تقرير رائع
تحياتي
رقم العضوية : 123571
تاريخ التسجيل : 23Apr2012
المشاركات : 1,618
النوع : ذكر
الاقامة : مصر
السيارة: لانسر بومة-ميجانII
السيارة[2]: اوبل فيكترا-فيات سيينا-لانسر بومة
دراجة بخارية: sizuki
الحالة :
السلام عليكم يا اهل المنتدي
انا حبيت اعمل الموضوع دة عشاان افيد الناس الي عايزة تشتري مستعمل الفترة دي زي حالاتي كدة
المهم اني نويت ان شاء الله اغير واجيب عربية اوتوماتيك في رينج 60:65 الف فقولت انزل السوق يوم الجمعة اشوف ايه المعروض والاسعار ايه اخبارها والمبلغ الي معايا يجيبلي ايه
المهم عقدت العزم وتوكلت علي الله ونزلت وهحكي باتفصيل عن العربيات الي شوفتها والاسعاار بالنسبة للموديل والحالة
النقطة الاولي:::::البايع والشاري
مبدئيا السوق فييه تجاار كتيير بس بردة في ناس عاديين كتيير بتبيع وتشتري مش تجااار
بس الي لاحظته ان العرض كتييييييييييييير اوي والبيييع ضعييف جدا جدا
النقطة التانية::::::السيارات والاسعاار
الحاجة الي كانت ملحووظة اوي بالنسبالي ان الاسعاار ارتفغت بشكل كبيير جدا جدا عن اخر مرة نزلت فيها السوق من سنة تقريبا اواقل وكمان فيه عربيات لاحظت انها انعدم وجودها تقريبا من السوق واختفت يشكل كبيير جدا زي الاوبل مثلا بكل موديلاتها وبشكل خاص الاسترا 2003\2006 ملقتش غير 3 عربيات بالعدد وكذلك الفيكترا b برضو حوالي 5 او 6 عربيات برضه في وسط عدد مهول من الموديلات التانية
في عربيات مسجلتش الحضور في السوق اليوم دة نهائي ومشوفتش ولو عربية واحدة توحد ربنا
وهم السوبارو امبريزا والفورد فوكس والالفاروميو 156 لان انا كنت حاططهم ضمن اختياراتي في الفئة السعرية
نيجي بقي للعربيات المنتشرة في السووق
1- لانسر بومة 2007\2009 مغرقة السوق يمكن 70% من العربيات لو قولنا ان السوق في 2000 عربية مثلا يبقي علي اقل تقدير في 1200\1300 عربية منهم لانسر بومة وتحديدا موديل 2007 سوبر اكشن وهاف اسبورت اكثر فئة وموديل موجود في السوق
2-تويوتا كورولا 2002\2006
3-هيونداي النترا 2008
4-رينو ميجان (سعرها ارتفع بشكل ملحوظ)
من رقم 2 لرقم 4 تقريبا 25% من اجمالي المعروض
وال5% الباقيين متنوعين بين اوبترا وياريس وبي ام واوبل وفيات و سكودا وفولكس وسيراتو
نيجي بقي لاهم نقطة وهي الاسعار:::::
:::::::::::::::::::::::::::::::::::::
هتكلم في الاسعار بتاعت كل عربية وكل موديل من الي سألت عليهم
1-لانسر بومة 2007\2008 هاف اسبور بدون فتحة سقف 1600 اوتو
اقل سعر سمعتوا في الفئة والموديل دة كان 80 الف جنيه بعد الفصال يعني هتسمع كتيير او 85 ونهائي وبيوصل ل 93 الف جنيه لموديا 2008
بالنسبة للفئة سوبر اكشن بفتحة سقف وجنوط وعتب وكدة 2007\2008
الاسعار تبدا من 93 الف جنيه لحد 109 الف جنيه ومعظم العربيات عداد تحت 100 الف كم ولو اني اشك في النقطة دي بس ما علينا
موديل 2009\2011 كان قليل شويتين ورينج الاسعار 95 الف الي 110 الف
طبعا بالنسبة للانسر دي اسعاار خياااااال ووهم وحاجة قلة ادب بصراحة
وبالنسبة لل 1300 cc كانت بتلعب في السبعينات
2- بالنسبة للتيوتا موديل 2002:2003 السعر من80 الف الي الي 87 الف حسب مزاج البائع
بالنسبة لموديل 2006:2007 السعر من 90 الف :110 الف
ومن هنا نلاحظ انها نفس سفالة وقلة ادب اللانسر
3-بالنسبة للالنترا 2008 كانت اسعارها معقولة شوية يعني 76الف\82 الف حسب الفئة والحالة بس مكنتش بدقق اوي لانها مكنتش في دماغي اوي
4-نيجي للرينو ميجان موديل 2005\2006 قبل الفيس ليفت
اوتوماتيك تاني فئة بجنوط بس من غير السقف البانوراما
موديل 2005 كان مطلوب فيها 58 الف\62 الف طبعا غليت عن قبل كدة لما كانت اخرها 55 الف
والعداد فوق 120 الف
موديل 2006 مطلوب فيها 66الف\70 الف
موديل 2007 مطلوب فيها 70الف\75 الف
موديل 2008 مطلوب فيها 80الف\88 الف
نيجي للاوبل الي سالت عليها عشان بفكر في الاسترا 2006 وحق ربنا العربية الوحيدة الي سعرها مغليش او فضل ثابت عن اخر مرة هي الاسترا وكانت ب 59 الف وحالة كويسة جدا وكان لسة فيها كلام كتيير كمان يعني بتاع 5 بواكي كدة ودي الوحيدة الي سالت عليها لان ملقتش غيرها تستحق
بالنسبة للفيكترا b موديلات 1996\1999
انا كنت بسأل عشان اشوف الاسعار ايه عشان ببيع نفس الموديل والعربية سعرها فعلا رفع عن ايام ما اشتريت لقيت كل العربيات بتتكلم في 52 الف\55 الف
ومن موديل 2000\2003
الاسعار من 60 الف\70 الف حسب الحالة
وباقي العربيارفعت برضة زي الاوكتافيا a4 مثلا موديل 99 وصلت 65 الف
والله انا كنت مستغرب جدا من الاسعار دي جدا جدا بالذات اللانسر والكورولا حاجة زيادة اوي عن حدها بصراحة
ولكم التعلييق في الاخر
انا بس حبيت افيدكم واشوف رايكم ايه والموضوع كله انا كاتبه بايدي والاسعار دي سمعتها بودني مش من النت ولا من حد تاني
رقم العضوية : 136267
تاريخ التسجيل : 10Mar2013
المشاركات : 1,993
النوع : ذكر
الاقامة : none
السيارة: none
السيارة[2]: none
الحالة :
تقرير رائع
تحياتي
وداعا
رقم العضوية : 151662
تاريخ التسجيل : 15Nov2013
المشاركات : 2,021
النوع : ذكر
الاقامة : الجيزة
السيارة: Proton Gen-2 2010 a/t
السيارة[2]: Opel Vectra 1999 1.6 m/t
دراجة بخارية: لا يوجد
الحالة :
تقرير ممتاز
Omar El-Gezeiry
رقم العضوية : 149487
تاريخ التسجيل : 02Oct2013
المشاركات : 10,977
النوع : ذكر
الاقامة : DAMANHOUR , ALEX
السيارة: ♥-♥-♥-♥-♥-♥-♥-♥
السيارة[2]: O---P---T---R---A
دراجة بخارية: ♥♥♥-._.-♥♥♥
الحالة :
اسعار طبعا خياليه ده غير ان السوق فيه عربيات كتير مضروبه وملعوب فيها وشغل تجار
بس النترا سعرها نازل جامد
رقم العضوية : 119554
تاريخ التسجيل : 25Jan2012
المشاركات : 153
النوع : ذكر
الاقامة : شبين الكوم
السيارة: أوكتافيا A4
السيارة[2]: شاهين
الحالة :
ولاااا أى اندهاش
يا باشا ده حال السوق المصرى ، طول مافى ناس مش فاهمة فى العربيات غير اليابانى ( اللانسر و التويوتا ) و متخيلة انهم أفضل عربيات القرن و التجار بتلعب فى دماغهم و تقول لهم دى عربيات اعتمادية و صيانتها سهلة و لو حبيت تبيع تبيعها فى خمس دقايق و الكلام الفارغ ده بتاع التكييف اللى ما حصلش و مش موجود فى الألمانى !!!
هتلاقى سوق المستعمل كله لانسر و كورولا ( ثقافة شعب ) و الأسعار طبعا ً وهمية
أما بالنسبة للأوبل و الأسكودا و البى ام يا باشا اللى بيحتفظ بعربية ماسكة نفسها من دول لاااااااااااا يمكن يفرط فيها أبدا ً و لما يجى يبيعها مش بيرميها فى السوق دى عربيات لها اللى يقدرها
طيب هاقول لك حاجة واحد زميلى معاه a5 حالة ممتازة و فى شهر 12 اللى جاى ان شاء الله هيشترى ال c180 بتاع جوز أخته اللى هيسافر برة و أنا هاخد منه الa5 ان شاء الله الحوار ده من امتى ؟
من شهر 4 اللى فات !!!
طيب انا الفلوس فى جيبى و عاوز أوكتافيا حالة نظيفة و متصانة و مش متهانة و عارف تاريخها كويس و الرجل بينزل اسكندرية مخصوص علشان يغير زيت الفتيس الأصلى يبقى استناها و لا اشترى أى عربية من السوق ؟؟
يا باشا الفئات اللى حضرتك ذكرتها قليلة فى السوق لأنها بتبقى محجوزة قبل ما تتباع و لكن اللى على النت أو فى السوق معظمه متبهدل أووووى و ملعوب مش بس فى عداده لا ده فى كل حاجة فيه و اسأل مجرب
لو عاوز تمشى بثقافة المصريين و تجيب حاجة لك و للسوق هات اليابانى المعجزة و على فكرة هتجيبها بسعر عالى و باردوا هتبيعها بسعر عالى
طيب هاقول لك على حاجة كمان الالنترا 2006 بتتكلم فى 85000 جنيه ده ان لقيتها فى السوق أساسا ً و الكورولا الخليجى أواخر 2007 الفابريكا بتتكلم فى 135000 جنيه ده ان لقيتها باردوا ( ماهى ثقافة شعب )
لو عاوز عربية ركوبة دور على ألمانى بس تكون عربية باشوات ما تاخدهاش من راجل شحات
و ربنا يوفقك
magd_c_c سابقا
رقم العضوية : 163948
تاريخ التسجيل : 14Aug2014
المشاركات : 18
النوع : ذكر
الاقامة : القاهرة
السيارة: لانسر
السيارة[2]: فئات ١٢٨
الحالة :
السلام عليكم يا أهل الخبرة
من فضلكم انا معروض عليا لانسر ٢٠٠٨ أوتوماتيك استعمال سيدة وطبعا بيقول انها فابريكة برة وجوا والسعر بيقولى فى حدود ٧٠/٧٥ الف
ارجوا الإفادة عن السعر وعن إمكانيات العربية وايه الحاجات اللى اهتم بيها جداااا فى فحص العربية مع العلم أنى عديم الخبرة فى السيارات وشكرا
رقم العضوية : 65146
تاريخ التسجيل : 14Mar2010
المشاركات : 378
النوع : ذكر
الاقامة : cairo
السيارة: Citroën DS5 sport
السيارة[2]: Hyundai New accent
دراجة بخارية: no
الحالة :
لما رحت شركة فابريكا بتاعة غبور اللی علی الدايری لقيتهم بيبيعوا الكورولا 2012 و 2011 الشكل اللی قبل الجديد ب 170 و 180 ألف
يعنی أغلی من سعر شرائها الأصلی
والله هم يضحك
[rmade]http://nileup.com/up/uploads/nilemotors_13995643141.jpg[/rmade]Kingrab ساابقا
رقم العضوية : 61970
تاريخ التسجيل : 14Feb2010
المشاركات : 1,562
النوع : ذكر
الاقامة : Alexandria, Egypt
السيارة: .......................
السيارة[2]: Opel Vectra 2001
دراجة بخارية: 123
الحالة :
2- بالنسبة للتيوتا موديل 2002:2003 السعر من80 الف الي الي 87 الف حسب مزاج البائع
بالنسبة لموديل 2006:2007 السعر من 90 الف :110 الف
ومن هنا نلاحظ انها نفس سفالة وقلة ادب اللانسر
.............
هى الاسعار دى بجد ؟
ده هبل
[rmade]http://www12.0zz0.com/2015/02/12/19/718590391.jpg[/rmade]
رقم العضوية : 121411
تاريخ التسجيل : 06Mar2012
المشاركات : 3,625
النوع : ذكر
الاقامة : assiut
السيارة: --
السيارة[2]: --
دراجة بخارية: --
الحالة :
تفتكروا لأمتى هتفضل البومة مسيطرة على سوق المستعمل ف مصر؟!!!!!!!!!
الحمد لله عدد ما احصى كتابه و الحمد لله على ما احصى كتابه
الحمد لله ملء ما فى السموات و ملء ما فى الارض و ملء ما بينهما
[img2]http://nileup.com/up/uploads/nilemotors_13651184541.jpg[/img2]
You decide on your speed. Physics decides whether you live or die(بأمر الله طبعا)
رقم العضوية : 73467
تاريخ التسجيل : 20Jun2010
المشاركات : 2,015
النوع : ذكر
الاقامة : cairo
السيارة: Brilliance fsv 2010
السيارة[2]: Fluence E3S 2014
الحالة :
قليل قوى اللى معاه اوروبى بينزل به السوق . هاتلاقيه فى معارض معينه ده لو صاحبها مش متغق على بيعها مع حد . و بتكون حالتها نضيفه بس غاليه . الاوروبى عموما مش اى حد يركبه . ناس كتير بتخاف من تكنولوجيته و قابلت كتير فعلا منهم فى مناقشات العربيات و اول كلمه بيقولها ده حتى كتالوجاتهم بالانجليزى و مش اى ميكانيكى يفهم فيها و دى حقيقه و بترجع لحاله اقتصاديه لشعب ما عندوش استعداد يروح كل شويه التوكيل و مع الاسعار الهبل اللى عايشين فيها . ده الرينو تغيير الزيت فى صيانة 10000 كم ب 800 جنيه اللى بيتكلف بره 350 جنيه . عايز اقول انه الناس معذوره فى الاختيار . الشباب ﻻزم هايروح للانسر و الكورولا و الكورى . ما عندوش القدره انه يروح كل شويه التوكيلات . كويس انه ركب عربيه كويسه هايروح يصرف عليها فى التوكيلات كمان ؟؟
اللهم بارك لنا فيما رزقتنا
المفضلات