الموضوع: الحمد لله استلمت بيجو 301 امبارح هاى لاين وعندى شوية استفسارات

الف مبروووك يا باشا

المشاركة الأصلية كتبت بواسطة abohend

دي بتعتمد على فلسفة المشتري
في واحد عايز عربية إعتمادية و معمرة.....يجيب ياباني
في واحد عايز عربية منتشرة و سهلة الصيانة و البيع....يجيب كوري
في واحد عايز ركوبة محترمة و أمان و تقفيل نضيف...يجيب أوروبي

بالنسبة لي أنا بشتري العربية عشان أنبسط في ركوبتها مش عشان أتاجر فيها أو أشغلها كمشروع إستثماري...عشان كده دايما بفكر في الأوروبي

كلامك عين العقل والله وجاب من الاخر

بس عايز اسألك سؤال قطع غيرها يا باشا موجوده ولا لأ
وبالنسبه لاسعرها ايه نظمها ؟ وياريت لو دينى مثال عليها ؟

المشاركة الأصلية كتبت بواسطة khaled_yehya

الحمد لله استلمت امبارح الاثنين بيجو 301 هاى لاين موكا وعندى شوية استفسارات يا ريت حد يرد عليا:
1- نور الشبورة الخلفى بيشتغل عندى ناحية السائق فقط والناحية اليمين لا(سالت فى التوكيل قالوا ناحية واحدة بس).
2- الكاسيت لما احط سى دى مش بيشغلها ولما اطلعها مش بترضا تطلع الا لما ادخل على الخيارات وجربت اطفى العربية مره والكاسيت مره برضه مش بتطلع الا لما ادخل على قايمة الخيارات هل العيب فى فى السى دى ولا الكاسيت.
3- لما بحط فلاشة ياخد وقت طويل لحد م يقرأ الملفات اللى عليها وبيوصل لمدة 5 دقايق فهل دا طبيعى ولا العيب فى ايه.
4-شاشة الكاسيت مقسوم نصفين نص للكاسيت ونص كمبيوتر الرحلات ومش باعرف اتحكم فى كمبيوتر الرحلات يا ريت حد يشرح ليا ازاى اتحكم فيه.
5- البلوتوث الاسماء عندى مش بتظهر على شاشة الكاسيت بتظهر ارقام فقط ايه الحل.

وشكرا ليكم

البلوتوث مشكلة مع أغلب الموبيلات و أنه سعات بيظهر إسم لمتصل أخر
التحكم فى كمبيوتر الحلات من خلال الزرار فى مقدمة ذراع المساحات ضغطة صغيرة للتقليب بين البرامج و ضغطة كبيرة لتصفير البرنامج