الموضوع: حليت مشكلتى مع الفرامل ونقص الزيت

صباح الخير يا اخوانى
طبعا لو حد فيكم يفتكر انى كنت من شهرين تقريبا وانا كان عندى مشكله فى الفرامل انها مش بتمسك على سرعه نهائى وكان عندى تسريب مستمر لزيت الباكم ومكنتش عرف احدد منين وكانت اغلب المقترحات والاحتمالات ان الماستر العلوى ضرب من الداخل وبيرمى الزيت جوه السيرفو وعشان كده مش ملحوظ مكان تسريب الزيت
وعشان بسافر كتييير نزلت اشتريت ماستر وحليت القديم وركبت الجديد لقيت الفرامل بتمسك على اول دوسه بس وباقى مسافة البدال تهرب وتشيل رجلك تانى تمسك برضه فى اول المشوار
المهم حليته تانى وقيست مسافة الاكس الداخلى بينه وبين اللى راكب لقيته مش نفس المسافه فعوضت بينهم ببليه حديد وجبت الفرق وركبت تمام جربت الفرال بقت لحد ما معقوله بس مش هيه المطلوبه
وقعدت اتابع الزيت لقيته برضه بيقل بنفس القيمه السابقه واللى زاد انها اوقات كتيير مش بتاخد غيار الا بعد تزويد الزيت وسحب هواء
فقولت اكيد دي بليه دبرياج حليت المصفحه و فعلا لقيتها غرقانه زيت
وعشان انا عرف انها غاليه جدا جدا
وبقيت محتار
عندى نسيبى واكتر من اخ ليا ميكانيكى عرضت عليه المشكله فقالى على حل مسكن بس جاب نتيجه مبهره
اللى عمله كالاتى
فك خرطوم الخزنه اللى رايح على الماستر السفلى
وفك مسمار الهوا بتاع الماستر السفلى
وسابه شويه
وبعدين ربط المسمار تانى وجاب تقريببا نقتطين زيت اكل بس مش تموين
وحطهم فى الخرطوم اللى خارج من الخزنه وركب الخرطوم تانى
وملى الخزنه تانى زيت باكم
و الحمدلله مقلش تانى من بعدها و الغيارات تمام والحمدلله
الحل ده انا عملته من فتر بس مكتبتش لانى مكنتش متوقع انه فعلا يجيب نتيجه
ولما عدت الفتره دى ومستوى الزيت مازال على ما هو عليه قولت اقولكم عشان ممكن تنفع حد مش قادر على تغير البليه فى الوقت الحالى
والله اعلم هتستمر عندى لغاية امتى
نرجع بقه للفرامل اللى تعبانى
ولانى مكنتش برضه راضى عن ادئها فقررت انى اغير aps لانى كان اغب شكى فيه نزلت لفيت لغاية اما لقيته وركبته وبفضل الله تم حل المشكله تماما ويارتنى كنت غيرته من الاول بدل التعب النفسى والقلق اللى كنت فيه والظاهر انى هغيره تانى لانه بدأ ينور تانى من يومين
بالحق
ماستر علوى 350 بضمان 6 شهور جديد(مصنعيه 000) انا اللى مركبه
aps بالتركيب عند تاجر الاستيراد 550
وهرجعله عشان اغيره
مبروك عليا وعليكم

الله يبارك فيك
انا جايبه من عند الشيخه في صلاح الدين هنا في اسكندريه
تمنه بدون التركيب 500