عشاق ال127

**h-g-a** · 04-03-2013 02:20 PM

وانا كمان

**hk1960k** · 02-04-2013 12:48 PM

السلام عليكم ورحمة الله وبركاته
انا عندى 127 موديل 82 وحالتها كويسة جدا كمان الموتور معمول له عمرة وجيد بنسبة 95% والسعة 900 سى سى وعاوز اسأل اذا كان اى احد من الاعضاء يعرف ممكن يتركب لها تكييف ولا لأ مع جزيل الشكر والاحترام

**aliyehia** · 23-04-2013 09:01 PM

سيدى الفاضل
نظريا اى عربيه ممكن يركب لها تكييف طالما فيه مكان في الحوض للكباس و السربنتينه و فيه مكان في صالون السياره للمكثف و المروحه
لكن عن تجربه انا كان معايا ماروتى و ركبت لها تكييف و كانت النتيجه كالاتى
عند تشغييل التكييف تحس انك ماشى و محمل 4 انفار كبار في العربيه
في الايام شديده الحراره +38 درجه و و انت واقف في اشاره التكييف زى عدمه
و انت ماشى في طريق مفتوح وبتجرى يبقى الهواء بتاع التكييف لطيف ( مش بارد)
لو الجو حر على خفيف ساعتها تفتكر انك مركب تكييف و لو فتحت الشباك يكون افضل
من الاخر طالما موتور العربيه مش مجهز انه يركب له تكييف من الاساس و سعته اقل من 1300 يبقى بناقص تجربه ممكن تندم عليها
انا شخصيا حاطط على الكراسى عراقات عباره عن حتت خشب متوصل ببعضه بحبال نايلون و دى بتمنع انك تنزل من العربيه و ظهرك بيشر عرق في الايام الحر

**Esam Mosaad** · 24-04-2013 01:09 PM

بقالى كذا يوم بدور على سوبر فيورا
مش عاوز اقولكم قد ايه الواحد قرفان

سؤاء من اسلوب الناس فى التعامل والكدب غير الاسعار الى مبالغ فيها بشكل غريب

ويقولك شاذه وفابريكه ومش عارف ايه وبعد مخبط المشوار الاقى العربيه عاوزه عربيه ويقولك مفيش منها اتنين
وتلت تربع العربيات راشه حوض عشان البارومه
حاجه تفقع

**hk1960k** · 24-04-2013 01:41 PM

المشاركة الأصلية كتبت بواسطة esam mosaad

بقالى كذا يوم بدور على سوبر فيورا
مش عاوز اقولكم قد ايه الواحد قرفان

سؤاء من اسلوب الناس فى التعامل والكدب غير الاسعار الى مبالغ فيها بشكل غريب

ويقولك شاذه وفابريكه ومش عارف ايه وبعد مخبط المشوار الاقى العربيه عاوزه عربيه ويقولك مفيش منها اتنين
وتلت تربع العربيات راشه حوض عشان البارومه
حاجه تفقع

بكل اسف هو ده بقى اسلوب بيع وشراء السيارات المستعملة وعلى العموم السيارات ال127 و128 وجميع الفيات انتاج حتى اواخر الثمانينات كله فيه بارومة ولو حد قلك شاذة ومارشتش تعرف انها مليانة بارومة مستخبية وعاورة شغل كتير ومكلف واللى رايح يتفرج على اى فيات مستعمل لازم يكون متوقع وعارف الكلام ده واحسن حاجة علشان الواحد مايتكلفش مشاوير كتير يتفق مع سمكرى وميكانيكى ثقة وينزل سوق السيارات ينقى ويديهم اتعابهم ويبقى مشوار واحد وتكلفة واحدة

**Esam Mosaad** · 24-04-2013 01:53 PM

الى يغيظ فعلا وانا واقف معاه يقولك مفيش بارومه خالص ولما تبص عند العجل متلاقيش كرتيره اصلا
والله الواحد بيفكر انو يجيب حاجه حتى لو راشه كارتيره بدل مجيب حاجه وارجع انا ارش
وزى محضرتك بتقول
حاجه موديل 80 يعنى اكيد فى بارومه

انا نفسى الكيا سيفيا عشان العجل ورا مفوش كارتيره بتصدى ولسه عاملها من سنه ورجعت تانى
فتخيل عربيه قديمه هيكون حصل فيها ايه
الى يدايق ان كل واحد شايف عربيته مفيش زيها اتنين

وبرضوا واحد زملنا فى المنتدى بيقولى لو عاوز عربيه انا ممكن ابعلك عربيتى بس انا اصلا مش عاوز ابعها بس لو عاوزها ماشى مفيش مشكله
بس السعر عالى لانى اصلا مش عاوز ابيع !!!

انا هقعد فتره مدورش واسبها تيجى كدا

**abuelena** · 27-07-2013 09:15 PM

للبيع فيات127 موديل 1985
السعر8500 نهاى

بالسويس
01270407783

**Diablo** · 02-10-2013 10:18 PM

هى طبعا مش 127 ومش فيات بس عشان هى حوض الــ 127 بس اكبر وعفشة 127 فقررت انى احطها هنا طبعا فيه ناس منكم مشفتش الموضوع ده فالدخول على الموضوع ده من هنــــــــــــــــــــــا

ودى اخر صورتين ليها

ودى صورة قديمة ليها من الوش والحوض والجنب

مشاهدة نتائج الإستطلاع: هل توافق على قبول فكره هذا النادى ((نادى عشاق ومالكى ال127))

الموضوع: عشاق ال127

LinkBack

أدوات الموضوع

عرض

-

-

127 للبيع -

-

المواضيع المتشابهه

شفاط ال127

س:ال127 .....؟

لخبراء ال127

مين عشاق الماذدا 3 ومين عشاق المتسوبيشى شارك.

سعر كربراتير ال127

الكلمات الدلالية لهذا الموضوع

المفضلات

المفضلات

ضوابط المشاركة