الموضوع: اخوكم جديد مع العربيات ومحتاج مساعدتكم

اللمبات اللي بتنور وانت بتدور عادي جدا طالما كلو بيطفي بعد ماتدور العربية ولمبة الحزام بتطفي بعد ماتربط الحزام
البطارية كويسة مافيهاش مشكلة سايلة او جافة وتاخير الدوارة ممكن يكون مارش او بوجيهات او انت دوست بنزين وانت بتدور فالعربية شرقت
طبيعي ان العربية صوتها يعلي عند بدية التسارع وترتاح علي السرعة الثابتة وانا مسمعتش صوتها عشان احكم دة عيب فيها ولا لا

المشاركة الأصلية كتبت بواسطة Sameh samy

اللمبات اللي بتنور وانت بتدور عادي جدا طالما كلو بيطفي بعد ماتدور العربية ولمبة الحزام بتطفي بعد ماتربط الحزام
البطارية كويسة مافيهاش مشكلة سايلة او جافة وتاخير الدوارة ممكن يكون مارش او بوجيهات او انت دوست بنزين وانت بتدور فالعربية شرقت
طبيعي ان العربية صوتها يعلي عند بدية التسارع وترتاح علي السرعة الثابتة وانا مسمعتش صوتها عشان احكم دة عيب فيها ولا لا

الف شكر اخ سامح على ردك واهتمامك

المشاركة الأصلية كتبت بواسطة mhopa2440

هو يفضل تغير البطارية إلى جافة عشان تحافظ على العربية من جوه

وتغيير البطارية لما فرق الجهد بتاعها يقل (ممكن تقيسه عند اي حد بتاع بطاريات)

اما صوت العربية لما بيعلى حضرتك شوف الار بي ام بيكون على كام

اخى العزيز مهاب اولا احب اشكرك على ردك واهتمامك
ثانيا انا فعلا رحت عشان اقيس جهد البطارية من فترة والاخ اللى كان بيقيس جهد البطارية قالى انها لازم تتغير فورا والكلام ده كان من شهر او اكتر وسالنى هل هى بتريح معايا وانا قلتله لا قالى خلاص كمل بيها بس هل من المعقول ان بطارية عايزة تتغير تفضل اكتر من شهر دايرة عادى من غير حتى ما اضطر مرة واحده انى ادور العربية مرة او مرتين وماتدورش معايا بيتهيالى من خلال خبرتى البسيطة صعب.
ثالثا انا معاك ان البطارية الجافة افضل بس مستنى لغاية ما احس ان البطارية دى ابتدت تعلق مثلا
وشكرا تانى على اهتمامك

المشاركة الأصلية كتبت بواسطة أحمد جودة

هوة انا مش فاهم صوت عالي مثلا زيادة عن اللزوم ولا حضرتك طبيعي لما بتزود السرعة 60 - 70 - 80 بتلاقي نفسك مش سامع صوت الموتور

أو أن العربية محتاجة تظبيط كهربا ودي حاجة بسيطة

عموما مع التعود هتعرف كل حاجة عن العربية وعاوزك دايمن عينك على عداد الحرارة


تقبل تحياتي وارجو أن أكون أضفت ليك معلومة جديدة

بجد انا متشكر جدا ليك يا اخ احمد
اولا احب اعرفك بالنسبة لموضوع اللمبات الحمد لله مش بتظهر نهائيا وانا سايق يعنى بناء على كلام حضرتك كده الحمد لله مفيش مشكلة
ثانيا بالنسبة للبطارية انا اسف بس عايز استفسر اعرف امتى انها محتاجة تتزود ماء مقطر لانى فعلا مفيش عندى خبرة خالص بالنسبة للموضوع ده وفى نفس الوقت ان شاء الله هاغير فى اقرب فرصة لبطارية جافة 70 امبير.
ثالثا بالنسبة للصوت هو زى ماوضحت لحضرتك انى بفرض انى واقف فى اشارة فاول ماتفتح الاشارة ببتدى اطلع بالعربية وحضرتك عارف ان الاتوماتيك طبعا بتسحب واحده واحده فعلى مالعربية تسحب معايا واوصل لل 60 او 80 مثلا بيكون صوت الموتور بيعلى تصاعدى وواول ما اوصل للسرعة اللى انا عايزها بيبتدى يهدى الصوت ويكون طبيعى مع مراعاة انى مش بحب اكون حنين على العربية فمش بدوس جامد على دواسة البنزين يعنى مش بحب اقرص على العربية فهل كده فى اى مشكلة.
واخيرا اشكرك جزيلا على اهتمامك وردك بجد