الموضوع: أشيروا عليا ايها الناس

المشاركة الأصلية كتبت بواسطة ahmedeg1

ازيك يا فادى واحشتنى يا معلم
البيجو حلوه انا عارف بس انا عاوز اراء من ملاك الصنى انفسهم و من ملاك اللوجان الجديده انفسهم انا مش هكدب عليكم انا اخدت الولاد امبارح بالليل و اتفرجنا على الاتنين لما شافو اللوجان الجديده شبطوا فيها علشان وسعها و عجبتهم النيسان برضه
انا مش مشكله عندى التقفيل ايه لان اللوجان تقفيل مغربى انا يهمنى الاعتماديه و فى نفس الوقت السعر و استهلاك البنزين لان زى مانتا عارف الدنيا بتغلى و المرتباتهيا هيا واخد بالك انتا :)

والله انت واحشني اكتر مش معاك ان البيجو حاجتها غالية لانك لو نزلت التوفيقية هتلاقي معظم حاجات البيجو و الستروين بتركب عليها.
لكن طالما مش مستريح ليها نفسيا نصيحتي ليك متعدمتش على اراء الملاك بصفة اساسية حاول تجرب الوجان او النيسان بنفسك و شوف انهي فيهم الي يناسبك لان اراء الملاك دايما بتبقى متباينة لان في واحد بيقارنهم بالفلونس و النيو سيراتو فابلنسبله العربيتين مش حلوين و في واحد بيقارنهم بالسيارات في نفس رينج الاسعار وفي واحد يقارنهم بال128 بالنسبة له الاثنين ملاك بيرفرف و طبعا عارف موضوع المرتبات واخد انت بالك
.
و على فكرة انا كنت ناوي على اللوجان لكن مكانش عندي استعداد اشتري عربية و شكلها الجديد ينزل بعديها بسنة و يتحرق دمي و احس اني راكب عربية قدمت.
.
في النهاية اتمنى ان تكون وصلت وجهة نظري و اتمنى للك التوفيق.

المشاركة الأصلية كتبت بواسطة ahmed a rahman

انا معايا العربيتين
اللوجان مانيوال سايق عليها 140 الف
النيسان اوتو سايقها 7 الاف

ايه اللي عايز تعرفه عنهم ؟؟

أنا اول مرة اشتري عربية ومحتار جدا جدا جدا بين الاتنين وبصراحة قرأت في المنتدى عن مشاكل في فرامل الصني وكده ... طبعا انا مش فاهم في العربيات زي اعضاء المنتدى لكن بقرأ وبحاول افهم .. ياريت تفيدوني لأني فعلا محتااااار اجيب النيو لوجان ولا النيو صني ..
ياريت تفيدوني وربنا يجزيكم خير