الموضوع: العربيه بتفضل شغاله لعد ماايطها

اللي اعرفه ان كده الموتور عالي يعني عدد لفات الموتور كبير و ده المفروض بيخللي صوت الموتور عالي عن الطبيعي و بتحرق بنزين زياده و بالتالي بتبقي محتاج تظبط الموضوع عن طريق مسمار فعلا بعد ما بتفكه شويه صوت الموتور بيهدي . المفروض الوضع بتاع دلوقتي ده عند حضرتك يبقي في الشتاء فلازم الموتور يبقي عالي علشان العربيه تقدر تدور الصبح في الجو البرد و ما تتعبكش في الدواره انما في الصيف ده يسخن العربيه و يخللي صوت الموتور عالي واستهلاك البنزين زياده. ببساطه كده لو روحت لميكانيكي و ضبط المسمار هتقدر تميز بسهوله ان صوت الموتور بقي اهدي و طبعا هو ليه ظبطه معينه لانه لو اتوطي قوي ممكن يخللي العربيه تبطل . نقطه واحده كمان محتاج تبص عليها هي حاله الكاربيراتير لانه لو فيه مشكله في البوابات او الاكس بتلاقي الميكانيكي بيعلي الموتور و قد يكون ذلك هو السبب في ان الميكانيكي بيعلي الموتور كده و لذلك ممكن توديها لميكانيكي شاطر يبص علي الكاربيراتير و اذا كان كويس يبقي يوطي الموتور وزي ما قلتلك التأثير بيكون ان صوت الموتور هيهدي و في نفس الوقت ميبقاش في رعشه في العربيه او رجه علي الغيارات البطيئه او ان العربيه تبطل لوحدها

كهربا زيادة

idle speed too high
is it carburettor or injection ??
carburettor : on the body there is cold idle adjustment screw , loosen a bit
injection : there is air screw in throttle body

moreover:

check timing from the distributor

مشكرين ياجماعه اوى هبقى اوديها لمكانيكى كويس وقولكم الدنيا

وش السلندر لو اتقشط قبل كده زيادة عن اللزوم غرفة الاحتراق بتقل والمحرك يقرب شوية لمحرك الديزل ( يحصل اشتعال بالانضغاط مش بالشرارة)
وفي سبب تاني اسهل
لو في رواسب كربونية علي البوجيه او داخل غرفة الاحتراق بتستمر متوهجة شوية بعد ما تطفي المحرك وهي الي بتسبب استمرار الاشعال ودوران المحرك
فك البوجيهات واتاكد انها نضيفة

واير الاكسراتير مفتل ومحشور فى الجراب
يعنى تدوس بنزين يزود
ولما تسيب الدواسه مش بيرجع براحته
فيفضل الموتور عالى
ويعمل الحركات اللى وصفتها
ده طبعا بعد مراجعة الكهربا وضبط مسمار السلانسيه من الكربراتير

ياجدعان نا متشكر جدا على المعلومات والنصايح دى كلها بس انا للاسف مسافر وسايب العربيه لما ارجع هبقى اوديها لمكانيكى كويس واطمنكم