الموضوع: شواطىء مطروح

المشاركة الأصلية كتبت بواسطة ninevision

الغرام
الاوبيض
روميل متوسط

المشاركة الأصلية كتبت بواسطة cheburashka

الأوبيض (الأبيض) أحسن شاطىء فى مطروح

المشاركة الأصلية كتبت بواسطة n_salamaly

الاوبيض - ما فيش كلام
و لو معاك اطفال صغار يبقى روميل

بلاش الغرام لانه زحمه قوى قوى و ممكن تبقى صف تالت او رابع و الناس مزنقة فى بعض زي اسكندرية و اكتر فى بعض الاوقات

المشاركة الأصلية كتبت بواسطة windofchange

روميل تصوير وعوم اطفال ويعتبر شاطيء ضحل في رأيي و(ميته مش حلوة) مش مباشر عالبحر زي الابيض عجيبة فيها عوم المفروض تحت الهضاب وفيه شاطيء قبلها شبه الابيض ممكن تروحه مشي من عجيبة

المشاركة الأصلية كتبت بواسطة hesham fawzy h

توصل بالسلامة ان شاء الله يا جاجوار بية .

حضرتك عارف انى كنت فى مطروح من حوالى شهر

انا مبحبش الزحمة خالص و بالاخص فى المصايف ود هيكون لة دور فى آرائي

- الغرام : اقذر و ازحم شاطئ فى مطروح حاجة مقرفة بجد .. انا دخلت شوفت المنظر وطلعت علطول .

- روميل : اقل زحاما من الغرام بس المياه تحس انها بركة او مستنقع .. وبرضو دخلت لقيت دبان و الارض مش نظيفة روحت ماشى .

- كليوباترا : العمق مش كبير و المياة مش صافية اوى .. بس ممكن تأجر بدال او جيت سكى او بنانا .

- الابيض : الصراحة مش فاكرة اوى بس هو كويس برضو .

- عجيبة : افضل شاطئ فى مطروح من حيث المياة النظيفة و الهدوء و مفهوش زحمة خالص ( ادخل من عند اول يفطة فى الطريق مكتوب عليها شاطئ عجيبة و اقعد قدام الصخرة التى فى المياة )
و لازم تروح طبعا هضبة عجيبة منظر جميل جدا و فى حتة شاطئ صغير تحت الهضبة بس مينفعش تنزل تعوم فية علشان كلو طحالب وصخر ..مزار بس .

** بالنسبة للخروج بالليل القهاوى الى عند كوبرى روميل .. هتلاقى قهوة زحمة و الكراسى مفروشة فى الشارع و فيها رقص و غناء بدوى جميل جدا لازم تروحها هتتبسط جدا .

- الطريق يتقال علية كويس بس فية نقر كتير

المشاركة الأصلية كتبت بواسطة super_star_h

عجيبه
روميل
كليوباترا
انا كنت هناك من اسبوعين كده ومعظم الشواطئ مكنتش زحمه
وفى شاطئ اسمه مينا ابو حشيش بس معرفش عنه حاجه الصراحه الناس بتقول عليه انه كويس بس بعيد شويه

المشاركة الأصلية كتبت بواسطة omar101970

شاطىء الريفيرا هو شاطىء صغير بس اجمل حاجه فيه ان فيه خدمات كويسه وحمامات كويسه علشان الشاور بعد البحر الميه فيه كويسه عيبه ان صغير شويه .
الأبيض اجمل ميه فى مطروح بس مشكلته الحمامات هناك قليله ووحشه اوى
روميل زحمه و شعبى شويه والحمامات وحشه بس موجوده بس الصراحه ارخص شاطىء تأجر فيه البانانا او الباليسوار وتبقى مطمن اوى
والسهر فى منطقه روميل

شاكر لردودكم يا جماعه :)

واضح ان الأبيض كله بيشكر فيه

انا هاخد لفه كده واللى هايعجبنى هادخله



لو فى اراء تانيه مفيش مشاكل