الموضوع: عشاق ال127

المشاركة الأصلية كتبت بواسطة Ahmad_Nawwara

الـ 127 عربيه معقوله جدا لوحالتها كويسه وقطع غيارها موجوده ورخيصه والصنايعيه بيفموها كويس جدا وتنفع في شوارعنا وحوارينا ولو حصل واتخبطت مش هتزعل قوي زي العربيات الغاليه . وسواء كانت ايطالي او نصر او فيورا او سوبر فيورا فهي نفس الأساسيات والأختلاف اما في الكماليات او الشكل .. توكل على الله وان شاء الله ربنا يوفقك

كذا واحد قالى انه مفيش فيورا 1300 سى سى ؟؟؟؟؟؟؟؟
وممكن تكوب حاجة اسمها (توب) ياريت اعرف التوب دا احسن ولا لا ؟؟؟؟؟؟؟؟؟
وفعلا فى فيورا 1300 سى سى ولا لا
وصاحبها قالى انها سوبر فيورا
شكرا مقدما واسف على الازعاج

شوف أخي العزيز .. المعلومات دي ممكن تفيدك بعض الشيء :
اول سيارة فيات 127 كانت في ايطاليا سنة 1971 وآخر انتاج لها كان 1983 وكانت في البداية كبديل للفيات 850 . في البداية كانت تصميم السيارة ببابين وخلفية هاتشباك بسعة 903 سم وكانت سيارة العام سنة 1972 في اوروبا واصبحت الأولى في المبيعات حتى سنة 1977 بعدها كان التحديث حيث اصبحت ذات اربعة ابواب وكما يقول الأوربيون 5 ابواب باعتبار الحقيبة الخلفيه بابا بعد تكبير حجم الزجاج الخلفي ومحرك ذو سعة 1049 سم واعيد تصميمها سنة 1983 بمحرك 1301 سم وتم تحديث الصالون والتابلوه وتوقف تصنيع ال127 في ايطاليا سنة 1983 وبدأ تصنيعها في عدة دول مثل البرازيل حتى العام 1995 وفي مصر حتى عام 1987 وقد قامت شركة سيات الأسبانية بالحصول على حق استخدام تصميم 127 من شركة فيات الأيطالية وتصنيعها على ان تضع عليها بادج شركة سيات مقابل مبلغ اعتبر ايامها خرافيا وتم التصنيع بمقر الشركة في مدينة فيورا الأسبانيه واطلق عليها اسم المدينه ثم قامت البرازيل والأرجنتين بنفس الشيء لكن اطلقوا عليها اسم فيات 147 وكان ذلك بين عامي 1976 و1985 ثم قامت شركة زاستافا اليوغوسلافية بتصنيع نفس الموديل وبعدها قامت شركة فولكسفاجن الألمانية بتصنيعها تحت اسم فيات توب ولكن الأنتاج لم يلق رواجا وقتها فقامت الشركة بقفل خط الانتاج بعد ستة أشهر فقط

وعلى فكره .... بناءا على معلومات من مهندس سيارات كان يعمل في شركة النصر أيام انتاج الـ127 أن ماكينة كل انواع ال127 والفيورا والسوبر فيورا والتوب هي نفس الماكينة المستخدمة في مصانع الـ127 في اوروب وامريكا الجنوبيه .. أيضا الكاربراتير والأجزاء الأخرى .. أي انه لم يصنع في مصر الا الأطارات والزجاج والكراسي فقط .. حتى الصاج مستورد وتم تجميع كل هذه المكونات تحت اشراف من مصانع اوروبا

شكرا جدا على كل المعلومات دى
ماشاء الله
بجد افدتونى جدا

لو سمحتو حد يفيدنى قدامى 127 توب موديل 1980 حد يقولى التوب احلى ولا الفيورا

وانا كمان من مالكى 127 توب ايطالى عربية فوق الممتازة هى اتنين باب بس ممتازة