الموضوع: تقرير كامل بعد جولة في سوق السيارات يوم الجمعة....وصدمة من الاسعار

انا عندى اشترى byd l3 زيرو فيها كلل حاجة ,و ب97 لف اوتو وفتحة سقف ووسائل امان افضل من قرف المستعمل ده

المشاركة الأصلية كتبت بواسطة bassemali

زود 10 الاف وهات النيسان صني أحسن 100 مره من الأفيو ... وفعلا هات جديد أيا كان وريح دماغك من السرقه ف المستعمل وقرفه اللي هتشوفه بعد كده .. انا جيبت إسبرانزا زيرو عشان ماأشتريش مستعمل والحمد لله كانت إختيار موفق ومريحاني ولله الحمد .. لكن في مصر بالذات إبعد عن المستعمل إلا لو كان من حد تعرفه وتعرفه معرفه كويسه كمان مش أي معرفه .. لكن أسعار المستعمل دلوقت مقارنة بالجديد فعلا بقت إستهبال .. على سبيل المثال تلاقي الفيرنا موديل 2010 أو 2011 مطلوب فيها 65 الف وساعات أكتر .. وهيا الجديده بتاعتها ب 81 الف !!!!! إزاي مش فاهم .. يعني العربيه إتهرت 3 أو 4 سنين وف الأخر تنزل 10 أو 15 ألف بس !!!!! ده غير الحوارات بتاعت اللعب ف العداد وأصلها فابريكه ومش عارف أيه .. أه وكمان كله بيبيع لدواعي السفر .. هههههههههههههههه .. ياااااااراجل .. كبر مخك هههههههههههههه

انت كدة قلقتنى ياباشا ..وغير كدة انا بسمع ان الصنى الجديدة كلها مشاكل بصراحة مش عارف اعمل ايه

ياااااه دة الموضوع شكله جيه علي الجرح عند ناس كتيير اوي زي ما جيه علي نفس الجرح عندي
والله انا متوقعتش التفاعل دة بس فعلا الدنيا بقت ااخر استهبالونسيت اقول ان اللانسر بقت بسعر او اغلي من اوكتافيا a5

المشاركة الأصلية كتبت بواسطة ahmedabm

السلام عليكم يا أهل الخبرة
من فضلكم انا معروض عليا لانسر ٢٠٠٨ أوتوماتيك استعمال سيدة وطبعا بيقول انها فابريكة برة وجوا والسعر بيقولى فى حدود ٧٠/٧٥ الف
ارجوا الإفادة عن السعر وعن إمكانيات العربية وايه الحاجات اللى اهتم بيها جداااا فى فحص العربية مع العلم أنى عديم الخبرة فى السيارات وشكرا

علي وصف حضرتك يبقي اشتري علي طوول بدون تردد
يا باشا انا بقولك في السوق موديل 2007 ب 80 وطالع

المشاركة الأصلية كتبت بواسطة magdy_c_c

ولاااا أى اندهاش
يا باشا ده حال السوق المصرى ، طول مافى ناس مش فاهمة فى العربيات غير اليابانى ( اللانسر و التويوتا ) و متخيلة انهم أفضل عربيات القرن و التجار بتلعب فى دماغهم و تقول لهم دى عربيات اعتمادية و صيانتها سهلة و لو حبيت تبيع تبيعها فى خمس دقايق و الكلام الفارغ ده بتاع التكييف اللى ما حصلش و مش موجود فى الألمانى !!!
هتلاقى سوق المستعمل كله لانسر و كورولا ( ثقافة شعب ) و الأسعار طبعا ً وهمية
أما بالنسبة للأوبل و الأسكودا و البى ام يا باشا اللى بيحتفظ بعربية ماسكة نفسها من دول لاااااااااااا يمكن يفرط فيها أبدا ً و لما يجى يبيعها مش بيرميها فى السوق دى عربيات لها اللى يقدرها
طيب هاقول لك حاجة واحد زميلى معاه a5 حالة ممتازة و فى شهر 12 اللى جاى ان شاء الله هيشترى ال c180 بتاع جوز أخته اللى هيسافر برة و أنا هاخد منه الa5 ان شاء الله الحوار ده من امتى ؟
من شهر 4 اللى فات !!!
طيب انا الفلوس فى جيبى و عاوز أوكتافيا حالة نظيفة و متصانة و مش متهانة و عارف تاريخها كويس و الرجل بينزل اسكندرية مخصوص علشان يغير زيت الفتيس الأصلى يبقى استناها و لا اشترى أى عربية من السوق ؟؟
يا باشا الفئات اللى حضرتك ذكرتها قليلة فى السوق لأنها بتبقى محجوزة قبل ما تتباع و لكن اللى على النت أو فى السوق معظمه متبهدل أووووى و ملعوب مش بس فى عداده لا ده فى كل حاجة فيه و اسأل مجرب
لو عاوز تمشى بثقافة المصريين و تجيب حاجة لك و للسوق هات اليابانى المعجزة و على فكرة هتجيبها بسعر عالى و باردوا هتبيعها بسعر عالى
طيب هاقول لك على حاجة كمان الالنترا 2006 بتتكلم فى 85000 جنيه ده ان لقيتها فى السوق أساسا ً و الكورولا الخليجى أواخر 2007 الفابريكا بتتكلم فى 135000 جنيه ده ان لقيتها باردوا ( ماهى ثقافة شعب )
لو عاوز عربية ركوبة دور على ألمانى بس تكون عربية باشوات ما تاخدهاش من راجل شحات
و ربنا يوفقك

والله اانا بدور علي استرا 2006 ومش لاقي اصلا