أشيروا عليا ايها الناس

**ahmedeg1** · 31-08-2014 12:00 AM

الحمد لله استخرت الله العظيم و ربنا عليه التساهيل انا رحت المعرض اللى فى ميدان لبنان و اتكلمنا شويه عنها و بما انى حافظها من ايام الشكل السابق فكان بصراحه القرار سهل و اللى ساعد فى كده طبعا بعد الله سبحانه و تعالى ان اعضاء قسم النيسان نفسهم ما فيش حد ردعليا غير الدكتور احمد الله يبارك فيه و اللى نفسى اتقابل معاه و مع شلة اللةجان
بكرهالصبح ان شاء الله هدفع مقدمة الحجز و استنى 3 شهور انا عارف انهم ممكن يبقوا 4 او 5 مش مهم كل ما طول الفتره بالنسبالى اكون جهزت بباقى المبلغ
الله المستعان و بفكر احجز الهاى لاين و لا الكومفورت

**احمد خليفه** · 31-08-2014 02:24 AM

المشاركة الأصلية كتبت بواسطة Ahmed A Rahman

عالية زي اللوجان
More prestigious
الباور بتاعها ميا التارة باقل بصباعك تقدر تلفها
شنطتها واسعة زي اللوجان
توكيلها كويس اوي زي اللوجان او اقل شوية بسيطة
صيانة الخمسات بتاعتها بفلوس
سير الكاتينة جنزير مبيتغيرش :)
خامات التابلوه اقل من اللوجان
كرسيها اريح من اللوجان
كاوتشها هو هو مقاس اللوجان
عرض المقصورة اقل من اللوجان بسنتيمترات
ماتورها عفي استجابته اسرع من اللوجان في البداية بس اعتقد اللوجان تغلب في السرعة
ثباتها اقل بكتير من اللوجان على السرعة مع تغيير كاوتش الاثنين (لاني مركب لهم نفس الكاوتش الياباني)
فراملها زي الفل ومحصلش معايا اي حاجه بالعكس Brake assist مش موجود في اللوجان
كل حاجه في الموتور مكتوب عليها مصنوعة يوم ايه ومكانها فين
عبارة عن الهند + الصين + مصر
مفيهاش حاجه ياباني غير الفتيس حتى الموتور مش ياباني
الحزام بتاعها مداه اقل من اللوجان ودي تفرق مع اللي وزنهم معدي ال 120 زيي
عربية زنانة بنت زنانة لو مربطتش الحزام اكتر من دقيقتين بتولول
عفشتها ناشفة اوي مش زي اللوجان

في الاخر لو ادامي الاثنين جداد حشتري النيو لوجان ومتسألنيش ليه
احساس داخلي لما بكون رايح حته مكسرة باخد اللوجان
ولما بحب اتعايق باخد النيسان

شكرا لذوقك وربنا يبارك لك على ردك الجميل والمفيد

**tamer61** · 31-08-2014 12:16 PM

المشاركة الأصلية كتبت بواسطة ahmedeg1

الحمد لله استخرت الله العظيم و ربنا عليه التساهيل انا رحت المعرض اللى فى ميدان لبنان و اتكلمنا شويه عنها و بما انى حافظها من ايام الشكل السابق فكان بصراحه القرار سهل و اللى ساعد فى كده طبعا بعد الله سبحانه و تعالى ان اعضاء قسم النيسان نفسهم ما فيش حد ردعليا غير الدكتور احمد الله يبارك فيه و اللى نفسى اتقابل معاه و مع شلة اللهجان
بكرهالصبح ان شاء الله هدفع مقدمة الحجز و استنى 3 شهور انا عارف انهم ممكن يبقوا 4 او 5 مش مهم كل ما طول الفتره بالنسبالى اكون جهزت بباقى المبلغ
الله المستعان و بفكر احجز الهاى لاين و لا الكومفورت

ربنا يوفقك دايما للخير ..... وإن شاء الله تكون فاتحة خير عليك

**Ahmed A Rahman** · 01-09-2014 02:33 PM

المشاركة الأصلية كتبت بواسطة elkomyalto

اظن كده المسأله اتحسمت
ولكن لى سؤال للدكتور احمد لماذا اشتريت النيو صنى ؟؟

مشتريتهاش

دي عربية مراتي
وبما ان مراتي قعدت 8 شهور لغاية ما طلعت الرخصة , فانا اللي كنت بسوقها

**Ahmed A Rahman** · 02-09-2014 01:10 PM

المشاركة الأصلية كتبت بواسطة ahmedeg1

نفهم من كده انك مش مقتنع بالنيو صنى

بص انا مشفتش منها اي حاجه وحشة ماعدا صوت فرامل بسيط وروحت التوكيل وقالوا دا عادي في الاوتو مش هو الصوت اللي مشهورة بيه النيسان

بس مش عارف ليه عندي احساس انها عربية حريمي وانها مش حتستحمل معايا زي اللوجان
احساس داخلي ان اللوجان عضمها انشف
جايز عشان خامات اللوجان احسن في التابلوه
جايز عشان كل حاجه في موتور اللوجان اسباني او ايطالي لما كنت بغيرها بعد 140 الف
معرفش, خلي بالك برضه النيسان عاملة معايا 8 الاف كيلو بس واللوجان حوالي 140 الف كيلو وحاسس انها لسه كسر زيرو
مش عارف لما النيسان توصل ل 140 حيبقى شكلها ايه