استفسار كوردوبا 2002

**Abo Maleeka** · 02-09-2014 10:22 PM

نويت اجيب عربيه وانا من عشاق السيات من زمان وانا بدور على ابيزا لاقيت كوردوبا 2002 1400cc
حالتها كويسه جدا فبريكه بره وجوه معادا رفرف يمين كان ليا شوية اسئله عن العربيه اولا كنت عاوز اعرف
هى العربيه بتنزل 1400 لان صاحبها بيأكدلى انه شاريها بالموتور ده وكمان عاوز اعرف قوه المتور ايه ظروفها
وهل هو 8v ولا 16v وهو كام حصان ولو اومكن اعرف استهلاك بنزين المتور قد ايه تقريبا والتانك بتاع العربيه كام لتر معلش على كتر الاسئله :)

**hossamalsadik** · 03-09-2014 09:00 AM

كوردوبا نزلت مصر فى الفتره من 2000 -02 بماتور 1000 سى سى 16 فلف 2 كامه 70 حصان
فيجوز تكون كانت نزله مخصوص مافيش مشكله

ده شكل الماتور 1400 سى سى 16 فلف 2 كامه بخرج 101 حصان كود afh
فهل هوا الى شفته ؟

أستهلاك الماتور للبنزين الأستندر ونتا ظابط ضغط الكوتش ونصف حموله وسرعتك مابين 80كم الى 100كم و rpm مابين 2 الى 2.5
داخل المدينة : 9.4 لتر
طريق مفتوح : 5.5 لتر
متوسط الاستهلاك للمستخدم بين الطرق بالتساوى :6.9 لتر

**hossamalsadik** · 03-09-2014 09:27 AM

أسف الشكل الى فوق 1400 16 فالف 75 حصان كود aua

ده شكل الماتور 1400 سى سى 16 فلف 2 كامه بخرج 101 حصان كود afh و afkو aub

سعة تنك البنزين الاساسى + الأضافى = 52 لتر

**ehab_mansour** · 03-09-2014 09:37 AM

السلام عليكم
حسام بيك نفس شكل الموتور اللي في مشاركتك التانيه ده هو شكل موتوري ال 1000 سيسي 16 فالف 70 حصان و لما نزلت لفيت علي مواتير من قبل شفت نفس الشكل 1400 16فالف 101 حصان عشان بس محدش يبيع لحضرتك الوهم لأني واحد قبل كده قعد يفتي في دماغي بما فيه الكفاية انه موتور 1400 و لكنه 1000 سيسي

انا معايا نفس العربية عامله 190 الف كيلومتر حتي الان زي الفل عفشة و تكييف و راحه و تقفيل و كل حاجه ما عدا ان موتورها ليه بعض قطع الغيار اللي بتبقي قليلة شوية زي الكاتينة مثلا غير كده بيركبلها نفس قطع غيار الابيزا

دور في موضوعاتي هتلاقيني عامل موضوع كامل عنها فيه تقييم كامل بأكبر قدر من الحياديه عنها

**hossamalsadik** · 03-09-2014 09:54 AM

صديقنا العزيز ايهاب بك منا عشان كده حطيت الاكواد عشان يتاكد من خلالهم اذا كان 1000cc ولا 1400cc
وحطيت صور عشان يتأكد أذا كان 1400 الواحد كامه 8 فلف 60 حصان ولا 2 كامه 16 فلف 75 حصان ولا 2كامه 101 حصان مع مراعاة الكود

**ehab_mansour** · 03-09-2014 10:06 AM

المشاركة الأصلية كتبت بواسطة hossamalsadik

صديقنا العزيز ايهاب بك منا عشان كده حطيت الاكواد عشان يتاكد من خلالهم اذا كان 1000cc ولا 1400cc
وحطيت صور عشان يتأكد أذا كان 1400 الواحد كامه 8 فلف 60 حصان ولا 2 كامه 16 فلف 75 حصان ولا 2كامه 101 حصان مع مراعاة الكود

اخي العزيز حسام بيه مانا اقصد فقط ان نفس عربيتي بالضبط بينزل عليها محركين شبه بعض بالضبط 1000 سيسي 16 فالف 70 حصان و 1400 سيسي 16 فالف 101 حصان لكن للاسف ناس كتير بتبيعها بموتورها الاستوك ال 1000 سيسي علي انها 1400 لأن فعلا الموتور ال 1000 ال 16 اداؤه يوهمك انه 1400 لذلك انا عايزه يتاكد من الرخصة و من كود الموتور اللي هو AVZ لل 1000 سيسي ال 16 فالف

ربنا يكرمك يا افندم انا فقك بكمل علي كلامك

**ehab_mansour** · 03-09-2014 10:26 AM

المشاركة الأصلية كتبت بواسطة Abo Maleeka

تمام يا باشا وهو ده فعلا الى هعمله النهارده هبص فى الرخصه وهتأكد من كود الموتور كان ليا سؤال تانى معلش كنت عاوز اعرف اسعار قطع الغيار معقوله ولا عاليه لان الناس كلها عماله تخوفنى منها وتقولى قطع الغيار نار ومش هتلاقيها

كلام فارغ و فتي و دي طبيعة الشعب المصري لما تحتاج اي قطعة غيار ليها فقط ادخل علي المنتدي دور في موضوعاتي عنها هتلاقي كل حاجه موجودة و مكتوبة

ده لينك التقرير اللي انا كتبته عنها
http://www.nilemotors.net/Nile/277707-2002.html

و ده لينك بحث باسمي و عربيتي طالع فيه تقريبا كل الموضوعات اللي اتكلمت فيها عن العربية سواء صيانات او مشاكل
8 صفحات موضوعات كلها مهمة لك

نايل موتورز - NileMotors.net

بعد ما تخلص دول ملكش حجه قدامك كل حاجه عن العربية بكل امانه و قرر و استخير و ربنا يوفقك لما فيه الخير
مقلتش معروضه بكام ؟؟؟

**hossamalsadik** · 03-09-2014 10:27 AM

كود الماتور بيكون على بالبلوكه اسفل شجرة المايه

الموضوع: استفسار كوردوبا 2002

LinkBack

أدوات الموضوع

عرض

-

-

-

-

-

-

-

المواضيع المتشابهه

تغيير طقم دبرياج كامل لعربيتي ..كوردوبا 2002

اخر اخبار صيانات عربيتي المفاجئه ..كوردوبا 2002

محتاج اغير كاوتش عربيتي كوردوبا 2002

مطلوب راى الخبراء فى كوردوبا 2002

الكلمات الدلالية لهذا الموضوع

المفضلات

المفضلات

ضوابط المشاركة