ازيكم يا رجالة

انا حصلى موقف بايخ وعاوز اخد رأيكم فيه

اول امبارح كنت فى بنزينة التعاون اللى فى السيوف
دخلت لقيت البنزينة زحمة شوية وقفت ورا طابور ال 92 (دة كان فكرى فى البداية)
فى العادة انا متعود انزل واراقب العامل وهو بيحط وكدة علشان ميلعبش بديله فى حاجة

بس كنت تعبان اوى فكسلت انزل وقلتله من الازار فول العربية يا عم الحج

المهم خلص وبدور العربية بقوله كام وانا شايف الرقم على الشاشة لكن مش مجمعة
انا قريته 80 لكن لقيته بيقولى 50 جنية يا استاذ
قلتله يا عم ازاى العربية مكنش فيها 10 لتر على بعضيهم هو انت مفولتهاش ؟
قالى مفولها للاخر والله يا استاذ انزل شوف
قلت انزل ابص لقيته فعلا 50 جنية لكن بنزين 80 اللى حسابة 1.60 قرش للتر

طبعا اتنرفزت عليه وقلتله انت بتستعبط فى صنى فى الدنيا يتحطلها 80 انت عاوز تبوظ العربية

قعد يقولى انت مقلتليش بنزين اية ومفهاش حاجة والناس فضلت تقولى متقلقش يا استاذ ان شاء الله مش هيحصل حاجة من مرة وجم باقى العمال كل واحد بكلمه

اللى يقولى والله دة بيفول 80 اوكتافيا واوبل
والتانى يقولى حط البتاع اللى بيعلى رقم الاوكتان
وواحد تانى يقولى حط منظف رشاشات

اتضايقت جدا وفكرت ادخل اشتكى لمدير المحطة واطلب تفريغ التنك ويحطلى 92
قلت فى نفسى كبر دماغك ومجتش من مرة
فضل العمال يقنعو فيا امشى علشان الناس ورايا وانا سادد السكة ، المهم فكتنى منهم ومشيت وانا متنرفز بس كنت ماشى على مهلى اوى ومش بحرق خالص على اى غيار

بس الغريب انى مش حاسس باى حاجة غريبة
العربية ماشية عادى بتجمع كويس يمكن اقل حااجة بسيطة اوى من 92 لكن مازالت مقبولة
بجيب بيها فوق ال100 بسهولة وماشية عادى ولا فيه كركره ولا تسقيف ولا اى اصوات غريبة فى الموتور حتى مع التكييف

السؤال هنا

هل فى ضرر على العربية من التفويلة دى
وهل استخدام 80 مضر للصنى فعلا
ولو هو مضر لية انا مش حاسس بحاجة والعربية حتى الان عادية
مع العلم انها موديل 2013 شكل قديم ماشية 7 الاف كيلو