الموضوع: تفاصيل صيانة 10 ألاف كم فى الفلوانس فيس ليفت

المشاركة الأصلية كتبت بواسطة yasser100

تمام يا ريس :) . ما هو ده اللى انا اكتشفته و كان سبب فى بلبله كبيره فى موضوع كور الزيت فى الديجيتال

المنطقه بتاعت الh دى بكورتين يا باشا و المنطقه المشرشره بكورتين و لغاية اخر حرف ال l كورتين

كلنا مستلمين العربيات لغاية الحد الاقصى بتاع المنطقه المشرشره فقط ناقص نص كيلو زيت من المصنع و احنا طبعا مش عارفين و فاكرين انه المنطقه المشرشره اقصى حاجه .

اول ما بينزل الزيت سنه بسيطه عن الحد الاقصى بتاع المنطقه المشرشره بيطير كورتين ديجيتال على طول و تحصل البلبله بقا .

ياريت تعمل موضوع فى النقطه دى علشان تهم ناس كتير . انا كنت كتبتها فى وسط موضوع بس الناس ما خدتش بالها .

:) تحياتى

على كده يا ياسر بيه، زى ماحضرتك قولت العربية بتنزل ناقصة نص كيلو زيت، طب أنا واحد مثلا استلمت العربية النهاردة ومشيت بيها شوية وطبعا على كلام حضرتك أول ما ينقص ملى هالاقى العداد الديجيتال طار منه كورتين، ساعتها بقى الواحد يعمل أيه، يطلع على التوكيل يزودوه وللا يعمل أيه؟؟

المشاركة الأصلية كتبت بواسطة yasser100

اعتقد انهم المفروض تلاشوا الملحوظه دى . بص كده على المقياس المانبوال عندك فين ؟ مغطى حرف ال h و ﻻ على اقصى المنطقه المشرشره ؟ لو عندك مغطى ال h ما تقلقش مش هاينقص فى الديجيتال و لو 10000 كم حتى . لو اقصى المنطقه المشرشره بس لو نقص معاك ديجبتال روح لهم و هايزودولك نص كيلو زيت و خلاص . ما فيش قلق . كل الموضوع انها لو نقصت معاك ديجيتال ما تتخضش هيه جايه ناقصه و معانا كلنا تقريبا برضه . بص الاول على المقياس المانيوال

تمام كده، المهم إن مافيش عيب صناعة ولا حاجة، كل الحكاية العربية بتيجى أصلا ناقصة تقريبا نص كيلو زيت، بس برضه غلط، لأن الموضوع عمل بلبلة كبيرة، على العموم متشكر جدا يا باشا
وتحياتى لحضرتك

فينك يا هانى باشا، ممكن بس إذا تكرمت تدينا تفاصيل شوية عن الفلوانس iii ، يعنى أيه iii ، يعنى مثلا ثلاثة وللا أيه، وكمان دى متوقع تنزل إمتى يعنى موديل 2016 وللا 2017،ومواصفاتها هاتكون أيه؟

وكمان لما حضرتك غيرت الزيت أخدت زيت معين معك وللا لا، ولو لأ ، همابيحطوا زيت أيه، لأنى سمعت إن فى ناس بتاخد معاها زيت غير اللى بيحطوه

وتحياتى لحضرتك

مبروك الصيانة عقبال 100 الف مع الرينو