مشكلة مع خطيبتي المحترمة جدا ...

**Mostafa.Mahran** · 30-08-2014 01:46 AM

الى هيتبقى من الجواز هو النسب الطيب و الاخلاق و التدين و حسن المعاملة
الباقى هينتهى فى اول كام سنة

**islam_lee** · 30-08-2014 02:03 AM

بص يا .. Dr ,,
الحريم مش بيجري في عروقهم "تستستيرون" زي حلاتنا ,,
الحريم في دمهم "إستروجين و بروستريجون" ..
و طبعاً الهرمونات دي بتخليهم "فلشي و ملفوفين و مدورين و طرايي" ..
و الكلام إلي الشيطان يجيبه و ميجيبوش في دماغك ..
الهرمونات دي يا ريس .. بتكتر في دمهم أوووووي بعد الجواز ..
ذي ما التستستيرون ما بييكتر في دما بعد الجواز و يتحول للـ DHT ..
و يتعب البنا و يشعر سدرنا و يجبلنا الصلع إلخ إلخ ,,
فا النظريه :
"تجوزها مصفصه تدور .. تجوزها مدوره تدهور" ,,
و عجبي !!

و تظل أزواء يا برنس ,,
و المحترمه بنت الناس .. لو شويه عضم في شوال ,,
ما تفرطش فيها ,,

**magdy_c_c** · 30-08-2014 02:06 AM

هههههههههه
تفسخ الخطوبة علشان رفيعة؟؟؟!!!!
من 15 سنة كنت متضايق ان خطيبتى رفيعة
دلوقتى نفسى تخس مش عارف
يا باشا الجواز و الحمل و الولادة بيخللوا الست تخينة
و احمد ربنا انها رفيعة بعد اللى قلت لك عليه هتبقى برنسيسة
و بعدين حاجة مهمة أوى ما تخليش والدتك تتدخل فى كل كبيرة و صغيرة و بعدين استخير ربنا هو الأعلم بالخير لك
و ربنا يوفقك

**أحمد كمال** · 30-08-2014 02:23 AM

مع احترامي ليك ...... هو ازاي شخص عاقل بالغ بيشتغل و بيصرف على نفسه و هيفتح بيت يخلي كلمة توديه و كلمة تجيبه ....... حتى لو من والدته ........

بر الوالدين مش معناه نسمع كلامهم عمياني في الامور الشخصية زي دي ....... هو مع احترامي بعد الزواج ...... باب اوضة النوم هيتقفل على مين مع العروسة؟ العريس و لا امه ؟؟؟؟؟؟

ما تزعلش مني ........ انا ضد ان اي ست تقول على زوجها او خطيبها انه "ابن امه" لانه بيبرها و بيسمع نصايحها ....... بس المرة دي انا شايف ان حضرتك منقاد بزيادة لوالدتك و هتتعب اي بنت تتجوزها بسبب انك هتسيب تدخلات والدتك تخش ما بينكم

كلامي كان هيختلف لو العيب اللي الوالدة شايفاه في الاخلاق او الدين او حتى النسب ...... و كان كلام صح او يستاهل النظر فيه .......

**speed_magnum** · 30-08-2014 02:38 AM

بكره تملى بعد الجواز وتتحايل عليها تخس
ولو فسخت يبقى عرفني .. اصل البنات المتدينه دي ما تتسبش في الزمن دا

**الاسد المهاجر** · 30-08-2014 03:06 AM

تجوزها رفيعه تضرب
تجوزها طخينه تضرب اضعاف
وفتلكه الحلتين هتقلك عايزة اخس
فيها واحده في الشغل عندي كانت عجباني زي الي والدتك عايزة تجوزهالك بعد لما اجوزت كام شهر لقيتها ضربت جاااامد قل ت الحمد لله اني مختهاش

معلش هوا مين. فيكم الي هيجوز انته ولا ولدتك شوف ي ولا بلاش حاول تقنع ولدتك بخطبتك افضل وبلاش تسيبها