ميجان 2007 ولا اوكتافيا a5

**simon659** · 06-09-2014 05:32 AM

يا جماعه بفكر في عربيتين رينو ميجان موديل 2007 و اسكودا اوكتافيا a5 شايفين يا جماعه ثبات ايه افضل واستهلاك بنزين وماتور ايه افضل ومع ان في ناس بتعيب في فتيس الميجان بس اكيد احسن من dsg المهم شايفين ايه افضل وراحه داخليه ومتانه وما شبه محتاج مساعده وماليش دعوه بالماديات انا عارف ان الميجان ارخص بس علشان السوق المصري وياريت اخبار التكييف ايه في الاتنين وشكرا
واخبار قطع غيار الانين ايه

**تامر.محمد** · 06-09-2014 06:00 AM

الميجان ارخص و على حد علمي قطع غيارها ارخص بصورة ملحوظة

الاوكتافيا ثباتها احسن , و الميجان كويسة برده , الاتنين بط بلدي من حيث التسارع
كماليات مش عارف انهي احسن , الميجان كويسة جدا
من حيث الراحة الميجان مريحة جدا , الاوكتافيا مش عارف
الاوكتافيا مشهورة ان اعتماديتها كويسة جدا , و اول مرة الصراحة اسمع انها dsg
الميجان مشهورة ان اعتماديتها اقل

تكييف الميجان معقول اوي لو القطع بتاعته اصلي , الاوكتافيا مش عارف

**Super_Star_h** · 06-09-2014 06:33 AM

مقدرش افتى واقول مين احسن
ولكن الميجان ثباتها جبار وماتورها ممتاز وسحبها رائع
ومريحه ونعمه جدآ
صيانتها صعبه شويه وقليل اللى بيفهم فيها وحافظها
قطع غيارها متوفره جديد ومستعمل
واسعارها معقوله

**Moratoz** · 06-09-2014 09:02 AM

بعيدا عن الماديات وسعر الشراء
الاوكتافيا افضل في توافر قطع الغيار وتنوعها وفي انتشار مراكز صيانتها وعدم تعقيد ميكانيكا السياره وفي الاعتماديه
اما الثبات الاوكتافيا أفضل وان كان الفارق مش كبير الميجان ممتازه برده
التكيف في صالح الاوكتافيا افضل من الميجان
الراحه الداخليه العربيتين ممتازين
ولكن أرجح الاوكتافيا للأعتماديه والصيانه الخاصة بها

**Adnfalcon** · 06-09-2014 01:46 PM

ال a5 أكثر ثباتا . صاج انشف . قطع غيار متوفره أصلي وألماني و تايواني و و و . . . . عاليه عن الأرض . اوسع شنطه بدون منازع 560 لتر . فتيس تيبترونك 6 سرعات مش dsg