تقرير كامل بعد جولة في سوق السيارات يوم الجمعة....وصدمة من الاسعار

**S O P H O S** · 02-09-2014 01:29 AM

كلامك سليم
السوق حاليا بقي مكان للخديعة مش الشراء
عربيات رديئة وكلهم تجار واسعار خيال
وده سبب ان الزيرو غالي ولكن اقرب للفلوس الي بتتطلب

**magdy_c_c** · 02-09-2014 02:58 AM

المشاركة الأصلية كتبت بواسطة mamoud salah h

والله اانا بدور علي استرا 2006 ومش لاقي اصلا

ربنا ان شاء الله يكرمك بحاجة نظيفة بس اكشف عليها كويس

**magdy_c_c** · 02-09-2014 03:02 AM

المشاركة الأصلية كتبت بواسطة engahmedsayed

صديقى العزيز ربنا يكرمك و يكون معاك الاوكتافيا
و أهم شىء سيادتك تيجى تسلم نفسك فى القسم
عارف طريقه و له اعرفهولك
مستنيك متتأخرش
ربك المستعان

صديقى العزيز
ادعى لى بس أخلص فيها الأول على خير و أكيد ان شاء الله هاسلم نفسى فورا ً للقسم و عارف طريقه ما تقلقش
ههههههههه
و متشكر لمرور سيادتك الكريم

**Mamoud salah H** · 02-09-2014 04:38 AM

واتفضلوا اهو يا جماعة دي عينة
سيارات مستعملة | ميتسوبيشي | لانسر | 1600 سي سي | موديل سنة 2007 - ContactCars.com

وعلي رأي احمد حلمي
والمصحف منا رادد

**Mamoud salah H** · 02-09-2014 04:44 AM

سيارات مستعملة | ميتسوبيشي | لانسر | 1300 سي سي | موديل سنة 2007 - ContactCars.com

الاعلان دة بصراحة حرق دمي يعني 1300 وقولنا ماشي
موديل 2007 وقولنا ميضرش
ب 86 الف وقولنا ما علينا مجتش عليه

انما ان كون المفتاح الاسبير موجود وبقي من ضمن مميزات العربية علي اساس انه المفروض يبقي ضايع دة الي مشم ممكن يتسكت عليه بصراحة لا وكمان فيها فوج لايت
يا مؤمن انا عربيتي موديل 96 والمفتاح الاسبير لسة معايا وبيلمع وعندي فوجات ورا وقدام

**s7oda** · 02-09-2014 04:19 PM

المشاركة الأصلية كتبت بواسطة magdy_c_c

ولاااا أى اندهاش
يا باشا ده حال السوق المصرى ، طول مافى ناس مش فاهمة فى العربيات غير اليابانى ( اللانسر و التويوتا ) و متخيلة انهم أفضل عربيات القرن و التجار بتلعب فى دماغهم و تقول لهم دى عربيات اعتمادية و صيانتها سهلة و لو حبيت تبيع تبيعها فى خمس دقايق و الكلام الفارغ ده بتاع التكييف اللى ما حصلش و مش موجود فى الألمانى !!!
هتلاقى سوق المستعمل كله لانسر و كورولا ( ثقافة شعب ) و الأسعار طبعا ً وهمية
أما بالنسبة للأوبل و الأسكودا و البى ام يا باشا اللى بيحتفظ بعربية ماسكة نفسها من دول لاااااااااااا يمكن يفرط فيها أبدا ً و لما يجى يبيعها مش بيرميها فى السوق دى عربيات لها اللى يقدرها
طيب هاقول لك حاجة واحد زميلى معاه a5 حالة ممتازة و فى شهر 12 اللى جاى ان شاء الله هيشترى ال c180 بتاع جوز أخته اللى هيسافر برة و أنا هاخد منه الa5 ان شاء الله الحوار ده من امتى ؟
من شهر 4 اللى فات !!!
طيب انا الفلوس فى جيبى و عاوز أوكتافيا حالة نظيفة و متصانة و مش متهانة و عارف تاريخها كويس و الرجل بينزل اسكندرية مخصوص علشان يغير زيت الفتيس الأصلى يبقى استناها و لا اشترى أى عربية من السوق ؟؟
يا باشا الفئات اللى حضرتك ذكرتها قليلة فى السوق لأنها بتبقى محجوزة قبل ما تتباع و لكن اللى على النت أو فى السوق معظمه متبهدل أووووى و ملعوب مش بس فى عداده لا ده فى كل حاجة فيه و اسأل مجرب
لو عاوز تمشى بثقافة المصريين و تجيب حاجة لك و للسوق هات اليابانى المعجزة و على فكرة هتجيبها بسعر عالى و باردوا هتبيعها بسعر عالى
طيب هاقول لك على حاجة كمان الالنترا 2006 بتتكلم فى 85000 جنيه ده ان لقيتها فى السوق أساسا ً و الكورولا الخليجى أواخر 2007 الفابريكا بتتكلم فى 135000 جنيه ده ان لقيتها باردوا ( ماهى ثقافة شعب )
لو عاوز عربية ركوبة دور على ألمانى بس تكون عربية باشوات ما تاخدهاش من راجل شحات
و ربنا يوفقك

انت جبت من الأخر

**yasser100** · 02-09-2014 04:55 PM

المشاركة الأصلية كتبت بواسطة mamoud salah h

والله انا نفسي في ميجان بس الحاج بقي الناس لعبوا في دماغوا لحد ما حلف انو مش هيجيبها

ما عليش الحاج مش هايقدر بستوعب يعنى ايه ميجان . غيرك طبعا . الجيل بيختلف

**Elaven** · 02-09-2014 05:19 PM

عاوز ارد بس مش مطاوع نفسي
محدش يزعل يا جماعة
السوق اصلا من البداية غالي وسرقة واللي عندة عربية واللي ناوي يجيب عربية حقيقة مش هذار بيتنصب علية عيني عينك حتي من التوكيل
انا بتكلم علي سعر العربيات في بلاد اوروبا وبلاد الخليج هي هي العربيات وللاسف هناك في فلوس تلاقي العربيات رخيصة ونيجي مصر مفيش فلوس والعربيات غالية هوة الغلط فين
لانسر بومة 2004 الي 2007 العداد فوق 120 الف كيلو السعر من 12 الي 17 الف
لانسر بومة من 2008 الي 2012 عداد تحت 60 الف كيلو السعر من 20 الي 28 الف
مش هقول كرولا
انا هقول كامري 2008 عداد 180 الف اقسم بالله لسة سامع السعر من كام ساعة علشان خاطرك ب 25 الف قولتلة غالية
محدش يزعل من السوق
المشكلة في النظام نفسة
مع العلم حرقة دم ليا وليكو من الاخر اي اي اي اي عربية تحت سنة 2000 اقسم بالله بعشر الاف
واقسم بالله اي موديل في الاوكتافيا تحت سنة 2002 ب عشر الاف
اسف علي حرقة الدم