسير التكييف وقربها من فرن الشكمان فدة من وجهة نظرى عدم توفيق فى التصميم وله تأثير بسيط جدا على الاداء وانا مازلت اقول لو التكييف مضبوط وسليم هيبقى ثلاجة وعن تجربة
تحياتى يا هندسة

موضوع فلتر التكييف:

انا لما قلت الفرنا من غير فلتر تكييف دا باكد بيه ان الفرنا اللي مفهاش فلتر تكييف اصلا تكييفها احسن من الاوبل ابو فلتر والعربيتين في نفس الجو والتراب و كلنا اصلا بنقفل البوابه.

موضوع التعقيد:

لامؤاخذه العك مش التعقيد بتاع شويتشات و كتاوتات وضفاير التكييف بتاع الفكترا بي اصلا مش موجود فالاحدث منها الفكترا سي ولا الاسترا اتش مفيش الكلام ده خالص
الموضوع بقى ابسط من البساطه يعني في pressure transmitter بيبعت اشاره analog لكنترول الموتور عشان يعمل بيها كل protections و الكمبرسور ليه كتاوت واحد بياخد اشارته من كمبيوتر الموتور و المراوح بتاخد اشارتها مباشره من كنترول الموتور طبعا عن طريق ريليهات ... فبص متقوليش اللي جاي اعقد التعقيد بيكون في التحكم في البوابات والفلابارز و حساس الشمش والديوال زون و الحركات اللي جوا الصالون اللي ملهاش دعوه باساسيات التكييف !

التكنولوجي فالتكييف مش في الاساسيات زي ما قلتلك لا بتكون في الرفاهيه في الصالون في ال auto climate control unite


صيانه تكييف الفرنا : ولا الهوا نفسي ملاكها يشتركوا معانا فالحوار .. انا كنت من ملاكها

ضفيره الموتور: ايوه الكمبرسور بياخد اشارته بالمرور على كنترول الموتور و لو لغيت الموضوع ده بيقلل عمر الكمبرسور (ليا تعليق عالموضوع ده في النهايه )

الكمبرسور يا شغال يا مش شغال !!! ملوش درجات (موضوع انك تدوس بنزين يسقع اكتر الكمبرسور ده كل سنه وانت طيب )

كل السويتشات اللي بتتكلم عليها دي كل اللي مطلوب منها ببساطه شديده تبرد السربنتينه و تفصل الكمبرسور لو ضغط الفريون زاد او قل مش اكتر من كدا



واخيرا


هاتو كمبرسور جديد و شغلوا المراوح كلها بجمبر على اعلى سرعه و نضفوا التلاجه و ظبطوا شحن الفريون على كلامكم التكييف هيكون تلاجه ( محدش يقولي منظومه التكييف هيكون ناقصها حاجه بالوضع ده )

وهاتوا عربيه فرنا عامله 100 الف كم و شغلوا تكييفها وقارنوا بين الصالونيين


انا مركبتش عربيه اوبل في حياتي (مش هقول قد اه ) وكان تكييفها تلاجه .. تلاجه ده مصطلح كبير قوي على فكره و الموضوع فالاخر نسبي يعتمد على تجاربك مع التكييفات في عربيات مختلفه


تاني تكييف الاوبل مش وحش .. لا تكييف كويس و محترم خصوصا من اول الفكترا سي والاسترا اتش ... مع احترامي للجميع مش تلاجه نهائيا

ومواسير التكييف ليها عامل كبير جدا جدا جدا


انت بتقارن بعربيات اه يا ايمن ؟ يعني قولي عربيه بعينها بلاش كلمه كوري او ياباني

انا مشكلتي اني مش بتحيز للحاجه اللي بمتلكها سواء عربيه او غيروا الواحد بيقول اللي ليه واللي عليه والمميزات والعيوب


دواير سويتشات التكييف والمراوح عايزه موضوع لوحدها تلات اربع صفح عشان نتكلم عنها بالتفصيل

وتحياتي ليك والجميع

المشاركة الأصلية كتبت بواسطة Hesham.H

طيب لو المنظومه كلها سيئه فى الاوبل يا هندسه تفسر بإيه ان عربيات فكترا تكيفيها تلاجه ؟؟

مهوا انا معترض على كلمه تلاجه بس مش اكتر قولي تكييف كويس و بيسقع اقولك تمام بس تلاجه ! دا رايي مع احترامي لاراء الجميع

ومش بكدب اللي بيقول كدا ... ابدا والله وربنا عالم بالنوايا ..

يا جماعه والله في ناس بتقول عالفيرنا عربيه ثابته

وواحد ناس بتقول النيسان صني الجديه السرعه الامنه لحاد 170 كم .. بجد مش بهزار ( بتوع قسم نيسان هيظبطوني دلوقتي )

التكييف اللي فالفيديو ده تلاجه ! هو دا التلاجه بقى ! في عربيه فكترا فيكي يا مصر تكييفها زي اللي فالفيديو ده ؟ لو في يرفعلنا فيديو وانا اعترف بغلطي على طول واتاسف للفكترات كمان

المشاركة الأصلية كتبت بواسطة Abdo Taha

ايوة فعلا عندك حق في عربيات فعلا يتقال على تكيفها ثلاجة عربية زي ال fortuner دي تلاجة مبعنى الكلمة و متستحملوش ، تكييف كورولا من سنة 2002 لحد ال 2006 و 2007 ثلاجة لكن مثلا من اول الجنوب افريقي تعبااااان
مش اي تكييف يتقال ثلاجة و فعلا على حسب العربيات اللي الواحد ركبها بس بالنسبة لعربيات كثيير ركبتها اقدر اقول ان تكييف الفيكترا سي كويس جدا جدا بس الميزة في الفيكترا سي توزيع الهواء حلو عن الكورولا ال 2004 اللي كانت معانا