الموضوع: وصلة كتاوت جاهزة لتحسين الإضاءة

أستاذ عادل

وأنا بعمل متابعة للوصلة اللي لسة ماجتشي لحد دلوقتي لقيت الرسالة دي على موقع الشحن:

The item was scanned in the country of destination Egypt at Sep 17, 2014. Unfortunately the tracking and tracing of the destination country does not offer a data interface with the tracking and tracing of Deutsche Post AG. Further information may be provided by the website of the country of destination.

أعمل إيه ؟؟؟

المشاركة الأصلية كتبت بواسطة midon1

بص ياباشا . علشان انا اخدت في الحوار ده سنه كامله
انا دورت كتير علي الوصله دي في مصر ومعرفتش اوصل لها . وكان حد وعدني يجيبها في المنصوره هنا (محل يعني ) وفضل يقولي الشحنه لسه موصلتش ييجي شهر . المهم سألت عن حوار الكتاوت ده ولقيت فعلا فيه عك كتير . لحد ما قالولي علي كهربائي هنا في المنصوره . اشطرهم علي الاطلاق . فعلا عبقري . انت علشان توصل له اساسا بيبقي ادامك طابور ييجي 15 عربيه ومن الساعه 10 الصبح . الله يباركله

قام بعتني اشتري كتاوت مرسيدي الماني 5 رجل . اول مره كنت اشوفها واسمع عنها . واستغربت في نفسي كده لانه غير اللي مكتوب علي النت تماما .

المهم جبتهم وفتح علبه الفيوزات وهو عمال يتكلم مع الناس كان شغال بايده من غير ما يبص . وبعد 20 دقيقه لقيته بيقولي تمام ياباشا .

كان لازق الاتنين كتاوت في بعض مش ماشيين علي جوان العربيه زي ما سمعت . وكانوا 5رجل مش التركي اللي قالوا عليه . ومستخبيين في علبه الفيوزات اللي محدش بيفتحها اساسا .


بالنسبه لللمبات بقي . جربت النيرفا والتنجسرام ونوع الماني كمان مش فاكر اسمه . احسنهم التنجسرام لكن اتحرقت مني بعد كام شهر .

اخر حاجه بقي جبت لمبات فيليبس رالي اتش فور ( اقواهم علي الاطلاق ) وانضفهم . شحن من القاهره . والحمد لله تمام التمام . واي حد بيفكر يلعب معايا علي الطريق . ساندي بتدلعه وبتعض في اي عربيه انشالله تريللا .


بس . دي قصتي مع كشافات السانديرو

ربنا يباركلك والله على نقل التجربة بكل أمانة وتفصيل

حضرتك راجل محترم قل وجود مثله في هذا الزمن

بالنسبة للوصلة الجاهزة أنا إشتريتها خلاص وقربت تيجي - هيا بتاخد شهر بالظبط عشان توصل

طبعاً الحوار اللي الكهربائي عملهولك دة تحفة وأنضف مليون مرة من عك الصنايعية التانيين بس نجيبه منين بس في القاهرة - ياريت لو حد يعرف عبقري زيه هنا يقولنا مكانه

بالنسبة للمبات أنا إشتريت التنجسرام ومستني بس الوصله توصل وهاروح لكهربائي يركبلي الدنيا دي وبالمرة يشوفلي حل لأن النور عندي ضارب في الأرض بصورة غبية ورجلاش الفوانيس الخارجي بايـــــــظ

شكراً لمساهمتك مرة أخرى

الوصلة لسه ماجتشي لحد دلوقتي
شاريها من يوم 28/8 تخيلوا

أخيراً وبعد طوووووووووووول إنتظار الطرد جيه النهاردة وإستلمت الوصلة

رايح أركبها بإذن الله

شكراً لكل الناس اللي ردوا عليا وساعدوني خصوصا أ. عادل إدريس

المشاركة الأصلية كتبت بواسطة midon1

بص ياباشا . علشان انا اخدت في الحوار ده سنه كامله
انا دورت كتير علي الوصله دي في مصر ومعرفتش اوصل لها . وكان حد وعدني يجيبها في المنصوره هنا (محل يعني ) وفضل يقولي الشحنه لسه موصلتش ييجي شهر . المهم سألت عن حوار الكتاوت ده ولقيت فعلا فيه عك كتير . لحد ما قالولي علي كهربائي هنا في المنصوره . اشطرهم علي الاطلاق . فعلا عبقري . انت علشان توصل له اساسا بيبقي ادامك طابور ييجي 15 عربيه ومن الساعه 10 الصبح . الله يباركله

قام بعتني اشتري كتاوت مرسيدي الماني 5 رجل . اول مره كنت اشوفها واسمع عنها . واستغربت في نفسي كده لانه غير اللي مكتوب علي النت تماما .

المهم جبتهم وفتح علبه الفيوزات وهو عمال يتكلم مع الناس كان شغال بايده من غير ما يبص . وبعد 20 دقيقه لقيته بيقولي تمام ياباشا .

كان لازق الاتنين كتاوت في بعض مش ماشيين علي جوان العربيه زي ما سمعت . وكانوا 5رجل مش التركي اللي قالوا عليه . ومستخبيين في علبه الفيوزات اللي محدش بيفتحها اساسا .


بالنسبه لللمبات بقي . جربت النيرفا والتنجسرام ونوع الماني كمان مش فاكر اسمه . احسنهم التنجسرام لكن اتحرقت مني بعد كام شهر .

اخر حاجه بقي جبت لمبات فيليبس رالي اتش فور ( اقواهم علي الاطلاق ) وانضفهم . شحن من القاهره . والحمد لله تمام التمام . واي حد بيفكر يلعب معايا علي الطريق . ساندي بتدلعه وبتعض في اي عربيه انشالله تريللا .


بس . دي قصتي مع كشافات السانديرو

بصوا يا جماعة

أنا حبيت أكتب المشاركة دي عشان أنصح الناس لوجه الله لأني إستفدت كتير من المنتدى دة

الحوار اللي المكتوب فوق دة سألت عليه الكهربائي اللي رحتله وطلع كارثة وغلط جداً - اللي حصل إن الكهربائي غير الكتاوت الأصلية بواحدة تانية الأمبير بتاعها أعلى ولكن سيضل تخانة سلك التوصيل رفيعة وماتستحملشي جهد اللمبة الأعلى فمكن تسيح فالأحسن كتاوت أعلى بوصلات جديدة.

اللهم بلغت اللهم فاشهد